Miqueas 3:11 - Qheshwa Biblia DC

¹¹ Llajtaj juezkunasnimpis rantichikunku, sacerdotesnimpis qolqeraykulla yachachinku, profetasninkupis qolqeraykullataj adivinanku; chantá mayta parlanku Señor paykunaman kutikusqanta; kay jinata nispa: Señorqa noqanchejwan kashan; mana ni ima sajrapis qhatiriwasunchejchu, nispa.

DIOSPA QHELQACHISQAN DEUTEROCANONICAL

¹¹ Llajtapi justiciata ruwajkuna, qankuna rantichikunkichej. Sacerdotekuna, qankunapis qolqeraykulla yachachinkichej, sut'inchajkunapis qolqeraykullataj imatapis willankichej. Chantá mayta parlankichej Tata Diospi atinikusqaykichejmanta: Tata Dios noqanchejwan kashan, manataj ni ima mana allin kajpis qhatiriwasunchu, nispa.

DIOSPA QHELQACHISQ

¹¹ Llajtapi justiciata ruwajkuna, qankuna rantichikunkichej. Sacerdotekuna, qankunapis qolqeraykulla yachachinkichej, sut'inchajkunapis qolqeraykullataj imatapis willankichej. Chantá mayta parlankichej Tata Diospi atinikusqaykichejmanta: Tata Dios noqanchejwan kashan, manataj ni ima mana allin kajpis qhatiriwasunchu, nispa.

Miqueas 3:11 Referans Kwoze

Jeremías 6:13

Tukuyninku jatunmanta juch'uykama yuyanku qhasi manakajmanta qolqeta jap'iyllataña; profetas, jinatataj sacerdotespi llulleriosninkuwan ch'aukiyanku.

Isaías 1:23

Kamachisojkunataj contraypi sayaykuwanku, suwaspa kausaqesnin kanku. Tukuy rantichikunku qolqewan, mask'ankutaj t'inkata qonankuta. Wajcha wawapaj mana cheqantachu ruwanku, viudaj willakusqantapis mana uyarillankupischu.

Miqueas 3:5

Israel aylloyqa pantay ñankunasta rishan chay profetaswan ch'aukiyasqankurayku. Paykuna ninku: Sonqo tiyasqalla tiyakusunchej, nispa; mikhunankupaj qonku chaykunaman. Chaywampis maqaj sayaykunku piskunachus mana imatapis mikhunankupaj qonkuchu chaykunaman. Señor nin chay profetasman:

Jeremías 7:4

Ama atienekuychejchu, chay ch'aukiyajkuna kay jinata nisojkunaman: Señorta yupaychana wasin kaypi kashan. Señorta yupaychana wasin kaypi kashan, nispa.

1 Pedro 5:2

Qankuna ukhupi kashanku, chay Diospa t'aqa ovejasninta michiychej, allinta paykunata qhawaspa, ama kamachisqas jinachu, astawanqa munayniykichejman jina; nitaj qolqeta mask'aspachu; manachayqa ancha munakuywan; chay churasqas kashanku qhawanaykichejpaj; ama qankunajtapis kanman jinachu kamachiychej, astawanqa, ovejas qankunamanta yachakunankupaj jina allinta puriychej.

Tito 1:11

Chaykunataqa ch'inyachina tiyan. Chaykunaqa pejtunku wasintinta mana kajta yachachispa, qhasimanta qolqeta jap'ispa.

Miqueas 7:3

Juchata ruwanapajqa maestros kanku, chay kurajkunapis t'inkasta apamunankuta kamachinku, juezkunasri wajkunawan rantichikunku, atiyniyoj kajkunataj munasqankuman jina ruwaspa llajtata juchallichinku.

Isaías 48:2

Diospa llajtanmanta kayku ninkichej, Israelpa Diosninman atienekuyku nispa. Chay Diospa sutenqa Tukuy Atiyniyoj Señormin.

Jeremías 8:10

Chayraykutaj warmisninkuta waj qharisman jaywaykusaj, jallp'asninkutapis wajkunaman. Jatun juch'uy qhasi mana kaj, qolqeta jap'iyllataña yuyanku. Sacerdotes, jinataj profetaspis tukuyninku ch'aukiyanku.

1 Samuel 8:3

Chaywampis chay wawasnenqa mana tatanku jinachu imatapis allinta ruwarqanku, manachayqa qolqeta munapayayman qokaporqanku, chanta lluk'ichikorqanku, nitaj imatapis cheqantachu ruwarqanku.

Números 16:15

Chaymanta Moisesqa maytapuni phiñarikorqa, Señormantaj nerqa: Señor, ama ofrendasninkuta jap'iychu. Noqaqa paykunamanta mana uj burrollankutapis qhechunichu, nitaj ima sajratapis ruwanichu ni mayqenninkuta.

Judas 1:11

Ay paykunamanta! Caimpa ñanninta purerqanku, qolqerayku Balaampa pantasqanman urmarqanku, Coréj oqharikusqampitaj wañorqanku.

1 Timoteo 3:3

Kanallantaj tiyan mana machaj, mana churanakoj, manachayqa llamp'u sonqoyoj, munakuyniyoj, mana qolqeta munapayaj.

Amós 9:10

Aylluy ukhupi tukuy juchasapas kajkuna espadawan wañuchisqas kanqanku, nejkunaqa: Mana ima sajrapis qhatiriwasunchu, nitaj taripawasunchu.

Isaías 56:11

Alqos jina mana sajsayta atej kanku. Paykuna michejkuna kashaspapis mana yuyayniyoj wampus kanku; sapa ujninku imatachá munasqankuta ruwaspa purinku, sapa ujninku imachá paykunapaj allin kajllata mask'anku munasqankuman jina.

San Mateo 3:9

Ama niychejchu qankunaqa: Abrahampa wawasnin kayku, nispa. Noqa niykichej, Diosqa kay rumismantapis wawasta sayarichiyta atin Abrahampaj.

Sofonías 3:3

Kamachejninkoqa qhapariykachaj leonkuna jina kanku. Juecesninkutaj, q'ayantimpaj ni uj tulluta puchuchej campo atojkunaman rijch'akunku.

Ezequiel 22:27

Kay llajtapi kurajkunaqa atojkuna jina jap'isqankuta t'unanku, yawarta jich'anku, runasta wañuchinku kapuyninkuta suwaspa qhapajyanankupaj.

Ezequiel 22:12

Wakin qampi tiyakojkunamanta qolqeta lluk'ichikunku waj runasta wañuchinampaj. Qolqeta mañarinku mirayniyojta orqhonankupaj. Runa masisninkuta ch'aukiyanku, ñak'arichinkutaj. Noqamantataj qonqakaporqanku. Noqa Señormin kaytaqa nini.

Proverbios 17:23

Sajra runaqa pakaypi lluk'ichikun, cheqan ruwakunan kashajtin q'ewichinampaj.

Isaías 5:23

Qankunaqa lluk'inas kajtin juchayojta mana juchayojman tukuchinkichej, mana juchayojtataj juchachankichej.

Jeremías 23:17

Pichus palabrayta qhesachajkunata ninku: Tukuy ima allillan risonqachej, nispa. Pischus ruwallankupuni rumi sonqonkoj munasqanman jina, chaykunatapis ninku: mana ni ima sajra kajqa jamusonqachejchu, nispa.

Jeremías 26:7

Sacerdotes, profetas, tukuy llajtapi kaj runaspis, Diosta yupaychana wasipi Jeremiaspa nisqanta uyarerqanku.

Oseas 4:8

Aylluypa juchallanwan kausanku, chayrayku munanku runasniy astawan juchallikunankuta.

Amós 5:14

Mask'aychej allin kajta, mamataj sajra kajtaqa, chantaqa kausankichejtaj; ajinamanta qankunaj nisqaykichejqa cheqan kanqa. Tukuy Atiyniyoj Señor Dios qankunawan kashan.

Malaquías 2:9

Chantapis mana kasuwankichejchu, runasman yachachispataj mana tukuywanchu kikinta ruwankichej. Chayrayku noqa qankunata tukuy llajtaj ñaupaqempi p'enqaypi rikhurichisqaykichej, qhesachachisqaykichejtaj, nin Tukuy Atiyniyoj Señorqa.

Números 22:7

Moabmanta, Madianmanta kaj kuraj runasqa qolqe oqharisqa rerqanku maldicisqanmanta jaywanankupaj. Ajinata Balaampaman chayaytawan kacha runasqa willarqankupacha imatachus Balac nichisqanta.

Jeremías 5:12

Israelwan Judawanqa Señorqa qhesachanku, kay jinata nispa: Payqa mana kanchu. Mana ima sajraspis qhatiriwasunchu, mana kanqachu maqanakuykuna, nitaj yarqhaykunapis, nispa.

Sofonías 3:4

Profetasninkoqa sajra parlayniyoj kanku, Diospa contrampi sayarinkutaj, sacerdotesninkutaj llimphu kaj wasita ch'ichichanku, Señorpa kamachiyninkutapis p'akinku.