Miqueas 1:13 - Qheshwa Biblia DC

¹³ Qankuna Laquispi tiyakojkuna israelitas jinallataj juchallikorqankichej, qankunanejta Sión orqopis juchallikorqa, caballosniykichejman carrosta t'inkiychej.

DIOSPA QHELQACHISQAN DEUTEROCANONICAL

¹³ Qankuna, Laquis llajtapi tiyakojkuna, israelitakuna jinallataj Diospa contranpi oqharikorqankichej. Qankunanejta Sión llajtapi tiyakojkunata juchallicherqankichej, kunantaj carretaykichejman caballokunata wataychej.

DIOSPA QHELQACHISQ

¹³ Qankuna, Laquis llajtapi tiyakojkuna, israelitakuna jinallataj Diospa contranpi oqharikorqankichej. Qankunanejta Sión llajtapi tiyakojkunata juchallicherqankichej, kunantaj carretaykichejman caballokunata wataychej.

Miqueas 1:13 Referans Kwoze

2 Reyes 18:17

Chantá Asiriamanta reyqa Ezequiaspa contrampi kuraj kamachejkunata kachaykamorqa, Tartanta, Rabsaresta, Rasacestawan ashkha soldadostawan, Laquismantapacha Jerusalempa contrampi, jamuspataj Jerusalén chaykama chayamorqanku. Paykunataj jamuspa pata estanqueman yaku pusanaj larq'asnejman t'ajsana cheqaman ñan rejpi jaraykukorqanku.

2 Crónicas 32:9

Chaymantataj Asiriaj reynin Senaqeribqa tukuy soldadosnimpiwan Laquis llajtapi maqanakushaspa Jerusalenman kacharqa yanapajkunasninta, Judáj reynin Ezequiasman, jinataj Jerusalempi kasharqanku chay tukuy tiyakojkunamampis kay jinata willachispa: Asiriaj reynin Senaquerib kayta willachimusunkichej: Pimam atienikuspataj qankunaqa jinalla kakushankichej, Jerusalempi, muyuyniykichejpi soldadoswan jark'achisqas kashaspapis?

Josué 10:3

Chayrayku Jerusalenmanta rey Adonisedecqa willarachimorqa, Hebrón rey Hohanman, Jarmut rey Pireamman, Laquis rey Jafiaman, Eglón rey Debirman ima, kay jinata:

Apocalipsis 2:20

Chaywampis uj ima qampa contraykipi tiyapuwan: Chay Jezabel warmita, Diosmanta sut'inchaj kani nikojta saqenki yachachinanta, kamachisniytataj ch'aukiyananta, qhenchachakunankupaj, chay lantikunaman jaywasqasta mikhunankupaj ima.

Apocalipsis 2:14

Chaywampis uj pisi imas contraykipi tiyapuwan: Balaampa yachachiyninwan kajkunata chaypi jap'ikushanki. Payqa Balacta yachacherqa Israelpa churisnimpa ñaupaqenman misk'anata churananta, lantikunaman jaywasqata mikhunankupaj, qhenchachakunankupaj ima.

Miqueas 1:5

Kay tukoyqa jamonqa Jacobpa ayllun mana kasukoj kasqanrayku, jinataj Israelpa juchasninrayku. Maypitaj kashan Jacobpa mana kasukoj kayninri? Chayqa kashan Samaria llajtapi! Maypitaj kashanku Jacobpa, juchallikuna lanti churana wasisninkuri? Chayqa kashan Jerusalempi!

Ezequiel 23:11

Aholiba ñañampis kay tukuyta rikorqa. Chay tukuywampis astawanraj locayarqa. Ñañanmantapis astawanraj qhenchachakuypi purerqa.

Jeremías 4:29

Caballospi jamojkunaspa, jinallataj wach'ina arcosniyojkunaspa ch'ajwaykunasninwan, runasqa usqhay usqhayta ayqenku, thansas ukhuman pakakamunankupaj, chayri qaqa k'ajllusman. Tukuy llajtas saqerpayasqas qhepakorqanku, manaña pipis chaypi tiyakojqa qhepakorqañachu.

Isaías 37:8

Llajtanman kutispa soldadosta kamachejqa, yacharqa Asiriamanta reyqa manaña Laquis llajtapichu kasqanta, mana chayqa Libna llajtawan maqanakamushasqanta.

Isaías 10:31

Madmena runasqa mayta ayqenqanku, Gebimpi tiyajkunapis pakakunata mask'aspa ayqenqanku.

2 Reyes 8:18

Israelmanta reyespa ñankunasnimpitaj purerqa. Acabpa wasinmanta kajkuna kikinta ruwaspa, Acabpa ujnin wawan paypa warmin kasqanrayku, Señorpa ñaupaqempitaj sajratapuni ruwarqa.

1 Reyes 16:31

Imaraykuchus Nabatpa wawan Jeroboampa ñankunasnimpi usqhayllata purerqa, casarakorqataj sidoniospa reyninku Et-baalpa wawan Jezabelwan, chaymantaqa Baalta yupaychamorqa sirverqataj.

1 Reyes 14:16

Señorqa Israelta saqerparenqa Jeroboampa juchasninrayku, Israelta juchallichisqanrayku ima.

Éxodo 32:21

Aaronmantaj Moisesqa nerqa: Imanasorqankutaj kay runasri, kay chhika jatun juchata ruwachinaykipajri?

Génesis 19:17

Llajtamanta jawapiña kajtinkutaj ujnin ángel nerqa Lotman: Kunanqa usqhayta ayqekuy ama wañunaykipaj. Ama qhepaykita qhawarikamuspa, sayaykachallankipischu chay valle ñanta risqaykipi. Cheqanta rinki orqosman mana wañuyta munanki chayqa.

1 Reyes 4:28

Apachimullajtaj kanku caballospaj cebadata, pajatawan, cargasta chajnana uywaspaj, rey maypicha kashaj chaykama apaj kanku, sapa ujninku mit'ankupi.

2 Reyes 14:19

Jerusalempitaj contrampi oqharikorqanku, payqa Laquisman ayqekorqa. Qhatiykorqankutaj Laquiskama, jaqaypitaj payataqa wañucherqanku.

Isaías 36:2

Chay Asiriamanta reyqa uj kuraj kamachejta ashkha soldadosniyojta Laquismantapacha Jerusalenman kachaykorqa rey Ezequiaswan maqanakamunampaj. Chay soldadostaj muyuykunankupaj jarakorqanku patanejpi yaku qocha cantopi, t'ajsaspa jallp'anman rina ñan patapi.

Job 39:10

Atiwajchu umanman yugota watayta, chanta llank'achiytataj chayri yuyankichu qhepaykita llank'aspa jamunanta?

Jeremías 34:7

Chaykamataj Babiloniamanta reypa soldadosnin Jerusalenta jap'iykusharqanku, chantá Laquis llajtata, Azeca llajtata ima. Chaykunalla Judamanta jark'achisqa llajtasmantaqa qhepakusharqanku.