Miqueas 2:3 - Qheshwa Biblia DC

³ Chayraykumin nin Señorqa: Noqajtapis tiyan uj ruwanay qankunaj contraykichejpi. Qankunaman apachimusaj uj manchay ñak'ariyta chaymantari mana ni imaynamanta kunkaykichejta orqhoyta atinkichejchu, manataj mayta runaykachaspa purinkichejchu, imaraykuchus may ñak'ariy tiempos kasonqachej.

DIOSPA QHELQACHISQAN DEUTEROCANONICAL

³ Chayraykumin Tata Dios nin: Noqapis contraykichejpi wakichikushani. Qankunaman jatun llakiyta apachimusaj, chaymantataj mana ni imaynamanta llusp'iyta atinkichejchu. Manañataj mayta runaykachaspa purinkichejchu, imaraykuchus manchay ñak'arina tiempo kanqa.

DIOSPA QHELQACHISQ

³ Chayraykumin Tata Dios nin: Noqapis contraykichejpi wakichikushani. Qankunaman jatun llakiyta apachimusaj, chaymantataj mana ni imaynamanta llusp'iyta atinkichejchu. Manañataj mayta runaykachaspa purinkichejchu, imaraykuchus manchay ñak'arina tiempo kanqa.

Miqueas 2:3 Referans Kwoze

Amós 5:13

Chaynejta yachayniyoj kajqa ch'inllaña kakun, imaraykuchus p'unchaykunaqa ancha sajra.

Jeremías 8:3

Kay millay runasmanta qhepakojkunataj, mayllapipis ch'eqerachisqaymanta qhepakojkunaqa astawan wañuytaraj munanqanku kausaymanta nisqaqa. Noqa Tukuy Atiyniyoj Señormin chayta nini.

Jeremías 18:11

Niy ari Judá aylloj runasninman, jinataj Jerusalempi tiyakojkunaman, noqa Señor paykunaman nishasqayta: Noqa wakichikushasqayta qankunaj contraykichejpi ruwaykunata. Jasut'iyta munashaykichej. Saqellaychejña ari chay sajra ñanta; puriyniykichejta, ruwasqasniykichejtapis astawan allinyachiychej.

Santiago 2:13

Pichus wajkunata mana khuyakunchu chayqa, paypis mana khuyakuywan juzgasqa kanqa. Khuyakuytaj atipan juiciotaqa.

Lamentaciones 5:5

Atisqaykuta ñak'arichiwayku. Sinch'i sayk'usqaña kayku, mana noqaykupajqa samarikuy kanchu.

Lamentaciones 2:17

Señorpuni kaytaqa ruwan imatachus nisqanman jina. Señorqa junt'an palabrasninta, unaymantapacha kamachisqasninta. Payqa chinkacherqa manataj perdonanchu, enemigosniyki qanmanta asikojtin qhawallarqa. Enemigosniykej atiyninta astawan jatunyacherqa.

Efesios 5:16

Tiempota kashajtinrajqa allin kajta ruwaychej, imaraykuchus kunan p'unchaykunaqa mana allinchu.

Romanos 16:4

Paykuna kausayninkuta churayta munarqanku noqarayku. Chayrayku paykunamanqa mana noqallachu graciasta qoni, astawanqa gentilespa iglesiasnimpis graciasta qollankutaj.

Miqueas 2:1

Ay, jaqaykunamanta piskunachus mosqoykunasninkupipis juchasta ruwanankupaj umachakushallankupuni, q'ayantin sut'iyamojtinkamataj chayta ruwanku imaraykuchus makisninkupi atiy kasqanrayku!

Amós 2:14

Correspapis mana atinkichejchu ayqeyta; aswan kallpayoj kajpatapuni kallpan pisenqa. Mana librakuyta atenqachu sumaj kallpayoj kajpuni.

Daniel (hebreo) 4:37

Kunan ari, noqa Nabucodonosor, yupaychani, honrani, jatunchanitaj janaj pachapi kaj Reyta, imaraykuchus ruwaynenqa, cheqapuni, cheqantaj. Jatunyakojkunatataj pay k'umuykachachiyta atin.

Lamentaciones 1:14

Señorqa juchasniyta rikuwan, chay juchasnillaywantaj yugowan jina wataykuwan. Chaytaj manchayta llasaykuwan, kallpayta tukuchinawankama. Señorqa sajra kaykunaman jaywaykuwan, noqataj manaña atipayta atinichu.

Jeremías 43:2

Osiaspa wawan Azarías, Careaj wawan Johananwan, waj wapuykachaj runaspiwan Jeremiasman nerqanku: Chay nisqaykeqa llulla, Señor Diosniykoqa mana kachamusunkichu, mana Egiptoman tiyakoj rinaykumanta ninawaykupajqa.

Jeremías 36:23

Jehudí kinsa, chayri tawa t'aqastaña leejtinkama, reyqa cuchillowan khuchuspa ninaman wijch'uykorqa. Kayta jinallatapuni ruwasharqa ninapi ruphasqa chay libro tukukunankama.

Jeremías 34:17

Ajinaqa noqa Señor nini: Qankunaqa mana kasuwarqankichejchu, llajta masisniykichej kamachista mana kacharispa; chayraykumari kunan noqapis maqanakuta, onqoyta, yarqhaytapis qankunaman kachaykamusqaykichej tukuy jallp'a patapi kaj naciones mancharikunankupaj jina. Noqa Señor chayta nini.

Jeremías 27:12

Noqa Jeremías, Judamanta rey Sedequiasman kay kikillantataj nerqani: Babiloniamanta reypa atiynin uraman churakuychej, jinataj chay llajtamampis, chantá kausankichejtaj, nispa.

Isaías 5:19

Qankunaqa ninkichej: Diosqa usqhayta ruwachun imachus ruwanan kajta, noqanchej rikunanchejpaj. Israelpa Santo Diosnenqa usqhayllata junt'achun ruwanan kajta, noqanchej yachananchejpaj.

Isaías 3:16

Señorqa nillantaj: Sionmanta kaj warmisqa anchata wapuykachanku, umankuta oqharispa purinku, ñawisninkuwan ch'irmispa, pata patallata thaskispa, chakisninkupi k'achanchakusqankuta sonachispa.

Deuteronomio 28:48

Señorpa kachamusqan enemigosniykichejpa kamachisqasninta ruwankichej. Chantapis yarqhayniyoj, ch'akiyniyoj, pisi p'achayoj ima kankichej, tukuy imataj pisisonqachej. Señor sinch'ita llakichisonqachej chinkanaykichejkama.

Amós 3:1

Uyariychej, israelitas, Señorpa nisqanta: Pi ayllustachus Señorqa Egiptomanta orqhomorqa chaykunaman nin: Tukuy kay jallp'a patapi kaj chhika ayllusmanta qankunallata ajllaykichej, chayrayku tukuy juchata ruwasqasniykichejmanta cuentata mañasqaykichej.

Isaías 29:20

Tukuy ñak'arichejkunaqa tukukaponqanku, alqochakojkunapis chinkachisqas kanqanku; tukuy sajra imasllata ruwayta munajkunapis chinkachisqas kanqanku.