San Mateo 6:9 - Qheshwa Biblia DC

⁹ Chayrayku qankunaqa, kay jinata mañakunkichej: Janaj pachapi kashaj Tatayku, sutiyki jatunchasqa kachun.

DIOSPA QHELQACHISQAN DEUTEROCANONICAL

⁹ Chayrayku qankuna kay jinata Dioswan parlarikunkichej: Janaj pachapi kaj Tatayku, sutiyki jatunchasqa kachun.

DIOSPA QHELQACHISQ

⁹ Chayrayku qankuna kay jinata Dioswan parlarikunkichej: Janaj pachapi kaj Tatayku, sutiyki jatunchasqa kachun.

Quechua South Bolivia: Dios Parlapawanchej

⁹ Chayraycu kancunaka cayjinallata mañacunayquichej tiyan: Janaj pachapi caj Tataycu, Tucuy runas sutiyquita yupaychachuncu cheka Dios caskayquiraycu.

San Mateo 6:9 Referans Kwoze

Apocalipsis 4:11

Allimpaj qhawasqa kanki, Señor Diosniyku, yupaychayta, jatun kayta, atiyta ima jap'inaykipaj. Qan tukuy imata wakicherqanki, munayniykiraykutaj kanku, ruwasqastaj karqanku.

Romanos 8:15

Mana kamachipi kanapajchu Espiritutaqa jap'erqankichej, ujtawan mancharisqallapuni kanaykichejpaj, astawanqa chay Espirituta jap'erqankichej Diospa wawasnimpaj rejsisqas kanaykichejpaj. Chayrayku Diosmanta mañakuychej: Tatáy, Tatáy, nispa.

Ezequiel 36:23

Qankuna waj llajtaspi santo sutiyta ch'ichicharqankichej. Noqataj kunanqa jatun sutiyta chay llajtaspa rikuynimpi llimphuchasaj. Chay llajtastaj rejsiwanqanku noqa Señor kasqayta, qankunanejta sutiy llimphu kasqanta rikuchisaj chaypacha, nin Señorqa.

Malaquías 1:11

Tukuynejpi kay pachapi sutiyta jatumpaj jap'inku; tukuynejpi inciensota noqapaj q'osñichinku, ofrendatataj qonku llimphu uywasta, imaraykuchus suteyqa may jatunmin tukuynin llajtas ukhupi, nin Tukuy Atiyniyoj Señorqa.

Salmos 111:9

Pay llajtanta kacharicherqa, trato ruwasqantataj wiñaypaj sayacherqa. Diosninchejqa santo Dios, manchachikunataj.

Isaías 64:8

Kunanqa Señor, qan tatayku kanki. Noqaykoqa t'urulla kayku imaraykuchus qanmin t'urumanta ruwawarqayku. Chayrayku noqaykoqa tukuyniyku makisniykej ruwasqasnin kayku.

Isaías 57:15

Ajinata nin jatun Diosqa, wiñaypaj tiyakojqa, sutenqa Santo Dios: Noqaqa patapi tiyakuni, Santo cheqaypi. Llamp'u sonqoyojwan, k'umuykukojwan kashani, k'umuykukoj sonqoyojkunata, llakisqakunatawan kusichinaypaj.

Gálatas 4:6

Wawasninña kajtiykichejtaj, Diospa Churimpa Espiritunta sonqoykichejman kachamorqa. Espiritutaj mañakun: Tatáy, nispa.

Isaías 6:3

Purajmantataj ninakorqanku: Santo, santo, santo Tukuy Atiyniyoj Señorqa; tukuy kay pachaqa lliphipiyninwan junt'a kashan, nispa.

Apocalipsis 5:12

Sinch'itataj nisharqanku: Wañuchisqa karqa chay Corderoqa jap'inampuni atiyta, qhapaj kayta, yachayta, kallpata, sumaj sutitapis, janaj pacha k'anchayta, yupaychayta ima.

Salmos 115:3

Diosninchejqa janaj pachapi kashan; Pay tukuy munasqanta ruwarqa.

Nehemías 9:5

Chaymantataj chay levitas Josué, Cadmiel, Binuy, Hasabnías, Serebías, Hodías, Sebanías, Petaías ima nerqanku: Jatarikuychej, Señor Diosniykichejtataj wiñay wiñaypaj yupaychaychej, nispa. Chaypacha paykunaqa Señor k'acha sutinta yupaycharqanku, bendicioneswan, jinataj yupaychaykunaswan.

San Mateo 7:11

Sichus qankuna sajra runas kaspa, allin imasta wawasniykichejman qoyta yachankichej chayqa; imaraykutaj mana janaj pachapi kashaj Tataykichej aswan allin imastaraj qonmanchu, paymanta mañakojkunaman?

Isaías 63:16

Qanlla tataykoqa kanki, Abraham tataykuta, mana rejsiwaykuchu. Israelqa mana yuyarikuwaykuchu. Qanlla tataykoqa kanki Señor. Noqaykoj wiñay salvawajniyku sutiyoj nisqa kanki.

Salmos 72:18

Diosninchej, Israelpa Señor Diosnin bendicisqa kachun. Pay sapallan jatuchaj imasta ruwan.

San Mateo 26:29

Kayta niykichej: Kunanmantaqa manaña ujyasajchu kay uvas sach'aj poqoyninmanta vinota; Tataypa reinompi mosoj vinota qankunawan ujyanaykama.

San Mateo 23:9

Ama pitapis tatáy ninkichejchu kay pachapeqa; imaraykuchus ujlla Tataykichejqa, paytaj janaj pachapi kashan.

San Mateo 5:16

Ajinallatataj k'anchayniykichejqa k'anchachun runaspa ñaupaqempi. Paykunapis allin ruwasqaykichejta rikuspa, janaj pachapi kashaj Tataykichejta yupaychanankupaj.

2 Crónicas 20:6

Nerqataj: Ñaupa tatasninkoj Señor Diosnin, qan janaj pachamanta Dios kanki, qan kamachinki tukuy nacionesta. Makisniykipi kashanku kallpapis, atiypis: Mana pipis ñaupaqeykipi sayaykuyta atinmanchu.

San Lucas 15:18

Kutiripusaj tataypa wasinman, paymantaj nisaj: Tatáy, Diospaj juchallini, qampajpis juchallillanitaj.

Zacarías 14:9

Chay p'unchaypeqa Señorlla kamachenqa tukuynin jallp'api. Chaypacha uj k'ata Señorlla kanqa, uj k'atallataj sutimpis kanqa.

Habacuc 2:14

Chaypachataj, Señor gloriayoj kasqanmanta yachayqa tukuy jallp'antinman junt'anqa, imaynatachus mama qochaman yaku junt'aykun jinata.

Ezequiel 38:23

Ajinamanta sut'inchasaj may jatun kasqayta, nitaj llimphu kasqayta. Rejsisqa kasaj ashkha runaspa ñaupaqempi, yachanqankutaj noqa Señor kasqayta.

1 Crónicas 17:24

Imastachus niwasqaykeqa junt'akuchumpuni, sutiykitaj jatunchasqapuni kachun, nichunkutaj Tukuy Atiyniyoj Diosninmin kasqanta. Payqa cheqamanta Israelpa Diosnin, nisqa. Kamachiyki Davidpa miraynenqa qampa waqaychayniykipi wiñaypaj sayachun.

2 Samuel 7:26

Sutiykeqa jatunchasqapuni kachun, nichunkutaj Tukuy Atiyniyoj Señorqa Israelpa Diosnin kasqanta! Kamachiyki Davidpa miraynenqa makiykipi sinch'i kap'isqa kachun!

1 Pedro 1:17

Tataykichejta jinachus Diosta yupaychankichej chayqa, manchachikuspa puriychej tukuy kausayniykichejpi, waj llajtayojpis kawajchej jina. Diosqa runasta mana runaspa rijch'ayninman jinachu juzgan. Manachayqa, sapa ujta ruwasqasninman jina juzgan.

1 Timoteo 6:16

Pay k'atamin mana wañojqa. Mana chimpay atina k'anchaypitaj tiyakun. Chaytaqa mana pipis rikorqachu, nitaj pipis rikuyta atinchu. Pay wiñaypaj yupaychasqa kachun. Amén.

San Lucas 15:21

Wawantaj nerqa: Tatáy, Diospaj juchallini, qampajpis juchallillanitaj; manaña wawayki ninapaj jinachu kani.

Isaías 66:1

Señorqa nin: Janaj pachaqa noqaj tiyanay, kay pachataj chakisniypa sarukunan. Maytaj wasita ruwapunawaykichej karqa chayri, maynejpitaj noqaqa samarikusajri?

San Mateo 6:14

Chayrayku, runakuna qankunapaj juchallisqankuta perdonankichej chayqa; ajinallatataj, janaj pachapi kashaj Tataykichejpis juchasniykichejta pampachanqa.

San Mateo 6:6

Qampis Diosmanta mañakunaykipajqa, cuartoykiman yaykuy; wasi punkuykita wisq'aykamuspataj, pakaypi, Tataykimanta mañakuy. Pakaypi rikoj Tataykitaj t'inkaykita qopusonqa.

San Mateo 5:48

Imaynatachus janaj pachapi kashaj Tataykichej cabal, ajinallatataj qankunapis cabal kaychej.

Levítico 10:3

Chaymantataj Moisesqa Aaronman nerqa: Kaytamá Señorqa niyta munarqa kay jinata nishaspa: Noqaman qayllamuwajkunamanqa llimphu kayniyta rikuchisaj. Tukuynin israelitasman jatun lliphipiyniyta rikuchikusaj, nispa. Aaronqa ch'inlla karqa.

Gálatas 1:1

Noqa Pablo, apóstol kani, mana runaspa churasqanchu nitaj paykunaj kachasqanchu. Manachayqa Jesucristonejta churasqa kani, Dios Tatanejtataj; pichus Cristota wañusqakunamanta kausarichimorqa.

San Juan 20:17

Jesús payman nerqa: Ama llankhawaychu, imaraykuchus manaraj Tatayman wicharishanichu; astawanqa hermanosniyman willamuy: Tatayman, Tataykichejman, Diosniyman, Diosniykichejmantaj wicharishani.

San Mateo 26:42

Ujtawan rispa mañakullarqataj: Tatáy, ñak'arinaypuni kajtenqa qampa munayniyki ruwasqa kachun.

Isaías 37:20

Kunanqa Señor Diosniyku, Asiriospa makinmanta jark'awayku ari; ajinamanta kay jallp'a patapi kaj chhika naciones yachanankupaj qan k'atalla atiyniyoj Señor kasqaykita, nispa.

Romanos 1:7

Kay cartata escribimuykichej Roma llajtapi tiyakojkunaman, Diospa munakusqasnin. Sumaj kausayman wajyasqas kankichej. Khuyakuy, sonqo tiyakuytaj qankunapaj kachun Dios Tatanchejmanta, Señor Jesucristomantawan.

San Mateo 10:29

Manachu iskay p'isqetustapis vendenku phatarayku? Chaywampis, Dios Tataykichej mana nejtenqa, ni uj p'isqetullapis jallp'aman urmanmanchu.