San Mateo 5:22 - Qheshwa Biblia DC

²² Noqataj niykichej: Pillapis wauqempaj phiñakun chayqa, juchachasqa kanqa juiciopaj. Pichus wauqenta wampu nejpis, jatun juntapi juchachasqa kanqa; chantá pichus wauqenta opa ninman chayqa, infierno nina larwayman wijch'usqa kanqa.

DIOSPA QHELQACHISQAN DEUTEROCANONICAL

²² Noqatajrí niykichej: Sichus pipis wawqenpaj phiñakun chayqa, juiciopi juchachasqa kanqa. Pichus wawqenta wampu nejpis Jatun Juntapi juchachasqallataj kanqa. Chantá, sichus pipis wawqenta maldicinman chayqa, lawrashaj nina qochaman wijch'uykusqa kananpaj jina kanqa.

DIOSPA QHELQACHISQ

²² Noqatajrí niykichej: Sichus pipis wawqenpaj phiñakun chayqa, juiciopi juchachasqa kanqa. Pichus wawqenta wampu nejpis Jatun Juntapi juchachasqallataj kanqa. Chantá, sichus pipis wawqenta maldicinman chayqa, lawrashaj nina qochaman wijch'uykusqa kananpaj jina kanqa.

Quechua South Bolivia: Dios Parlapawanchej

²² Nokarí niyquichej sapa uj runa-masinpaj phiñaska cajta curajcuna ñac'arichinancuta. Sapa uj runa phiñacuspa runa-masinta “wampu” nejtapis aswan curajcuna juchachankancu. Phiñacuspa runa-masinta “supay apachun” nejpis, uqhu pachaman rinanpajjina cashan.

San Mateo 5:22 Referans Kwoze

1 Juan 2:9

Pichus k'anchaypi kashani nin, wauqentataj chejnin cheqa, laqhallapiraj kashan.

Santiago 3:6

Qallurí uj nina, sajra imaswan junt'asqa. Qalloqa cuerpojta kaspa sajrata chimpachin, infierno kikintaj qalloqa jap'irichin, tukuy kausaynimpitaj larwachin.

Tito 3:2

Amataj pipajpis sajrata rimachunkuchu, nitaj phiñanakusta mask'achunkuchu; astawanqa llamp'u sonqos, munakuyniyoj kasqankuta rikuchichunku tukuy runasman.

San Mateo 10:28

Ama manchachikuychejchu cuerpota wañuchejkunata, imaraykuchus almataqa mana wañuchiyta atinkuchu. Astawanqa, pichus cuerpota, almatapis infiernoman wijch'uykuyta atin, chayta manchachikuychej.

San Mateo 18:35

Kikillantataj qankunatapis, janaj pachapi kashaj Tatayqa ruwasonqachej; manachus sapa ujniykichej wauqesniykichejta tukuy sonqo juchasninkumanta perdonawajchej chayqa.

Romanos 12:10

Hermanos jina, tukuy sonqo munanakuychej, ujkuna ujkunata allimpaj qhawaspa.

1 Pedro 2:23

Cristoqa, payta maldicejtinku, mana maldicillarqatajchu, ñak'arishaspapis mana kutichikorqachu, astawanqa cheqanta juzgajpa makisninman chay imasta churarqa.

San Mateo 18:21

Pedrotaj Jesusman qayllaykuspa nerqa: Señor, wauqey noqapaj juchallikojtenqa, mashkha kutitataj juchasninta perdonasajri? Qanchis kutitachu? Jesustaj payman kuticherqa: Noqa niyki. Mana qanchis kutikamallachu; astawanqa, qanchis chunka kuti qanchiskamaraj.

Salmos 109:3

Chejnikuy palabraswan muyuykuwanku, mana imallamanta maqanakoj sayaykuwanku.

Salmos 37:8

K'ajaj phiñakuyta saqey, qhesachaytaj; amapuni phiñakuychu, imaraykuchus chayqa astawan millayman tukuchin.

Judas 1:9

Arcángel Miguelpis, supaywan churankuspa, Moisespa cuerpon jawa, mana munarqachu juiciopaj juchachayta. Payqa nillarqa: Señor k'amisuchun, nispa.

1 Juan 3:10

Kay jinapi yachakun Diospa wawasninchus chayrí supaypatachus kasqankoqa. Mana cheqan kajta ruwajqa, nitaj wauqentapis munakojqa, mana Diospa wawanchu.

Hechos 17:18

Wakin yachaysapa runas, epicureoswan, estoicoswan Pablowan churanakullajtaj kanku. Ujkuna nerqanku: Imatataj niyta munan kay thautejri? Wakintaj nerqanku: Kayqa waj mosoj dioskunamanta parlajman rijch'akun. Chayta nisharqanku imaraykuchus Pabloqa willasharqa Jesusmanta, kausarimuymantawan.

1 Tesalonicenses 4:6

Ama pipis hermanompa kapuyninman yaykuchunchu, nitaj suwachunchu, imaraykuchus Señorqa jasut'enqa kay tukuy imasmanta, imaynatachus nerqaykuña.

Marcos 14:55

Kuraj sacerdotestaj tukuy juntamanta kajkunawan, mask'asharqanku llulla testigosta, Jesusta ch'ataykunankupaj, chaymantataj wañuchinankupaj. Manataj ni imata tarerqankuchu.

San Mateo 26:59

Chaykamataj, kuraj sacerdotes jatun juntapi kajkuna ima, mask'asharqanku llulla ch'ataykojkunata, Jesusta wañuchinankupaj.

Deuteronomio 15:11

Kay pachapeqa wajchasqa kallanqapuni. Chayrayku noqaqa kamachiykichej kay jinata: Qankunaqa tukuy sonqo llajta masisniykichejmanta pisichikojkunata, wajchastawan yanapaychej, nispa.

San Juan 11:47

Chaypacha kuraj sacerdotes, fariseos ima, jatun juntapi nerqanku: Imatataj ruwasunri? Kay runaqa ashkha milagrostaña ruwan, nispa.

Apocalipsis 20:14

Wañuywan, ukhu pachawan nina qochaman wijch'usqas karqanku. Kaymá iskay kaj wañoyqa, nina qocha.

Hechos 7:37

Kaymin chay Moisesqa pichus israelitasman nerqa: Qankuna ukhullamantataj Dios sayarichenqa uj profetata qankunapaj, noqata jina; paytataj uyarinkichej.

San Lucas 12:5

Noqa nisqaykichej pitachus manchachikunaykichejta. Manchachikuychej, pichus wañuchiytawankama, atiyniyoj kashan infiernoman wijch'unampaj, chayta. Arí, manchachikuychej payllata.

San Mateo 5:44

Noqataj niykichej: Enemigosniykichejta munakuychej; [maldicisojkunaman allinta kutichiychej; chejnisojkunapaj allin kajta ruwapuychej; rimasojkunapaj,] qhatiykachasojkunapaj ima Diosmanta mañapuychej.

San Mateo 5:34

Noqataj niykichej: Amapuni jurankichejchu janaj pacharaykupis, imaraykuchus Diospa trononmin.

San Mateo 3:17

Chaymantataj, cielomanta Dios nimorqa: Kaymin ancha munasqa Chureyqa. Paywan kusisqa kani.

Abdías 1:10

Qhepakunki q'ala p'enqaywan junt'asqa wiñaypajtaj t'una ruwasqa kanki Jacob hermanoykita sajrawan rikusqaykirayku wañuchisqaykiraykutaj.

Proverbios 14:16

Yachayniyojqa manchachikun, sajramantataj t'aqakun; wampurí may kasqanta yuyakun, chay imaspitaj atienekun.

Salmos 7:4

Allinta ruwawaj kausaqeyta sajra kajwan kutichinichu?

Génesis 37:4

Chaymanta wauqesnenqa reparakorqanku payllata astawan munakusqanta paykunamanta nisqaqa, ajinamanta chejnikuyta qallarerqanku, ni napaykullajpischu kanku.

1 Juan 5:16

Pillapis wauqenta rikunman mana wañuyman apaj juchawan juchallejta chayqa, Diosmanta paypaj mañapuchun. Diostaj payman kausayta qonqa. Kayta nini mana wañuyman apaj juchawan juchallejkunapaj. Tiyallantaj wañuyman apaj juchapis. Mana ninichu Diosmanta mañanata chay juchawan kajpaj.

Santiago 2:20

Mana yuyayniyoj runa, munankichu yachayta feqa mana ima ruwayniyoj wañusqa kasqanta?

Hebreos 12:25

Qhawakuychej, ama qhesachaspa parlamojta, imaraykuchus jaqaykunaqa kay pachapi parlajta qhesacharqanku, chayraykutaj jasut'imanta mana ayqerqankuchu. Noqanchejtaj janaj pachamanta parlamojta qhesachasun chayqa, manallataj ayqesunchu.

Hebreos 5:9

Allinchasqaña kaspa, tukuy payta kasojkunapaj wiñaypaj salvajnin churasqa karqa.

1 Corintios 6:6

Atikunchu hermanopura quejanakunanku, mana creejkunaj ñaupaqenkupi?

Hechos 5:27

Apostolesta juntaman pusaykamojtinkutaj, jatun sacerdote paykunata tapuyta qallarerqa: Manachu sinch'ita kamacherqayku amapuni chay jesuspa sutimpi yachachinaykichejta? Kunantaj yachachiyniykichejwan tukuy Jerusalén llajtamanña junt'aykuchinkichej. Qankunaqa astawanraj tumpawayku, chay runaj wañuyninmanta.

San Juan 15:25

Kayqa ajina, leyninkupi escribisqa kashan chay palabra junt'akunampaj: Mana kajmanta chejniwanku.

San Juan 8:48

Chaymanta judíos kutichispa nerqanku: Manachu noqaykoqa allinta niyku, samaritano, supayniyojtaj kasqaykita?

San Juan 7:20

Runakunataj kutichispa nerqanku: Supayniyoj kanki; pitaj wañuchisuyta munashanri?

Marcos 15:1

Sut'iyamuytataj, tantakorqanku kuraj sacerdotes, kurajkuna, leymanta yachachejkuna, tukuy juntantin. Paykunataj Jesusta watasqata Pilatoman pusarqanku.

San Mateo 25:41

Chantá lloq'empi kajkunamantaj nenqa: Riychej kaymanta, sajra runas, wiñay nina larwayman; mayqenchus wakichisqa kashan supaypaj, chantá angelesnimpaj ima.

San Mateo 23:33

Sierpes, katarikunaj miraynin! Imaynatataj infiernopaj juchachasqa kanaykichejmanta ayqenkichejri?

San Mateo 23:15

Ay qankunamanta leymanta yachachejkuna, fariseos puraj uyas! Qankunaqa mar qochanta, tukuy jallp'asnejta ima purinkichej, uj runallatapis t'aqaykichejman pusaykunaykichejpaj; payta jap'ispataj, infiernoj wawanman tukuchinkichej qankunamanta astawan, iskay kutikama.

San Mateo 17:5

Ajinata Pedro parlashajtillanraj, ujllata k'ancharishaj phuyu paykunata pakaykorqa. Chay phuyu ukhumantataj uj voz nimorqa: Kaymin munasqa Chureyqa, paywan ancha kusisqa kani. Payta uyariychej.

San Mateo 12:24

Fariseostaj kayta uyarispa nerqanku: Kay runaqa mana paypa atiyninwanchu supaykunata qharqon; Beelzebú supaykunaj kurajnimpa atiyninwan qharqon.

San Mateo 10:17

Allinta qhawakuychej runakunamanta. Paykunaqa jatun juntaman pusaspa sinagogasninkupi jasut'ichisonqachej.

Abdías 1:12

Mana qanqa kusikunaykichu karqa maypachachus hermanoyki llakiypi rikhurerqa chay p'unchaypeqa. Mana llajtanman yaykunaykichu karqa ñak'ariypi kashajtin, nillataj kusikunaykichu karqa may llakiypi rikukushajtin. Manallataj kusikunaykichu karqa Judata rikuspa chay ñak'ariy llakiy p'unchaynimpeqa, nillataj asiykukunaykichu karqa llakiyninkupi.

Daniel (hebreo) 3:19

Maypachachus Nabucodonosor chay nisqankuta uyarerqa, chay rato uyan pukayarqa rabiamanta, kinsantin waynaspa contrampi. Chanta kamacherqa, hornota imaynatachus q'oñichej karqanku chaymanta qanchis kutikama aswan ruphata q'oñichinankuta.

Daniel (hebreo) 3:13

Chanta Nabucodonosorqa manchayta phiñakorqa, kamacherqataj ñaupaqenman pusarichimunankuta Sadracta, Mesacta, Abed-negotawan. Paykunata ñaupaqenman pusachimuspataj, tapurerqa: Cheqamanta qankuna mana yupaychankichejchu diosniykunata, nitaj qorimanta ruwacherqani chay lantitapis?

Lamentaciones 3:52

Enemigosneyqa p'isqota jina jap'irawanku, mana imallamanta.

Jeremías 17:11

Pichus mana llank'aspalla qhapajyakojqa, rijch'akun chay mana paypa runtusnillanta ojllakapoj pampa yuthusman. Chay qhapaj kaynintaqa wayna kaynillampitaj saqenan kanqa, qhepamantaj uj wampu kasqallan yachakonqa.

Proverbios 18:6

Wampusqa siminejta imamampis chhapukunku, palabrasnenqa jasut'ita mask'akunku.

Salmos 92:6

Wampu runaqa mana yachanchu, mana yuyayniyoj runataj mana unanchanchu.

Salmos 69:4

Ashkha kanku qhasillamanta chejnikuwajkunaqa, umaypi chujchasniymantapis astawan. Yanqhallamanta chejnikuwaj runasqa, aswan atiyniyojman tukunku. Mañawankutaj mana suwasqayta qopunayta.

Salmos 49:10

Rikukun ari, tukuypis ujrejllata wañunku, yachayniyojkunapis, wampuspis. Kapuyninkutaj wajkunapaj qhepakapun.

Salmos 35:19

Amapuni contraypi kajkunaqa kusikuchunkuchu. Ama ñawisninwanqa chejnikuwajkuna leqhopayawachunkuchu.

Salmos 25:3

Qampi suyajqa mana ujpis p'enqaypi rikhurenqachu. P'enqaypi rikhurichunku contraykipi qhasimanta oqharikojkuna.

Salmos 14:1

Wampoqa sonqompi nin: Mana Dios kanchu, nispa. Tukuy sajra kausayman qokunku, may millaykunata ruwanku, manaña kanchu allinta ruwajkunaqa!

Nehemías 5:8

Paykunamantaj nerqani: Tukuy atisqaykuman jinaqa llajta masisniyku judiosta libramuyku, chay waj nacionesman vendesqas karqanku chaykunamanta. Kunantaj qankunaqa vendellankichejtaj, watejmanta orqhokampunallaykupajtaj. Paykunaqa ch'impacha qhepakorqanku, manataj imatapis kutichiyta aterqankuchu.

2 Crónicas 16:10

Chaypacha rey Asaqa sinch'itapuni phiñarikorqa chay profetaj contrampi. Carcelmantaj wisq'aykuchimorqa. Jinallatataj chay kutipeqa wakin israelita runasqa llakiyta ñak'aricherqa.

1 Reyes 21:4

Acabtaj wasinman llakisqa phiñasqataj jamporqa, Jezreelmanta Nabot chay jinata payman nisqanmanta: Tatasniypa qowasqan huertaytaqa mana qanman qoykimanchu nispa. Puñunanman siriykukuspataj uyanta perqa ladoman churaspa, mana mikhorqachu.

2 Samuel 6:20

Ajinallatataj Davidqa ayllunta bendicimunampaj kutiporqa, Saulpa ususin Micaltaj payta taripaj llojsimuspa nerqa: Kunanqa ancha walejpuni Israelpa reynimpajqa karqa, kamachisnimpa ususisninman uj mana p'enqayniyoj runa jina rikuchikusqanqa!

Génesis 37:8

Chaymanta wauqesnenqa kuticherqanku: Já, kaywanqa niytachu munashawayku qan reyniyku kanaykita, qanchu noqaykuta kamachiwasqayku?, nispa. Chaymanta astawanqa chejnerqanku imaynatachus willasqanmantawan.

Deuteronomio 16:18

Sapa ayllupi juezkunata, kurajkunatawan ajllaychej, maykunapichus Señor Diosniykichej llajtasta qosonqachej chaypi. Ajinamanta paykunaqa runasta sumajta cheqanchanqanku.

2 Crónicas 19:5

Chay jawaqa juezkunata churarqa Judapi tukuy jark'achisqa llajtaspi, tukuy chaqanejpi.

San Lucas 22:66

P'unchay tantakorqanku kurajkuna, kuraj sacerdotes, leymanta yachachejkuna ima. Jesustataj juntaman pusamorqanku, nispa: Niwayku, qanrí Cristochu kanki? Paytaj kuticherqa: Arí, nisqaykichej chayqa, mana creewankichejchu.

Hechos 4:15

Chaymantataj Pedrota Juantawan jawaman llojsichispa, paykuna ukhu tantakuspa parlarqanku.

Hechos 5:21

Kayta uyarispataj apostolesqa sut'iyayta temploman yaykorqanku, yachacherqankutaj. Chaykamataj kuraj sacerdoteqa paywan kajkunawan ima chayman jamuspa, tantacherqa, jatun juntapi israelitasmanta kajkunata, tukuy kurajkunatawan. Carcelmantaj soldadosta kacharqanku apostolesta pusarimunankupaj.

Hechos 6:12

Ajinata ruwaspa ch'ajwata oqharicherqanku runakuna ukhupi, kurajkuna ukhupi, leymanta yachachejkuna ukhupi ima. Tukuyninkutaj jamuytawan Estebanta jap'iykuspa, juntaman pusaykorqanku.

Hechos 6:15

Jatun juntapi tiyashajkunataj Estebanta qhawarispa angelpa uyanta jina rikorqanku.

Hechos 22:30

Q'ayantintaj comandanteqa, yachaytapuni munaspa imamantachus judíos ch'atasqankuta, Pablota phaskaracherqa. Chaymantataj kamacherqa tukuy kuraj sacerdotes juntaman tantakamunankuta, Pablotataj ñaupaqenkuman pusaykorqanku.

Hechos 23:1

Pablotaj jatun juntapi kajkunata qhawarispa, nerqa: Wauqekuna, kunankama Diospa ñaupaqempi llimphu sonqoyoj kausakuni.

Hechos 24:20

Manachayrí, kaypi kajkuna niwachunku ima juchamantachus ch'atawasqankuta jatun juntapi kashajtiy.