San Mateo 5:18 - Qheshwa Biblia DC

¹⁸ Chayrayku cheqamanta niykichej: Ñaupajtaraj cielopis mundopis tukukuyta atinku; leymantataj mana uj juch'uy letra, ni uj ch'iñi rayallapis chinkanqachu, kay tukuy junt'akunankama.

DIOSPA QHELQACHISQAN DEUTEROCANONICAL

¹⁸ Chayrayku sut'ita niykichej: Janajpis, kay pachapis kanankamaqa, Diospa kamachisqanmanta mana uj simillapis chinkachisqachu kanqa, aswanpis tukuynin junt'akonqa.

DIOSPA QHELQACHISQ

¹⁸ Chayrayku sut'ita niykichej: Janajpis, kay pachapis kanankamaqa, Diospa kamachisqanmanta mana uj simillapis chinkachisqachu kanqa, aswanpis tukuynin junt'akonqa.

Quechua South Bolivia: Dios Parlapawanchej

¹⁸ Niyquichej chekatapuni Diospa camachiskasninmantaka ni uj juch'uy niskallanpis chincananta. Atiyniyojllapuni cashan tucuy caj junt'acunancama. Chaymantaraj janaj pacha cay pachapis atinman chincapuyta.

San Mateo 5:18 Referans Kwoze

San Lucas 16:17

Janaj pacha, kay pachapis chinkayta atin; leypatarí, mana uj ch'iñi imitallampis chinkayta atinchu.

Isaías 40:8

Qhora ch'akipun, t'ika qawipun; Diosninchejpa palabranrí wiñaypaj wiñaynintimpaj.

1 Pedro 1:25

Señorpa palabranqa wiñaynintimpaj kanqa. Kaytaj chay palabra, evangelionejta qankunaman willasqa.

Marcos 13:30

Cheqamanta kayta niykichej; manaraj kay kunan tiempo runaspa miraynin tukukushajtin, kay tukuy ima jamunan tiyan.

Isaías 51:6

Janaj pachata qhawariychej, pampatapis qhawariychej. Janaj pachaqa q'osñi jinalla chinkariponqa, jallp'apis p'acha jinalla thantarparikonqa. Chaypi tiyakojkunapis ch'uspis jina chinkarparenqanku. Noqaj salvacionniyrí wiñaypaj kanqa. Cheqanta ruwasqayqa mana jayk'ajpis chinkankachu.

Apocalipsis 20:11

Rikorqanitaj uj jatun yuraj tronota, chaypi tiyasqa kashajtawan. Paypa ñaupaqenmantataj kay pacha, janaj pachapis ayqerqanku, manañataj ni mayman riyta aterqankuchu, chinkarerqankutaj.

Salmos 102:26

Tukuy kay imasqa chinkaponqanku, qantaj wiñaypaj sayanki, tukuy chay imastaj p'acha jina thantakunku, qantaj p'achata jina mudanki, mudasqataj kanqanku.

San Juan 5:19

Chaypacha Jesús kutichispa nerqa: Cheqamanta, cheqamanta niykichej: Diospa Churenqa, sapallanmanta mana imatapis ruwayta atinchu. Astawanqa imatachus Dios Tatata ruwajta rikun, kikillantataj Chureqa ruwan.

San Mateo 17:20

Paytaj kuticherqa: Pisi feniykichejrayku. Cheqamanta niykichej, sichus mostaza muju chhikallampis feniykichej kanman chayqa, kay orqota niwajchej: Kaymanta jaqayman ithiriy, nispa; rinmantaj. Mana imapis qankunapaj kanmanchu mana atikojqa. [

San Mateo 16:28

Cheqamanta niykichej, wakin kaypi kajkunamanta mana wañonqankuchu, Runaj Churinta reinompi jamojta rikunankukama.

San Mateo 13:17

Cheqamanta niykichej: Ashkha profetas, allin runaspis, rikuyta munarqanku imatachus rikusqaykichejta, manataj rikorqankuchu. Munallarqankutaj uyariyta imatachus uyarishankichej chayta, nillataj uyarerqankuchu.

San Mateo 10:23

Mayqen llajtallapipis chejnisunkichejman chayqa, waj llajtamanñataj ayqeychej. Cheqamanta niykichej ari, manaraj tukuy israelitaspa llajtasnimpi willayta tukushajtiykichej, ñapis Runaj Churenqa jamonqaña.

San Mateo 6:2

Chayrayku qolqeykita qospaqa, ama putututa ñaupaqeykipi waqachiychu; imaynatachus puraj uya runas, sinagogaspi, callespi ima, ruwanku runakunawan allinta qhawachikunankurayku, jinataqa. Cheqamanta niykichej, ñapis paykunaqa t'inkayojña kanku.

San Mateo 5:26

Cheqatapuni niyki, mana jaqaymantaqa llojsimuwajchu tukuy phataykita paganaykikama.

Salmos 119:152

Unaymantapachaña kamachisqasniykitaqa rejsini; wiñaypaj chaykunata churarqanki.

San Juan 21:18

Cheqamanta, cheqamanta niyki: Waynallaraj kashaspaqa, chumpillikoj kanki, munayniykiman jinataj purej kanki; machuña kaspataj makisniykita aysarinki, wajtaj chumpichisunki, maymanchus mana munasqaykimantaj pusasonqa.

San Juan 16:23

Chay p'unchaypitaj mana imata tapuwankichejchu. Cheqamanta, cheqamanta niykichej: Dios Tataqa, tukuy imata sutiypi mañakojtiykichejqa qosonqachej.

San Juan 16:20

Cheqamanta, cheqamanta niykichej: Waqankichej, llakikunkichejtaj; kay mundopi runastaj kusikonqanku. Chaywampis llakiyniykichejqa kusikuyman tukonqa.

San Juan 14:12

Cheqamanta, cheqamanta niykichej: Noqapi creejqa, noqaj ruwasqayta paypis ruwallantaj; astawanqa kuraj ruwanastapis ruwanqa, imaraykuchus noqa Dios Tataman rishani.

San Juan 13:38

Jesús payman nerqa: Churawajchu kausayniykita noqarayku? Cheqamanta, cheqamanta niyki: Manaraj gallo waqashajtin, qanqa kinsa kutikama, noqata mana rejsiwasqaykita ninki.

San Juan 13:16

Cheqamanta, cheqamanta niykichej: Kamacheqa patronninmanta mana aswanchu, nitaj kachasqapis kachajninmanta aswan kurajchu.

San Juan 12:24

Cheqamanta, cheqamanta niykichej: Uj trigo mujuchus jallp'aman urmaspa mana wañunman chayqa, sapallan kanman; wañun chayrí, ashkha poqoyta apan.

San Juan 10:7

Jesús uj kutitawan paykunaman nillarqataj: Cheqamanta, cheqamanta niykichej: Noqa punku kani.

San Juan 10:1

Cheqamanta, cheqamanta niykichej: Pichus oveja kanchaman mana punkuntachu yaykun, wajnejta wasaykun chayqa, suwa saltea.

San Juan 8:58

Jesús paykunaman nerqa: Cheqamanta, cheqamanta niykichej: Manaraj Abraham kashajtin, noqa kaniña.

San Juan 8:51

Cheqamanta, cheqamanta niykichej: Pillapis palabrayta waqaychajqa mana jayk'ajpis wañuyta rikonqachu.

San Juan 8:34

Jesús paykunaman nerqa: Cheqamanta, cheqamanta niykichej; tukuy juchallikojqa, juchaj kamachin.

San Juan 6:53

Jesustaj paykunaman nerqa: Cheqamanta, cheqamanta niykichej: Manachus Runaj Churimpa aychanta mikhunkichej, nitaj yawarnintapis ujyankichejchu chayqa, mana qankunapis kausayniyojchu kankichej.

San Juan 6:47

Cheqamanta, cheqamanta niykichej: Pillapis noqapi creejqa, wiñay kausayniyoj.

San Juan 6:32

Jesustaj paykunaman nerqa: Cheqamanta, cheqamanta niykichej: Janaj pachamanta kaj t'antataqa mana Moiseschu qorqa; Tataymá qosunkichej janaj pachamanta cheqa kaj t'antataqa.

San Juan 6:26

Jesustaj kutichispa nerqa: Cheqamanta, cheqamanta niykichej: Qankuna noqata mask'ashawankichej, mana milagrosta rikusqaykichejraykuchu, astawanqa t'antata mikhuspa sajsarqankichej, chayraykulla.

San Juan 3:11

Cheqamanta, cheqamanta niyki: Yachasqaykuta niyku, rikusqaykutataj willayku; qankunataj willasqaykuta mana jap'ikunkichejchu.

San Juan 3:5

Jesús kutichillarqataj: Cheqamanta, cheqamanta niyki, pillapis mana yakumanta, Espiritumantawan nacinmanchu chayqa, Diospa reinonman mana yaykuyta atinchu.

San Juan 3:3

Jesustaj kutichispa nerqa: Cheqamanta, cheqamanta niyki, pichus watejmanta mana nacinmanchu chayqa, Diospa reinonta mana rikuyta atinchu.

San Juan 1:51

Jesús nillarqataj: Cheqamanta cheqamanta niykichej: Kunanmanta ñaupajmanqa, janaj pachata kichasqata rikunkichej; Diospa angelesnintataj, Runaj Churinman uraykamushajta, wicharishajtataj.

San Lucas 23:43

Jesustaj chaypacha kuticherqa: Cheqamanta niyki, kunampacha noqawan paraisopi kanki.

San Lucas 18:29

Paytaj kuticherqa: Cheqamanta niykichej; pichus saqen wasinta, chayrí warminta, tatanta, mamanta, wawasnintapis Diospa reinonrayku chayqa, ashkhata jap'enqa kay pachapi, wiñay kausaytataj qhepa p'unchaykunapi.

San Lucas 18:17

Cheqamanta niykichej: Pichus mana wawa jina Diospa reinonta jap'ejqa, mana chayman yaykonqachu.

San Lucas 13:35

Qhawariychej, wasiykichejqa ch'impacha qhepakonqa; kunantaj niykichej: Manaña ujtawan rikuwankichejchu: Kausachun Señorpa sutimpi jamojqa, ninaykichejkama.

San Lucas 12:37

Kusikuyniyoj kanqanku chay kamachis, mayqenkunatachus patronnin chayamuspa qhawashajta taripajtin. Cheqamanta niykichej, chay patrón kikin chumpinta mat'ikonqa; mesapi tiyaykuchispataj, pay kikin mikhunata jaywanqa.

Marcos 14:30

Pedromantaj Jesús nerqa: Cheqamanta niyki, kunan tutapacha, manaraj gallo iskay kutita waqashajtin, qanqa kinsa kutita mana rejsej tukuwanki.

Marcos 14:25

Cheqamanta niykichej, manaña jayk'ajpis uvas sach'aj poqoyninmanta ujyasajchu; Diospa reinompi watejmanta ujyanaykama.

Marcos 14:18

Mikhushajtinkutaj paykunaman nerqa: Cheqamanta niykichej. Qankunamanta ujniykichej, pichus noqawan mikhushan chay jap'ichiwanqa.

Marcos 14:9

Cheqamanta niykichej; mayllapipis kay evangelio willakojtin, kay warmej ruwasqampis willakullanqataj paymanta yuyarikunankupaj.

Marcos 12:43

Jesustaj yachachisqasninta wajyaspa nerqa: Cheqamanta niykichej, kay wajcha viudaqa, astawan kurajta churan, tukuy runasmanta nisqaqa.

Marcos 11:23

Cheqamanta niykichej, pillapis kay orqota ninman: Jatariy, jatun qochaman wijch'uykuykuy, sonqompitaj mana iskayrayaspa creenman chayqa, paypa nisqan ruwakunman.

Marcos 10:29

Jesustaj nerqa: Cheqamanta qankunaman niykichej. Pillapis noqarayku, evangelioraykutaj saqerparinman wasinta, wauqesninta, tatanta, mamanta, wawasninta, jallp'asninta ima chayqa, chay runaqa pachaj kutikama kunan p'unchaypi jap'inan tiyan: Wasista, wauqesta, panasta, mamasta, wawasta, jallp'asta ima, jinapis qhatiykachasqallataj kanqa. Qhepantataj jaqay p'unchay jamojtin, wiñay kausayta jap'enqa.

Marcos 10:15

Cheqamanta niykichej, pillapis mana wawa jina Diospa reinonta jap'enqa chayqa, mana jayk'aj yaykonqachu chayman.

Marcos 9:41

Pillapis sutiypi uj vaso yakullatapis jaywarisunkichejman, Cristojta kasqaykichejrayku chayqa; cheqamanta niykichej, t'inkanta jap'ikaponqa.

Marcos 9:1

Chaymanta Jesús nillarqataj: Sut'inta niykichej. Wakin kaypi kajkunamanta mana wañuyta rikonqankuchu, Diospa reinonta manchay atiywan jamushajta rikunankukama.

Marcos 8:12

Jesustaj mayta ayqhospa, paykunaman nerqa: Imaraykutaj kunan tiempo runas señalta rikuyta munanku? Sut'inta niykichej: Mana ima señalpis ruwakonqachu kunan tiempo runaspajqa.

Marcos 6:11

Mayllapipis mana wajyarisunkichejmanchu, nitaj uyarisunkichejmanchu chayqa, ripuychej chaymanta, chakisniykichejmanta jallp'ata thalarakuspa; ajinamanta sajra ruwasqankuta yachanankupaj.

Marcos 3:28

Cheqamanta niykichej: Runaspa tukuy juchan pampachasqa kanqa, jinallataj ima sajrata rimasqampis.

San Mateo 25:45

Señortaj paykunaman nenqa: Cheqamanta niykichej, kay juch'uy ujnin kaj wauqeypaj, mana imata ruwaporqankichejchu chayqa; nillataj noqapajpis ruwapuwarqankichejchu.

San Mateo 25:40

Reytaj paykunaman kutichenqa: Cheqamanta niykichej, imallatapis chay juch'uy ujnin kaj wauqeypaj ruwarqankichej chayqa; noqa kikiypaj ruwarqankichej.

San Mateo 25:12

Paytaj nimorqa: Cheqamanta niykichej, qankunataqa mana rejsiykichejchu.

San Mateo 24:47

Cheqamanta niykichej: Ajinata ruwajtenqa, mayordomota churanqa, kamachinampaj tukuy kapuynin pataman.

San Mateo 24:2

Jesustaj paykunaman nerqa: Rikunkichejchu kay tukuyta? Cheqamanta niykichej, kaypeqa mana uj rumillapis rumi patapi qhepakonqachu; tukuynin pampachasqa kanqa.

San Mateo 23:36

Cheqamanta niykichej, kay tukuy imasqa jamonqa kay tiempo runaspa patanman.

San Mateo 21:31

Mayqentaj tatampa munayninta ruwarqa? Paykunataj kuticherqanku: Ñaupaj kaj, nispa. Jesustaj nerqa: Cheqamanta niykichej, impuestota orqhojkuna millay puriyniyoj warmis ima, Diospa reinonman ñaupaqeykichejta yaykushanku.

San Mateo 21:21

Jesustaj kuticherqa: Noqaqa cheqata niykichej: Feniyojchus kawajchej chayqa, mana higos sach'awan ruwasqallaytachu ruwawajchej. Astawanqa, mana iskayrayaspa, kay orqotapis niwajchej: Ithiriy kaymanta, qochaman wijch'uykukuy, nispa. Ajinatataj ruwakunman.

San Mateo 19:28

Jesustaj paykunaman nerqa: Cheqamanta niykichej, tukuy ima mosojman tukojtin, Runaj Churin k'anchay tronompi tiyaykukojtintaj, qankunapis noqawan khuska purisqaykichejrayku, chunka iskayniyoj tronospi tiyaykukullankichejtaj, chunka iskayniyoj Israelpa ayllusninta juzganaykichejpaj.

San Mateo 19:23

Chantataj Jesusqa yachachisqasninman nerqa: Cheqamanta niykichej, qhapaj runaqa ñak'ayllata janaj pacha reinoman yaykonqa.

San Mateo 18:18

Cheqamanta niykichej: Imatachus qankuna kay mundopi watankichej chayqa, janaj pachapipis watasqallataj kanqa. Ajinallatataj, imatachus kay mundopi phaskarankichej chayqa, janaj pachapipis phaskarasqallataj kanqa.

San Mateo 11:11

Cheqamanta niykichej: Tukuy nacikojkunamanta, mana ujpis Juan Bautistamanta nisqaqa aswan kuraj rikhurimorqachu. Janaj pacha Diospa reinompi, aswan juch'uy kajpis, kurajmin paymantaqa.

San Mateo 10:42

Pillapis kay juch'uykunamanta ujninman, yachakoj kasqanrayku uj vaso chiri yakullatapis jaywarinman chayqa; cheqamanta niykichej, t'inkanta mana chinkachenqachu.

San Mateo 10:15

Cheqamanta niykichej, juicio p'unchaypeqa aswan ñak'ariy kanqa chay llajtapaj, Sodomamanta, Gomorramantawan nisqaqa.

San Mateo 8:10

Jesustaj kayta uyarispa, t'ukorqa; paywan rejkunamantaj nerqa: Cheqamanta niykichej, manaraj Israelpipis kay jina feniyoj runataqa tarerqanichu.

San Mateo 6:16

Ayunaspaqa, ama llakisqas kaychejchu, puraj uyas jina; paykunaqa uyasninkuta uj jinayachinku, ayunasqankuta runaswan rikuchikunankupaj. Cheqamanta niykichej, ñapis paykunaqa t'inkayojña kanku.

San Lucas 4:24

Nillarqataj: Cheqamanta niykichej, mana mayqen profetapis allimpaj qhawasqachu llajtampeqa.

Salmos 111:8

imaraykuchus wiñaykama sinch'i kanku, kay kamachisqaqa sut'i, cheqan ruwasqastaj kanku.

Isaías 44:26

Kamachisniypa palabrasninta sut'iman orqhoni. Chay kachasqasniypa yuyasqankuta sut'iman orqhoni. Chaymantaqa noqa nini Jerusalenqa runa junt'ayoj kananta. Jinallataj Judá jallp'aj llajtasnimpis, watejmanta ruwasqas kanqanku, urmasqa raqaykunasninkutapis watejmanta sayarichisaj.