San Mateo 6:19 - Qheshwa Biblia DC

¹⁹ Ama kay mundopeqa qhapajyayta munaychejchu; kay mundopeqa thuta k'utun, tukuy imapis qorwariyapun, suwaspis perqasta jusk'uspa suwanku.

DIOSPA QHELQACHISQAN DEUTEROCANONICAL

¹⁹ Ama kay pachapi qhapajyayta munaspa, ashkha imata tantaychejchu. Kaypeqa thuta k'utun, tukuy imapis ismurparin, jinallataj suwakunapis wasiman yaykuykuspa, suwakapullankutaj.

DIOSPA QHELQACHISQ

¹⁹ Ama kay pachapi qhapajyayta munaspa, ashkha imata tantaychejchu. Kaypeqa thuta k'utun, tukuy imapis ismurparin, jinallataj suwakunapis wasiman yaykuykuspa, suwakapullankutaj.

Quechua South Bolivia: Dios Parlapawanchej

¹⁹ ‘Cay pachapi khapaj capuycunata amaña chhicata kancunallapaj jallch'acuychejchu. Caypi chaytaka thutas thutancu, carcomi tucuchin, suwaspis yaycuspa suwancu.

San Mateo 6:19 Referans Kwoze

Hebreos 13:5

Kausakuychej qolqeta ama munapayaspa. Kapususqaykichejllawan kusisqas kaychej; imaraykuchus pay nerqa: Mana wijch'urparisqaykichu nitaj saqerparisqaykichu.

San Lucas 12:21

Ajinallataj, pichus payllapaj qhapajyajqa, Diospajqa mana imayoj.

Proverbios 16:16

Qorita rantinamanta nisqaqa aswan allin yachayniyoj kana; qolqeyoj kanamantaqa, aswan allin sumaj yuyayniyoj kana.

Proverbios 11:4

Juicio p'unchaypeqa ni imapaj allinchu kanqa qhapajyayninkoqa; cheqan kayrí wañuymanta ayqechenqa.

San Lucas 18:22

Chayta uyarispataj Jesusqa payman nerqa: Chaywampis, uj imataraj ruwanayki tiyan: Vendemuy tukuy kapuyniykita, wajchasmantaj qomuy. Chantaqa kapuyniyoj kanki janaj pachapi. Chaymantaraj jamuy, qhatiwaytaj.

1 Timoteo 6:17

Kay pachapi qhapajkunata kamachiy ama alabakunankuta, amataj kapuyninkupi suyanankuta. Chaykunaqa mana kajlla. Kausashaj Diosqa tukuy imata qowanchej ashkhata chaywan kausananchejpaj.

San Lucas 12:33

Kapuyniykichejta vendeychej, wajchasman rak'inaykichejpaj; chantá ruwakuychej mana thantakoj wayaqata, waqaychaychejtaj kapuyniykichejta janaj pachapi, chaypeqa mana tukukonqachu; maymanchus suwa mana yaykunchu, nitaj thutapis k'utunchu, chayman.

Sofonías 1:18

Señorpata phiñakuy p'unchaynimpi runataqa mana salvanqachu qolqen nitaj qorimpis. Señorpa k'ajaj phiñakuynin nina jina tukuy llajtantinta q'olaykonqa. Tukuy jallp'a patapi tiyakojkuna uj ratollapi t'unasqas kanqanku.

San Lucas 18:24

Runata llakisqata rikuspataj nerqa: Qhapajkunaqa ñak'ayllata Diospa reinonman yaykonqanku.

Salmos 62:10

Ama maqanakupeqa atienekuychejchu. Amataj suwakuypipis jatunchakuychejchu. Qhapaj kaspapis ama qolqellaykichejpi sonqoykichejta churaychejchu.

Salmos 39:6

Tukuy runasqa uj llanthu jina pasapunku. Cheqallamanta llakikuywan qhapajyanankupaj tantasqankupis qhasillapaj, nitaj yachankuchu pipajchus kananta.

San Mateo 19:21

Jesustaj payman nerqa: Sichus cabal kayta munanki chayqa; riy, tukuy kapususqanta vendemuy, chay qolqetataj pisichikojkunaman qopuy. Ajinamanta kapuyniykeqa janaj pachapi waqaychasqa kanqa. Jamuspataj noqata qhatiway.

Job 31:24

Mana qoripeqa atienikojchu kani, nitaj nejchu kani: Qan kanki noqay atienikunayqa, nispa.

Eclesiastés 2:26

Diosqa pichus payta kusichejman yachayta qon. Jinallataj rejsiyta, kusikuytawan. Juchasapamanri Diosqa saqellan tukuy imasta tantajta, qhapajyajtapis, pichus Diosta kusichejman qonampaj. Chaypis qhasi mana kajlla, wayra jap'ikuy jinallataj.

Éxodo 22:2

Sichus uj suwata suwashajta jap'inku, maqaspataj wañuchinku chayqa, chay wañuchej mana juchayojchu kanqa.

Job 24:16

Suwasqa ch'isillan wasismanta suwanku, p'unchayqa tukuyninku pakasqalla kanku, paykunaqa k'anchayta chejninku.

San Mateo 6:20

Chayrayku, tukuy kapuyniykichejta janaj pachapaj tantaychej. Chaypi mana thuta ni ismuypis tukuchinchu, nitaj suwas kanchu jusk'uspa suwanankupaj.

San Lucas 12:39

Allinta yachanaykichej kaytaqa; sichus wasiyoj yachanman, ima horatachus suwa jamunanta chayqa, mana puñuspa suyanman, manataj suwachikunmanchu.