Miqueas 2:4 - Qheshwa Biblia DC

⁴ Jaqay p'unchaykunapeqa llakiy waqay yarawista takisonqanku. Nisonqachejtaj: Cheqamanta q'ala tukuyninchejpuni t'una ruwasqas karqanchej; llajtanchej kaj, Señorninchejpata kajkunapis wajpaj makinman chayarqa ni pejpa jark'akusqallan; tukuy jallp'asninchejpis q'ala rak'irasqa karqa noqanchejta jap'ikapoj jamojkuna ukhupi.

DIOSPA QHELQACHISQAN DEUTEROCANONICAL

⁴ Chay p'unchaypi awqaykichejkuna kusipayaspa, kay jina yarawita takipusonqanku: Cheqapuni ni imayoj rikhurinku. Tata Diospata kajkunaqa wajpa makinman chayanku, ni pej jark'akusqan. Tukuy suyunkuta soldadonchejkuna jap'ikapunku, jallp'ankutapis rak'inaykukunchej, nispa.

DIOSPA QHELQACHISQ

⁴ Chay p'unchaypi awqaykichejkuna kusipayaspa, kay jina yarawita takipusonqanku: Cheqapuni ni imayoj rikhurinku. Tata Diospata kajkunaqa wajpa makinman chayanku, ni pej jark'akusqan. Tukuy suyunkuta soldadonchejkuna jap'ikapunku, jallp'ankutapis rak'inaykukunchej, nispa.

Miqueas 2:4 Referans Kwoze

Habacuc 2:6

Chaywampis, chay tukuy jap'isqasninku naciones asikuspa kay jinata takiykapunku: Ay, qanmanta, mana qampata kajllawan qhapajyaykunki! Mayk'ajkamataj tantanki chay mañarakuspa tantarqanki chay qhapaj kayniykita?

Miqueas 1:15

Señor nin: Maresa llajtapi tiyajkuna, qankunaj contraykichejpi watejmanta uj atipajta kachamusaj Israelmanta aswan ajllasqa kajtaj Adulampa chhanka jusk'usninman sat'ikamonqa.

Jeremías 9:10

Orqosnejpi waqaychej, ayqhoychejtaj, llakiy wayñusta pasto pampaspi takiychej, imaraykuchus ruphasqasña kashanku, nitaj pipis chaynintaqa purinñachu, manañataj wakaspa ulisqankupis uyarikunñachu, phawaj p'isqospis, sajra animalespis ayqekaporqanku.

Isaías 24:3

Jallp'aqa ch'usajpacha kanqa. Tukuy iman kajta suwanqanku. Chaytaqa Señorpuni nin.

Isaías 6:11

Noqataj taporqani: Señor, mashkha unaytataj kay kanqari?, nispa. Paytaj niwarqa: kayqa kanqa llajtas chinkachisqa kanankama, mana uj runayoj kanankama, wasis mana runayoj kanankama, chay campospis ch'in qhepakunankama;

Deuteronomio 28:29

Qankunaqa ciego jina khuskan p'unchayta thamaykachaspa purinkichej tutayajpi jina. Ni ima ruwasqaykichejpi allinchu risonqachej. Qankunaqa tukuy imapi sarusqas kankichej, suwasqastaj, nitaj pipis yanapasonqachejchu.

Números 23:7

Balaamtaj imachus kananmanta parlayta qallarerqa: Moab rey Balacqa, Arammanta pusachimuwan, inti llojsimuy orqosmanta, jamuspa israelitasta maldicipuway, Jacobpa miraynin runasta mana allinman churay, nispa.

Marcos 12:12

Enemigosnintaj, Jesusta presochayta munarqanku, yuyaspa paykunaj contranta chay rijch'anachinawan nisqanta; runasta manchachikuspataj, saqerparispa riporqanku.

Sofonías 1:2

Kay jinata Señorqa nin: Jallp'a patapi kashan chayta tukuyninta t'unaykusaj.

Miqueas 2:10

Jatarikuychej rillaychejpunitaj, kayqa mana samarikuna lugarchu; may jinaña sajraman qokapusqaykichejqa.

Amós 5:17

Tukuy uvas huertaspitaj waqanqanku, maypachachus jasut'ej jamusaj chaypacha. Ajinata nin Señorqa.

Amós 5:1

Israelitas uyariychej kay palabrasniyta, qankunaj contraykichejpi llakiy takisqayta.

Joel 1:13

Qankuna, altarpi sirvejkuna sacerdotes, qhasqa pachata churakuspa nanaywan waqaychej, imaraykuchus Diosniykichejpa templompi ofrendata qonapajqa, manaña kanchu ch'aki mikhuykuna, nitaj vinopis.

Joel 1:8

Imaynatachus uj casarakoj sipas waqan luto p'achata churakuspa, paywan casarakoj novion wañupusqanrayku,

Ezequiel 16:44

Uj parlay tiyan. Chay parlaywan, tukuy ajinata parlajkunaqa nisonqanku: Mamampuni ajina karqa, kikillantaj wawampis.

Ezequiel 2:10

Ñaupaqeypi chay k'uyusqa librota kicharerqa. Chaytaj puraj uyampi qelqasqa karqa: Sonqo nanaywan, qhapariykunawan, ayqoykunawan ima.

Jeremías 14:18

Campoman llojsispaqa maqanakupi wañojkunaj ayasninkuta rikuni, llajtaman yaykuspa rikuni runas yarqhaymanta wañushajta. Rikullanitaj profetasta, sacerdotestawan mana rejsisqa llajtasman ripushajta.

Jeremías 4:13

Qhawariychej, enemigosqa phuyu jina jamurishanku; ch'ajwapaj wakichisqa carretasninkoqa jatun muyoj wayraman rijch'akunku, caballosninkutaj ankasmantapis aswan sinch'i chakis kanku. Ay, imachus noqanchejqa chinkasqas kanchej!

Job 27:1

Jobqa parlaspallapuni nerqa:

2 Crónicas 35:25

Jeremiasqa uj yarawita wakicherqa Josiaspa wañupusqanmanta yuyarikunapaj tukuy takiykuna qharispi warmispipis. Josiasmanta yuyarikuspa kay yarawita takinkupuni kunankama. Kay yaraweqa Israel ayllu ukhupi takisqapuni, qelqasqataj yarawi takiykuna libropi.

2 Samuel 1:17

Davidta takerqa kay llakiy takiyta, Saulwan wawan Jonatanwan wañupusqankumanta.

Números 24:15

Balaamqa imachus kananmanta parlarqa: Beorpa wawan Balaam manchay sut'ita qhawaj runa, kayta nisan:

Números 24:3

Chaymanta Balaamqa imachus kananmanta parlarqa: Beorpa wawan Balaam nin, manchay sut'ita qhawaj runa.

Números 23:18

Balaamtaj imachus kananmanta parlayta qallarerqa: Ziporpa wawan Balac, uyariway sumajta.

Jeremías 6:12

Wasisninku, llank'anasninku, chanta warmisninkupis, wajkunaj makinkuman chayanqanku. Noqaqa makiyta oqaharisaj kay jallp'api tiyakojkunata jasut'inaypaj. Noqa Señormin chayta nini.

Jeremías 8:10

Chayraykutaj warmisninkuta waj qharisman jaywaykusaj, jallp'asninkutapis wajkunaman. Jatun juch'uy qhasi mana kaj, qolqeta jap'iyllataña yuyanku. Sacerdotes, jinataj profetaspis tukuyninku ch'aukiyanku.

Miqueas 1:8

Chayrayku waqasaj jik'un jik'unta, chayraykumin q'ara chakilla purisaj q'arallataj pampa alqo jina auqespa, qhaparqachaspataj waqaspa suri jina.

Jeremías 9:16

Tatasninkoj mana rejsisqan llajtasman ch'eqerachisaj, chaypitaj makinkupi t'ojsinaswan qhatiykachachisaj, mana ujniyojta tukuchinankukama.