San Mateo 7:21 - Qheshwa Biblia DC

²¹ Mana tukuy niwajkuna Señor, Señor, nispa, janaj pacha reinoman yaykonqankuchu. Manachayqa, janaj pachapi kashaj Tataypa munayninta ruwajkunalla yaykonqanku.

DIOSPA QHELQACHISQAN DEUTEROCANONICAL

²¹ Mana tukuy pikunachus: Tukuyta Kamachejniyku kanki, nispa niwajkunachu Diospa kamachiyninman yaykonqanku. Manachayqa, janaj pachapi kaj Tata Diosniypa munayninta ruwajkunalla yaykonqanku.

DIOSPA QHELQACHISQ

²¹ Mana tukuy pikunachus: Tukuyta Kamachejniyku kanki, nispa niwajkunachu Diospa kamachiyninman yaykonqanku. Manachayqa, janaj pachapi kaj Tata Diosniypa munayninta ruwajkunalla yaykonqanku.

Quechua South Bolivia: Dios Parlapawanchej

²¹ ‘Simillancuwan “Ay, Señorníy, Tatáy”, nejcuna Dios camachin, chayman mana yayconkancuchu. Manachayka janaj pachapi tiyacoj Dios Tataypa munayninta ruwajcunalla paypaman yayconkancu.

San Mateo 7:21 Referans Kwoze

Romanos 2:13

Mana leyta uyarejkunaqa, Diospa ñaupaqempi cheqan runas kanqanku; astawanqa leypa nisqanta ruwajkunalla cheqan runaspaj rejsisqas kanqanku.

San Lucas 6:46

Imaraykutaj Señor, Señor, nillawankichej, manataj nisqayta ruwankichejchu?

Santiago 1:22

Diospa palabrantaqa ama uyarillaychejchu, astawanqa junt'aychej; manachayqa qankuna kikiykichej ch'aukiyakunkichej.

San Lucas 11:28

Jesustaj kuticherqa: Diospa palabranta uyarispa kasojkunarajmá aswan kusikuyniyojqa kanqanku.

Tito 1:16

Yuyanku Diosta rejsisqankuta, ruwasqasninkuwantaj payta qhesachanku. Millaykuna mana kasojkuna kanku, nitaj allin kajtapis ruwayta atinkuchu.

Hebreos 4:6

Wakenqa samakuyninman yaykunankuraj tiyan; chay ñaupajta allin willanasta uyarejkunaqa, mana yaykorqankuchu, mana kasuyta munasqankurayku.

San Juan 6:40

Tataypa munaynenqa kay: Pillapis Churita rikoj paypitaj creejqa, wiñay kausayniyoj kanqa; noqataj qhepa kaj p'unchaypi payta kausarichisaj.

Apocalipsis 3:5

Ajinata atipajqa yurajwan p'achallikonqa, manataj kausay libromanta sutinta pichasajchu. Tataypa ñaupaqempi, angelesnimpa ñaupaqempitaj sutinta rejsichisaj.

San Mateo 12:50

Pichus janaj pachapi kashaj Tataypa munayninta ruwajmari, wauqeytaj, panaytaj, mamaytaj.

Apocalipsis 22:14

Kusikuyniyojmin kanku p'achasninkuta t'ajsajkunaqa. Paykunaqa kausay sach'amanta jap'inankupuni tiyan kausayta, punkusnejtataj llajtaman yaykonqanku.

San Juan 3:5

Jesús kutichillarqataj: Cheqamanta, cheqamanta niyki, pillapis mana yakumanta, Espiritumantawan nacinmanchu chayqa, Diospa reinonman mana yaykuyta atinchu.

San Juan 7:17

Diospa munayninta ruwayta munajqa, yachachiyninta rejsenqa Diosmantachus, chayrí noqallamantachus kasqanta.

Romanos 12:2

Ama kay mundoj munayninman jina puriychejchu, astawanqa yuyayniykichejpa mosoj kayninman jina allinta kausaychej, yachanaykichejpaj mayqenchus Diospa munaynin kasqanta, k'acha, kusichej, junt'asqataj.

Marcos 3:35

Pichus Diospa munayninta ruwan, chaymá wauqeyqa panaypis, mamaypis.

1 Tesalonicenses 5:18

Tukuy imamanta graciasta qoychej. Kaymin qankunapaj, Jesucristopi Diospa munaynenqa.

Efesios 6:6

Ama paykunaj qhawaynillankupeqa sirviychejchu, imaynatachus wakenqa runaj rikunallanta ruwanku allin qhawasqa kayta munaspa ajinaqa. Manachayqa Cristoj kamachisnin jina, tukuy sonqowan Diospa munayninta ruwaychej.

1 Pedro 2:15

Kaymin Diospa munaynenqa: Allin imasta ruwaspa, sajra, mana yuyayniyoj runasta ch'inyachinaykichejpaj.

San Mateo 25:21

Patronnintaj nerqa: Walejpacha junt'aj kamachi; pisi kajpi qanqa allinta ruwaspa junt'arqanki, kunantaj astawan ashkhata qosqayki, patronniykej kusikuyninmantaj yaykuy.

1 Tesalonicenses 4:3

Kaymin Diospa munaynenqa: Llimphu sonqos kanaykichej, qhenchachakuymanta t'aqasqas.

Colosenses 4:12

Qankunamanta ujnin kaj, Cristoj kamachin Epafras napaykamusunkichej. Payqa Diosmanta mañashampuni qankunapaj sumajta sayanaykichejpaj, Diospa tukuy munaynimpitaj allinchasqas, junt'asqastaj kanaykichejpaj.

San Lucas 13:25

Wasiyoj jatarikuspa punkuta wisq'ajtinña, qankunaqa jawapi rikhurispa punkuta takankichej: Señor, kichaririwayku!, nispa. Kutichispataj nisonqachej: Mana rejsiykichejchu maymantachus kasqaykichejta.

Hechos 14:22

Chay llajtaspitaj creejkunata sonqocharqanku, creesqankupi sinch'ita sayanankupaj, nerqankutaj: Noqanchejqa tukuy imasta ñak'arinanchejpuni tiyan, Diospa reinonman yaykunanchejpaj.

San Lucas 18:25

Uj camelloraj yarwej ningrinta yaykuyta atinman, qhapaj runa Diospa reinonman yaykunanmantaqa.

Marcos 9:47

Sichus ñawiyki juchaman urmachisunkiman chayqa, orqhorpariy; allin qampaj kanqa, uj ñawiyojlla Diospa reinonman yaykunaykeqa; manataj allinchu kanman iskaynin ñawisniyoj, infiernoman wijch'uykusqa kanaykeqa, maypichus khurusninku mana wañunkuchu, nitaj jayk'ajpis nina larway thasnukunchu.

San Mateo 19:24

Ujtawan niykichej: Uj camelloraj yarwej ningrinta yaykuyta atinman, uj qhapaj runa Diospa reinonman yaykunanmantaqa.

San Mateo 18:35

Kikillantataj qankunatapis, janaj pachapi kashaj Tatayqa ruwasonqachej; manachus sapa ujniykichej wauqesniykichejta tukuy sonqo juchasninkumanta perdonawajchej chayqa.

San Juan 15:23

Noqata chejniwajqa, Tataytapis chejnillantaj.

San Mateo 26:42

Ujtawan rispa mañakullarqataj: Tatáy, ñak'arinaypuni kajtenqa qampa munayniyki ruwasqa kachun.

San Mateo 16:17

Jesustaj kuticherqa: Kusikuyniyoj kanki Simón, Jonaspa wawan; kaytaqa mana runachu yachachisunki; manachayrí, janaj pachapi kashaj Tatay kaytaqa yuyaychasunki.

Apocalipsis 2:27

Fierro varawantaj chaykunata kamachenqa, mankasta jinataj t'unarakanqa. Noqapis ajinallatataj chay atiyta Tataymanta jap'erqani.

San Juan 14:7

Noqatachus rejsiwankichejman chayqa, Tataytapis rejsillawajchejtaj. Kunanmantapacha payta rejsinkichej, rikunkichejtaj.

San Juan 5:17

Jesustaj kutichispa nerqa: Tatayqa kunankama ruwashan, noqapis ruwashallanitaj.

San Mateo 26:39

Astawan ñaupajman rispa, pampaman k'umuykukuytawan, Diosmanta mañakorqa: Tatáy, atikojtenqa kay ñak'arinay pasachun; chaywampis, ama noqaj munayniychu, qampa munayniyki ruwasqa kachun.

San Mateo 18:10

Ama mayqenta, kay juch'uykunamanta qhesachankichejchu. Noqaqa niykichej, paykunaj angelesninkoqa qhawashankupuni janaj pachapi kaj Tataypa uyanta. [

San Mateo 18:19

Cheqamanta niykichej, sichus qankunamanta iskay ukhu kay mundopi uj sonqolla kawajchej, Diosmanta mañakunaykichejpaj chayqa, janaj pachapi kashaj Tatay, tukuy mañakusqaykichejta qosonqachej.

San Mateo 25:10

Paykuna aceiteta rantej rinankukamataj, casarakoj runa chayamorqa, wakichikoj sipaskunataj, paywan khuska casamiento wasiman yaykorqanku, punkutaj wisq'akaporqa.