Miqueas 1:16 - Qheshwa Biblia DC

¹⁶ Qanrí, Sión llajta, umaykita q'arakuy llakiyniykita rikuchispa chay sumaj munasqa wawasniykimanta. Astawan umaykita q'araykuy alqamarej umanman rijch'akunankama, imaraykuchus wawasniykeqa waj jallp'aman apasqas kanqanku.

DIOSPA QHELQACHISQAN DEUTEROCANONICAL

¹⁶ Sión llajtapi tiyakojkuna, munasqa wawaykichejkunarayku may llakisqa kasqaykichejta rikuchispa, sunkhaykichejta raphakuychej. Suweq'araj umanman rijch'akunankama umaykichejta ruthukuychej, imaraykuchus wawaykichejkunaqa mana munashajpis waj suyuman apasqa kanqanku.

DIOSPA QHELQACHISQ

¹⁶ Sión llajtapi tiyakojkuna, munasqa wawaykichejkunarayku may llakisqa kasqaykichejta rikuchispa, sunkhaykichejta raphakuychej. Suweq'araj umanman rijch'akunankama umaykichejta ruthukuychej, imaraykuchus wawaykichejkunaqa mana munashajpis waj suyuman apasqa kanqanku.

Miqueas 1:16 Referans Kwoze

Isaías 22:12

Chayrayku, Tukuy Atiyniyoj Señorqa wajyasorqachej, mayta llakikuspa waqanaykichejpaj, umaykichejtataj ruthunaykichejpaj, qhashqa p'achastataj churakunaykichejpaj.

Jeremías 7:29

Jerusalén runas, chujchasniykichejta k'utukuychej, wijch'uychejtaj. Llakiy wañuyta chay ch'in lomaspi takiychej. Señorqa may phiñasqa kashan kay runaspa contrampi. Paykunata saqerparin, qhesacharparintaj.

Job 1:20

Chayta uyarispa Jobqa manchay llakisqa sayarikuspa, p'achasninta llik'irakorqa, chujchasnintapis k'uturakorqa. Jinaspataj pampaman k'umuykukorqa, nerqataj: Noqaqa q'alalla mamaypa wijsanmanta llojsimorqani, q'alallataj llojsipusaj kay mundomanta. Tukuy imasniyta Señor qowarqa, kunanqa payllataj chay imasta qhechukapuwan. Chaywampis Señorpa sutenqa bendicisqa kachun!

Amós 8:10

Wañusqasmanta waqayman fiestasniykichejta tukuchisaj. Takisqasniykichejtapis aya p'ampaypi waqayman tukuchisaj. Luto p'achasta churachisqaykichej. Umasniykichejta ruthuchisqaykichej, llakiypi kasqaykichej yachakunampaj. Waqankichejtaj uj runa k'ata wawan wañupojtin waqan jinata. Tukuy ima tukukonqa may llakiypi.

Jeremías 16:6

Kay jallp'apeqa jatunkunamanta, juch'uykunamantapis wañonqanku; mana pipis paypaj kanqachu, nitaj waqanqankuchu, llakiykunatapis mana rikuchenqankuchu, ukhusninkuta maqakuspa, chayri chujchasninkuta q'ararakuspapis.

Jeremías 6:26

Ayllúy, qhashqa p'achasta churakuy, llakiy p'achata churakuy, ushphapi sunt'iray; qhaparqachaspataj waqay, imaynatachus uj k'ata wawanku wañupojtin waqanku ajinata. Noqanchejta wañuchejkunaqa contranchejpi ñapis jamushanña.

Isaías 15:2

Paykuna alto orqosman waqaj wicharerqanku, Bayitman, Dibonman ima. Moabqa Nebo puntaman wicharenqa, Medeba puntamanwan chaypi waqamunankupaj; chay runastaqa chujchasninkuta, sunkhasninkutawan ruthuranqanku.

2 Reyes 17:6

Oseas isq'on watataña kamachishajtin Asiriamanta reyqa Samariata jap'erqa, runasnintataj Asiriaman presosta apakaporqa, chaypitaj Halahman, Haborman, Gozán mayu qayllaman, medospa llajtasninmanwan churarqa.

Deuteronomio 28:41

Qhari wawasniyoj, warmi wawasniyoj ima kankichej, manataj qankunawanchu paykunaqa kanqanku, imaraykuchus waj nacionesman apachisqas kanqanku.

Jeremías 47:5

Gaza llajtamanta runasqa chujchasninkuta ruthukunku. Ascalón llajtamanta runasqa upayasqas qhepakunku. Chay ñaupa jatun karay runasmanta puchojkuna, mayk'ajkamataj ukhuykita llik'irakunki llakiyniykita rikuchispari?

Amós 7:11

Payqa tukuynejta purishan kay jinata nispa: Jeroboamqa espadawan wañuchisqa kanqa, tukuy Israel ayllutaj preso waj llajtaman wijch'usqa kanqa.

Amós 7:17

Kay jinatamin nin Señorqa: Warmiyki llajta chaupipi qhenchachakonqa, qhari wawasniyki, jinataj warmi wawasniykipis wañurachisqas kanqanku espadawan. Jallp'asniykitaj sorteopi rak'ikonqanku, qantaj wañumunki mana cheqan Diospi creejkunaj llajtampi, israelitastaj karu llajtasman presos apachisqas kanqanku jallp'asninkumanta.

Jeremías 4:8

Chayrayku qhashqa p'achaswan p'achallikuychej, waqaychej, nanaywantaj qhaparqachaychej, imaraykuchus Señorpa k'ajaj phiñakuynenqa manaraj noqanchejmanta t'aqakunchu.

Lamentaciones 2:19

Sayarikuspa tukuy ch'isi qhaparikuy ari. Paran paranta Señorpa ñaupaqempi waqarikuy ari. Makisniykita oqharikuspa Señormanta mañakuy ari, calle yaykunaspi mikhunamanta jina wawasniyki ama wañupunankupaj.