Miqueas 1:8 - Qheshwa Biblia DC

⁸ Chayrayku waqasaj jik'un jik'unta, chayraykumin q'ara chakilla purisaj q'arallataj pampa alqo jina auqespa, qhaparqachaspataj waqaspa suri jina.

DIOSPA QHELQACHISQAN DEUTEROCANONICAL

⁸ Chayrayku ancha llakisqa waqasaj, jinataj q'alalla, q'ara chakitaj purisaj. K'ita alqo jina awllakuspa, suri jina waqaspataj purisaj.

DIOSPA QHELQACHISQ

⁸ Chayrayku ancha llakisqa waqasaj, jinataj q'alalla, q'ara chakitaj purisaj. K'ita alqo jina awllakuspa, suri jina waqaspataj purisaj.

Miqueas 1:8 Referans Kwoze

Isaías 22:4

Chayrayku nerqani: Jatariychej noqamanta; jik'un jik'unta waqarikusaj. Ama sonqochawaytaqa yuyaychejchu, llajtay tukuchisqa kasqanmanta.

Jeremías 9:19

Sionmantapacha nanaywan qhapariykuna chayamuwanchej: Ay, imaynatataj mana imayoj llakiypi rikhurinchej! P'enqaypi rikhurinchej! Kay jallp'a suyunchejta saqerparinanchej tiyan, imaraykuchus tiyakuna wasisninchejqa raqaykunallaña kashanku.

Jeremías 9:10

Orqosnejpi waqaychej, ayqhoychejtaj, llakiy wayñusta pasto pampaspi takiychej, imaraykuchus ruphasqasña kashanku, nitaj pipis chaynintaqa purinñachu, manañataj wakaspa ulisqankupis uyarikunñachu, phawaj p'isqospis, sajra animalespis ayqekaporqanku.

Jeremías 9:1

Imaynapichus ñawisniy yaku juturi jina kanan, jinamanta tuta p'unchay unun paranta waqanaypaj llajtay ukhupi wañurasqankumanta.

Jeremías 4:19

Nanaywan q'ewiykachakuni; sonqoy aswan sinch'ita tiseqeyarin. Sonqoy t'impushan, mana ch'in kakuymanchu. Pututoj waqayninta uyarini, maqanakupi qhaparqachaytawan.

Isaías 21:3

Chayrayku tukuy ukhuy nanawan, onqoy warmi imaynatachus nanaywan q'ewiykachakun, ajinata q'ewiykachakuni. Chay llakikusqayqa mana uyarejta saqewanchu, manchachikuywan mana rikuytapis atinichu.

Isaías 16:9

Chayrayku llakikuspa Jasermanta waqani, Sibmapi kaj uva huertasmantawan. Hesbonmanta, Elealemantawan waqayniyta jich'ani, imaraykuchus cosechasnin patapi maqanakupaj ch'ajwallaña uyarikun.

Isaías 13:21

Chaypeqa phiña sajra animalesllaña tiyanqanku; chay wasisninkupeqa ch'useqasllaña junt'a kanqanku. Chanta suris tiyanqanku, cabras imataj chaypi phinkiykachanqanku.

Salmos 102:6

Ch'in pampapi p'isqo jina kani, raqaykunapi ch'useqa jina.

Job 30:29

Atojkunaspa wauqenman tukuni, surispa wauqenman ima.

1 Samuel 19:24

Chay jawaqa p'achanta lluch'ukuspa, ukhu p'achallawanwan qhepakorqa tukuy p'unchaynintin, jinataj ch'isimpis Samuelpa ñaupaqempi profeta jina parlaspa. Chaymantapacha kay jina nisqa karqa: Saulpis profetallatajchu kashan?, nispa.

Isaías 13:22

Palaciosninkupeqa atojkunalla waqanqanku, sumachaj wasisninkupitaj k'ita alqoslla tiyanqanku. Babiloniaj ñak'ariy p'unchayqa qayllamushanña, chay p'unchayqa jamonqapuni.

Isaías 32:11

Qankuna, mana imata ruwaspa chukoj warmis, manchachikuychej ari; mana imamanta llakiyniyoj warmis, kharkatiychej ari. Chay p'achasniykichejta lluch'ukuychej. Qhashqa p'achasta churakuychej llakisqa kasqaykichejta rikuchinaykichejpaj.

Ezequiel 32:18

Runa, wañusqaspaj takinata takipuy Egiptopi tiyakoj ashkha runaspaj. Jallp'a ukhuman choqaykuy atiyniyoj nacionespi kaj nacionesmanta kaj warmistawan khuskata, maymanchus wañojkuna rinku chayman.

Miqueas 2:4

Jaqay p'unchaykunapeqa llakiy waqay yarawista takisonqanku. Nisonqachejtaj: Cheqamanta q'ala tukuyninchejpuni t'una ruwasqas karqanchej; llajtanchej kaj, Señorninchejpata kajkunapis wajpaj makinman chayarqa ni pejpa jark'akusqallan; tukuy jallp'asninchejpis q'ala rak'irasqa karqa noqanchejta jap'ikapoj jamojkuna ukhupi.

2 Reyes 18:13

Ezequías Judapi chunka tawayoj watataña kamachishajtin, Asiriamanta rey Senaqueribqa Judamanta tukuynin sumaj jark'asqa llajtaspa contrampi llojsimorqa, jap'erqataj.

Ester (hebreo) 4:1

Mardoqueotaj chay jina kamachiy llojsimusqanta yachaytawan, p'achasninta llik'ikuspa, qhashqa p'achasta churaykukuytawan, umanman ushphawan qhallaykukuspa, may llakiyta qhaparispa tukuy llajtata uj sonqo nanayta correykachasharqa.