Miqueas 1:6 - Qheshwa Biblia DC

⁶ Chayraykumin Señor nin: Samaria llajtata ruwasaj phirisqa wasi qollusllataña, uvas plantana campotataj kicharisaj. Chay llajtamanta rumisninta tukuy pampata junt'achisaj, ura urannej rumistapis patannej sut'iman churamusaj.

DIOSPA QHELQACHISQAN DEUTEROCANONICAL

⁶ Chayraykumin, Tata Dios nin: Samaria llajtata laqayaman tukuchisaj, uva huertata churanapaj jina. Chay llajtaj perqanmanta rumikunata valleman wijch'usaj, cimientontapis sut'iman rikhurichisaj.

DIOSPA QHELQACHISQ

⁶ Chayraykumin, Tata Dios nin: Samaria llajtata laqayaman tukuchisaj, uva huertata churanapaj jina. Chay llajtaj perqanmanta rumikunata valleman wijch'usaj, cimientontapis sut'iman rikhurichisaj.

Miqueas 1:6 Referans Kwoze

Ezequiel 13:14

Unu t'uruwan yurajyachisqaykichej perqata urmachisaj. Cimientosnin rikhurinankama pampachasaj. Arí, perqaqa urakama urmaykonqa, qankunataj chay t'unaykusqay chaupipi wañunkichej. Chaypacha yachankichej noqa Señor kasqayta.

Miqueas 3:12

Jinapis, qankunaj juchasniykichejrayku Diospa llajtan Jerusalenqa barbecho llank'asqaman tukonqa, wasispis phirisqa qolluman jinataj, Diospa yupaychana wasimpa orqontaj qhoraswan pakaykusqa kanqa.

Lamentaciones 4:1

Chay jinatapuni qoreqa yanayaykusqa! Chhika sumaj qori lliphipiyninta chinkarichisqa! Dioswan parlana wasimpa rumisnimpis kaynejpi jaqaynejpi tukuy callespi t'aka t'akalla kashan.

2 Reyes 19:25

Manachu yacharqanki, noqa Señorman, kay tukuy imasta unanchasqayta? Unaymantapacha kay imastaqa noqa wakicherqani, kunantaj chaykunata junt'ashani. Chayrayku chay sumaj jark'achisqa llajtasta urmachishanki, qhasi mana kaj rumi qotusman jina tukuchishanki.

San Mateo 24:2

Jesustaj paykunaman nerqa: Rikunkichejchu kay tukuyta? Cheqamanta niykichej, kaypeqa mana uj rumillapis rumi patapi qhepakonqachu; tukuynin pampachasqa kanqa.

Habacuc 3:13

Qan llojsimunki aylluykita yanapaj, chantá qan kikiykej ajllasqayki reyta. Juchasapaj wasimpa techontataj qan phirerqanki, cimiento rumisnintataj chhankankama thuñiykorqanki.

Amós 5:11

Qankunaqa mana atiwajchejchu rumimanta ruwasqaykichej wasispi, nitaj vinotapis ujyawajchejchu tarpusqaykichej uvasmanta; wajchasta sarusqaykichejrayku; trigomanta impuestota mañasqaykichejrayku.

Oseas 13:16

Samaria llajtapis jasut'ita apanan tiyan Diospa contranta oqharikusqanrayku. Espadawan t'ojsisqas wañonqanku, wawasninkutaj ch'anqasqas kanqanku, wijsayoj warmisninkupis khallasqas kanqanku.

Jeremías 51:37

Babiloniaqa raqaykunasllamanña tukonqa, atojkunaspa pakakunallankumanña, mana tiyakunapaj jina cheqaman. Chaytaj tukuyta t'ukuchenqa, mancharichenqataj.

Jeremías 51:25

Noqa qampa contraykipi kashani, t'unaraj orqo. Qan tukuy nacionesta t'unaranki. Jasut'inasuypaj makiyta oqharisaj, chay pata chhankasmantapacha urmaykuchimusqayki, uj ruphasqa orqomantaj tukuchisqayki.

Jeremías 9:11

Jerusalén llajtata rumi qontusman tukuchisaj, chantá atojkunaspa pakakunasninmantaj; manañataj pipis chaypi tiyakonqachu.

Isaías 25:12

Señorqa chay chhikachaj jark'akuna sinch'i perqasninta urmachenqa, pampaman choqarqayanqa jallp'aman tukunankama.

Isaías 25:2

Llajtasta rumi loqho qontusman tukuchinki. Sumaj jark'achisqa llajtasta raqayman tukuchinki. Enemigospa palaciosninta thuñinki; chaykunataj manaña jayk'ajpis ujtawan ruwakonqankuchu.

2 Samuel 17:13

Chaywampis mayqen llajtapipis pakakunman chayqa, tukuy israelitas waskhasta apasqayku llajtaj tukuy kaj rumisninta, ujmanta ujmanta chay wayq'okama qharastanaykupaj, chaypi mana uj rumillapis puchunankama.

Isaías 17:1

Damasco llajtaj contrampi willay: Damascoqa manaña llajtachu kanqa, manachayqa raqaykunallaña kanqa.

Jeremías 31:5

Samaria orqospi watejmanta uvas sach'asta plantankichej. Pichus plantajqa poqoykunasninta mikhonqa.

2 Reyes 18:9

Ezequías tawa watataña kamachishajtin, Elaj wawan Oseaspis Israelpi qanchis watataña kamachishajtin, Asiriamanta rey Salmanasar Samariaj contrampi llojsimorqa, soldadosninwantaj muyuykucherqa.

2 Reyes 18:10

Kinsa watapitaj jap'erqanku, chayqa karqa Ezequías sojta watataña kamachishajtin, Israelmanta rey Oseaspis isq'on watataña kamachishajtin. Chay watapi Samariaqa jap'isqa karqa.

Amós 6:8

Pay kikinmanta Señorqa juran. Tukuy Atiyniyoj Señor Diosqa ajinata nin: Jacobpa ayllun wapuykachasqanta chejnini, palaciosninta mana rikuyta munanichu, enemigosman llajtata jaywasaj, imasninchá tiyan chaytawan.