San Mateo 5:20 - Qheshwa Biblia DC

²⁰ Chayrayku qankunaman niykichej, manachus cheqan kayniykichej qelqerispamanta, fariseospamantawan aswan allin kanqa chayqa, mana yaykunkichejchu janaj pacha reinoman.

DIOSPA QHELQACHISQAN DEUTEROCANONICAL

²⁰ Chayrayku qankunata niykichej: Qankuna yuyankichej Diospa kamachisqanmanta yachachejkuna, fariseokunawan ima, cheqan runa kasqankuta. Manachus qankuna paykunamanta aswan cheqan kawsayniyoj kankichej chayrí, janaj pachamanta Diospa kay pachapi kamachiyninman mana yaykunkichejchu.

DIOSPA QHELQACHISQ

²⁰ Chayrayku qankunata niykichej: Qankuna yuyankichej Diospa kamachisqanmanta yachachejkuna, fariseokunawan ima, cheqan runa kasqankuta. Manachus qankuna paykunamanta aswan cheqan kawsayniyoj kankichej chayrí, janaj pachamanta Diospa kay pachapi kamachiyninman mana yaykunkichejchu.

Quechua South Bolivia: Dios Parlapawanchej

²⁰ Niyquichej chekatapuni fariseo partemantawan israel yachachejcunamantawan yachachiskas caskancumanjina ruwaspa chekan cayta munaskancuta. Dios camachin, chaymanka mana yaycuyta atenkancuchu. Nitaj kancunapis paycunajina caspa yaycuyta atinquichejchu. Manachayrí Diosta casuspa chekan causayniyoj caspalla Dios camachin, chaymanka yaycunquichej.

San Mateo 5:20 Referans Kwoze

Filipenses 3:9

Paywan kayta munani manaña leyman jinachu kausanaypaj, astawanqa Cristopi creespa. Chaytaj Diospa cheqan kayninmanta feman jina; chayrayku Cristota astawan rejsinaypaj kausarimuynimpi, ferayku payman rijch'akunaypaj wañuynimpi, suyashanitaj imaynamantapis kausarimuyta wañusqakunamanta.

Hebreos 12:14

Allin kausayta tukuywan mask'aychej, llimphu kaytapis, mana chaywanqa, mana pipis Señorta rikonqachu.

2 Corintios 5:17

Chayrayku pipis Cristopi kashan chayqa, mosoj runa; mauk'a imasqa tukukapunña, tukuy imastaj mosojyapun.

San Mateo 7:21

Mana tukuy niwajkuna Señor, Señor, nispa, janaj pacha reinoman yaykonqankuchu. Manachayqa, janaj pachapi kashaj Tataypa munayninta ruwajkunalla yaykonqanku.

Apocalipsis 21:27

Chaymanqa mana ima ch'ichi kajpis yaykonqachu, nitaj millayta ruwajkuna, chayrí llullakojkunapis. Manachayqa Corderoj kausay librompi escribisqa kajkunalla yaykonqanku.

San Lucas 18:17

Cheqamanta niykichej: Pichus mana wawa jina Diospa reinonta jap'ejqa, mana chayman yaykonqachu.

San Lucas 12:1

Runas tantakamorqanku waranqa waranqasmanta. Anchata k'iskikamuspataj sarunakusharqanku; ñaupajtataj yachachisqasninman nerqa: Qhawakuychej fariseospa levaduranmanta. Chayqa puraj uya kayninku.

San Lucas 11:44

Ay, qankunamanta leymanta yachachejkuna, fariseos puraj uyas! Qankunaqa mana rikukoj sepulturas jina kankichej; chay sepulturas patatataj runas purinku mana yachaspalla.

Marcos 10:25

Astawanqa, camelloraj atinman yarwej ningrinta yaykuyta, qhapaj runa Diospa reinonman yaykunanmantaqa.

Marcos 10:15

Cheqamanta niykichej, pillapis mana wawa jina Diospa reinonta jap'enqa chayqa, mana jayk'aj yaykonqachu chayman.

San Mateo 18:5

Pichus noqaj sutiypi wajta kay wawata jina jap'ejqa, noqata jap'iwan.

San Mateo 3:10

Ñapis hachaqa, sach'aspa saphinman churasqaña kashan. Tukuy mana allinta poqoj sach'ataj k'utusqa kanqa, ninamantaj kanasqa.

San Mateo 16:12

Chaymantaña yuyayninkuman churakorqanku, Jesusqa mana t'anta levaduramantachu parlasqanta; manachayqa, fariseospa yachachiyninmanta, saduceospamantawan, allinta qhawakunankuta.

2 Corintios 3:9

Chay wañuyman apaj leychus may lliphipiyniyoj karqa chayqa, manachu astawan lliphipiyniyoj kanman salvasqa kasqanchejqa?