Miqueas 3:12 - Qheshwa Biblia DC

¹² Jinapis, qankunaj juchasniykichejrayku Diospa llajtan Jerusalenqa barbecho llank'asqaman tukonqa, wasispis phirisqa qolluman jinataj, Diospa yupaychana wasimpa orqontaj qhoraswan pakaykusqa kanqa.

DIOSPA QHELQACHISQAN DEUTEROCANONICAL

¹² Chayrayku juchaykichejrayku, Sión orqopi Jerusalén llajta barbechoman tukonqa, raqayllamantaj. Maypichus Diospa Templon kashan, chay orqotapis ch'umilla p'ampaykonqa.

DIOSPA QHELQACHISQ

¹² Chayrayku juchaykichejrayku, Sión orqopi Jerusalén llajta barbechoman tukonqa, raqayllamantaj. Maypichus Diospa Templon kashan, chay orqotapis ch'umilla p'ampaykonqa.

Miqueas 3:12 Referans Kwoze

Salmos 79:1

Diosníy, waj naciones jallp'asniykiman yaykuykamunku. Llimphu wasiykita ch'ichichanku. Jerusalentataj raqayman tukuchinku.

San Mateo 24:2

Jesustaj paykunaman nerqa: Rikunkichejchu kay tukuyta? Cheqamanta niykichej, kaypeqa mana uj rumillapis rumi patapi qhepakonqachu; tukuynin pampachasqa kanqa.

Miqueas 1:6

Chayraykumin Señor nin: Samaria llajtata ruwasaj phirisqa wasi qollusllataña, uvas plantana campotataj kicharisaj. Chay llajtamanta rumisninta tukuy pampata junt'achisaj, ura urannej rumistapis patannej sut'iman churamusaj.

Salmos 107:34

Sumaj jallp'asta mana poqojman tukuchin, chaypi tiyakojkuna sajrata ruwasqankurayku.

Jeremías 9:11

Jerusalén llajtata rumi qontusman tukuchisaj, chantá atojkunaspa pakakunasninmantaj; manañataj pipis chaypi tiyakonqachu.

Jeremías 17:3

Chay campo orqospi kasharqa chaykunamantapis. Juchasniykirayku saqesaj tukuy qhapaj kajkunasniykita, k'acha imasniykipis suwaqas kanankuta. Jallp'aykipi tukuy yupaychana orqosniykitapis qhechusonqanku.

Jeremías 22:6

Noqa Señor chayta nini, Judamanta reypa palacionqa kay jina kananta: Qan noqapajqa Galaad orqo jina kanki, Líbanoj orqo puntan jinataj. Kunantaj jurani uj ch'in pampaman tukuchinasuyta, mana pejpa tiyakuynin cheqaman.

Jeremías 35:17

Chayrayku noqa Israelpa Tukuy Atiyniyoj Señor Diosnin nini: Noqa Judáj patanman, Jerusalempi tiyakojkunaspa patanmampis willacherqani, chay ñak'ariykunasta urmachimusaj. Noqa parlapayarqaykichej, qankunataj mana kasuwarqankichejchu; wajyarqaykichej, qankunataj mana uyariwarqankichejchu.

Jeremías 52:13

Paytaj Diosta yupaychana wasita ruphaykucherqa reypa palacionta, chantá llajtapi tukuynin wasistapis, astawanqa allin rejsisqa runaspa wasisninkuta.

Lamentaciones 5:18

Sión orqoqa ch'impacha, atojkunallaña chaykunapeqa purishanku.

Isaías 32:14

Reypa palacionqa ch'in pacha qhepakonqa, chay chhika runayoj llajtapis ch'in pacha kanqa, qhawana torreswan, pakakuna wasiswanqa wiñaypaj saqerpasqas qhepakonqanku. Chaypeqa k'ita burroslla mayta kanqanku, wakas ima chaypi mikhonqanku.

Jeremías 9:10

Orqosnejpi waqaychej, ayqhoychejtaj, llakiy wayñusta pasto pampaspi takiychej, imaraykuchus ruphasqasña kashanku, nitaj pipis chaynintaqa purinñachu, manañataj wakaspa ulisqankupis uyarikunñachu, phawaj p'isqospis, sajra animalespis ayqekaporqanku.

Jeremías 22:5

Manachus kay nisqasniyta junt'ankichej chayqa, kay palaciotapis raqaykunasllaman tukuchisaj. Noqa Señor chayta nini.