San Mateo 9:36 - Qheshwa Biblia DC

³⁶ Ashkha runasta rikuspataj sonqonta nanachikorqa, imaraykuchus paykunaqa saqerpayasqas, ch'eqerasqastaj kasharqanku, mana michejniyoj ovejas jina.

DIOSPA QHELQACHISQAN DEUTEROCANONICAL

³⁶ Ashkha runata rikuspataj, paykunamanta khuyakorqa, imaraykuchus paykuna saqerpayasqa, ch'eqerasqataj karqanku, mana michejniyoj ovejakuna jina.

DIOSPA QHELQACHISQ

³⁶ Ashkha runata rikuspataj, paykunamanta khuyakorqa, imaraykuchus paykuna saqerpayasqa, ch'eqerasqataj karqanku, mana michejniyoj ovejakuna jina.

Quechua South Bolivia: Dios Parlapawanchej

³⁶ Chanta ashqha runasta ricuspa paycunata may munacuywan qhuyacorka. Jesuspa sonkon nanarka paycunata llaquiywan sayc'uskasta llauchhuyaskastataj ricuspa. Imaraycuchus paycunaka mana michejniyoj ovejasjina carkancu.

San Mateo 9:36 Referans Kwoze

Marcos 6:34

Jesusqa botemanta llojsimuspa ashkha runata rikorqa, paykunatataj khuyakorqa; imaraykuchus mana michejniyoj ovejas jina karqanku; paykunamantaj tukuy imata yachachiyta qallarerqa.

Jeremías 50:6

Aylloyqa oveja chinkasqa jina karqa, michejkunasninkoqa mana allintachu michej kanku, manachayqa orqosnejpi chinkajta qhawallarqanku. Uj orqomanta waj orqoman purikoj rerqanku, puñuna kanchankumanta qonqakapunankukama.

San Mateo 14:14

Jesusqa botemanta llojsishaspa ashkha runata rikorqa. Paykunata khuyaspataj, onqosqasninkuta thañicherqa.

Zacarías 10:2

Lantikunaj nisqasninkoqa llullamin, qhasilla chay yatirispa yachani nisqasninkupis. Qhasillata mosqokuytawan imatapis ajina kanqa ninku, sonqochakoj jina parlasqankupis ch'usajlla. Chayraykumin aylloyqa chinkasqa oveja jina thamaykachashan, ñak'arispa mana michejniyoj jina.

San Mateo 15:32

Jesustaj yachachisqasninta wajyaspa, nerqa: Sonqoy nanawan kay runasmanta, imaraykuchus kinsa p'unchaytaña noqawan kashanku, mana ima mikhunayoj. Manataj munanichu mana mikhusqasta kachapuyta, ama ñampi llauchhuyanankupaj.

San Mateo 15:24

Paytaj kutichispa nerqa: Diosqa kachamuwan, Israel ayllumanta chinkasqa ovejasllaman.

2 Crónicas 18:16

Chaypacha Micaiasqa nerqa: Rikuni tukuy israelitasta orqospi ch'eqerasqas purikojta mana michejniyoj ovejas jina. Señortaj nin: Kaykunaqa mana dueñoyojchu kanku, sapa ujninku wasisninkuman sonqo tiyasqalla kutipuchunku.

Hebreos 5:2

Mana yachajkunata, pantasqa kajkunatapis atin khuyakuyta, paypis pisi kallpawan p'achallisqa kasqanrayku.

Hebreos 4:15

Uj kuraj sacerdote tiyapuwanchej, pichus onqoykunasninchejmanta khuyakuyta atiwanchej. Payqa tukuy imapi tentasqa karqa noqanchej jina; manataj payqa jayk'ajpis juchallikojchu.

San Mateo 10:6

Manachayqa riychej Israel wasimanta chinkasqa ovejasman.

1 Reyes 22:17

Chantá Micaiastaj nerqa: Noqaqa israelitasta rikorqani orqospi ch'eqerasqasta, mana michejniyoj ovejasta jina; Señortaj nerqa: Kaykunajtaqa mana dueñonku kanchu, sapa ujninku wasinkuman sonqo tiyasqalla ripuchunku.

Zacarías 11:16

Kay jallp'aman churasaj uj michejta; chay michejqa mana watukonqachu chinkasqa ovejastaqa, nitaj mask'aj churakonqachu, nitaj nanasqasnintapis jampirenqachu, mana puriyta atejkunatapis mana yanaparenqachu, manachayri wira kajpa aychanta mikhuykakaponqa, ni chaki sillusnillantapis puchurenqachu.

Isaías 13:14

Runaqa mancharichisqa qhatiykachasqa taruka jina kanqa, mana michejniyoj ovejas jinataj. Sapa uj llajtankumankama ayqenqanku, jallp'ankumankamataj riponqanku.