San Mateo 5:11 - Qheshwa Biblia DC

¹¹ Kusikuyniyoj kankichej runakuna noqarayku qankunapaj rimajtinku, chejnispa ñak'arichisojtinku, tukuy imatataj llullakuspa contraykichejpi nejtinku ima.

DIOSPA QHELQACHISQAN DEUTEROCANONICAL

¹¹ Qankunapis kusikuyniyojmin kankichej, runakuna noqarayku qankunapaj rimajtinku, chejnispa ñak'arichisojtiykichej, llullakuspa contraykichejpi imaymanata nejtinku ima.

DIOSPA QHELQACHISQ

¹¹ Qankunapis kusikuyniyojmin kankichej, runakuna noqarayku qankunapaj rimajtinku, chejnispa ñak'arichisojtiykichej, llullakuspa contraykichejpi imaymanata nejtinku ima.

Quechua South Bolivia: Dios Parlapawanchej

¹¹ ‘May cusiskas canquichej runas llullacuspa sajrata rimasojtiyquichej, muchuchisojtiyquichej khasimanta c'amisojtiyquichejpis, nokata casuwaskayquichejraycu.

San Mateo 5:11 Referans Kwoze

1 Pedro 4:14

Cristoj sutinraykuchus k'amisqas kankichej chayqa, kusikuyniyoj kankichej, imaraykuchus Diospa k'anchaj Espíritun qankunapi tiyakun. [Cheqamanta, paykunaqa Diospa contranta rimanku, qankunataj payta yupaychankichej.]

San Lucas 21:17

Tukuypa chejninantaj kankichej noqaj sutiyrayku.

Marcos 13:13

Noqarayku tukuy runaspa chejninan kankichej. Pichus tukukuykama sinch'ita sayajtaj, salvasqa kanqa.

San Mateo 24:9

Chaymantataj ñak'arichisonqachej, wakintataj wañuchisonqachej. Ajinata tukuy runaj chejnisqan kankichej, noqaj sutiyrayku.

San Lucas 6:22

Kusikuyniyoj kankichej runakuna chejnisojtiykichej, qharqosojtiykichej, rimasojtiykichej, sajrata jinataj sutiykichejta qhesachajtinku Runaj Churinrayku.

1 Pedro 2:23

Cristoqa, payta maldicejtinku, mana maldicillarqatajchu, ñak'arishaspapis mana kutichikorqachu, astawanqa cheqanta juzgajpa makisninman chay imasta churarqa.

San Juan 15:21

Chay tukuy imasta ruwasonqachej sutiyrayku, imaraykuchus kachamuwajniyta mana rejsinkuchu.

San Mateo 10:22

Noqarayku tukuy runas chejnisonqachej. Pichus tukukuykama, sumajta sayanqa, chay salvasqa kanqa.

Isaías 66:5

Señorpa palabranta uyariychej, kharkatitejkuna palabrasninta uyarispa, chaykuna. Qankunaj wauqesniykichej chejnikusunkichej, noqaj sutiyraykutaj jawaman qharqospa nisunkichej: Señorqa jatunchasqa kachun, nispa. Chaywampis Diosqa qankunaman kusikuyta rikuchenqa, paykunataj mana imanakuyta atenqankuchu.

San Mateo 10:39

Pichus kausayninta tarejqa, chinkachenqa; pitajchus, noqarayku kausayninta chinkachejtaj, tarikaponqa.

Apocalipsis 2:3

Pacienciawan ñak'arerqanki sutiyrayku mana sayk'uspa.

San Mateo 19:29

Pillapis wasisninta, wauqesninta, panasninta; chayrí tatanta, mamanta, warminta; chayrí wawasninta, jallp'asninta ima, noqaj sutiyrayku saqejqa, tukuy imamanta pachaj kutitawan jap'ikaponqa, wiñay kausaymantaj yaykonqa.

2 Corintios 4:11

Noqaykutaj kausanaykukamaqa wañuyman jaywasqas kayku sapa p'unchay Jesusrayku. Jinallataj Jesuspa kausaynin rikuchisqa kanampaj wañoj aychaykupi.

1 Corintios 4:10

Noqaykoqa Cristoj munakuyninrayku mana yuyayniyoj jina kayku; qankunataj may yachayniyoj Cristopi kankichej. Noqayku pisi kallpas kayku, qankunataj sinch'is kankichej. Runaspajpis may allimpaj qhawasqas kankichej, noqaykutaj qhesachasqas.

Romanos 8:36

Escribisqapi nisqanman jina: Qanrayku tuta p'unchay wañusqas jina kayku, yupasqastaj ñak'ana ovejas jina.

San Lucas 21:12

Kay tukuy imaspa ñaupaqentataj, qankunata jap'isonqachej, qhatiykachasonqachejtaj. Chantá pusasonqachej sinagogasman; carcelmantaj wisq'asonqachej; chaymantataj reyesman, kamachejkunaman ima pusasqas kankichej noqaj sutiyrayku.

San Lucas 9:24

Tukuy kausayninta salvayta munajqa chinkachenqa; pichus kausayninta noqarayku chinkachejtajrí, salvanqa.

Marcos 8:35

Pillapis salvakuyta munajqa, kausayninta chinkachenqa. Noqarayku, evangelioraykutaj kausayninta chinkachejtaj, salvasqa kanqa.

San Mateo 10:25

Yachakojpajqa walej, yachachejnin jina kanan. Kamachipajpis patronnin jina kanan. Wasiyojtachus Beelzebuta suticharqanku chayqa, imatarajchus sutichanqanku wasimpi kajkunataqa.

Hechos 9:16

Noqa payman rikuchisaj may chhikatachus sutiyrayku ñak'arinanta.

Salmos 44:22

Qanraykutaj sapa p'unchay wañuchisqas jina kayku, yupasqastaj ñak'ana ovejas jina.

Marcos 13:9

Chayrayku qankuna sumajta qhawakuychej; imaraykuchus, jap'ichispa juntasninkuman pusasonqachej, sinagogaspitaj jasut'isonqachej. Noqarayku kuraj kamachejkunaman, reyesman ima pusasonqachej; noqamantataj parlankichej paykuna yachanankupaj.

San Mateo 27:39

Chaynejta purejkunataj, umankuta khiwirispa, mayta paypaj rimarqanku.

Marcos 4:17

Paykunaqa, mana allin saphichasqa kaspa, mana unayta kayta atinkuchu; Diospa palabranraykutaj llakiy, chayrí chejniy jamojtin paykunaqa urmanku.

San Mateo 10:18

Noqarayku pusasonqachej llajtapi kuraj kamachejkunaman, reyesman ima. Ñaupaqenkupitaj noqamanta willankichej paykunaman, gentilesmampis.

San Juan 9:28

Chantá payta k'amerqanku, nerqankutaj: Qanmá chay runaj yachachisqan kanki; noqaykoqa Moisespa yachachisqasnin kayku.

Salmos 35:11

Sajra testigos sayaykunku, mana yachasqaymantataj tapuwanku.

Isaías 25:8

Señorqa wañuyta wiñaypaj chinkachenqa; tukuypaj waqayninta Señorqa pichanqa; ayllumpa mana allimpaj qhawasqa kayninkutataj tukuy jallp'amanta chinkachenqa. Ajinata Señorqa nin.

Isaías 51:7

Uyariwaychej, cheqan kajta rejsejkuna, yachachiyniyta sonqoykichejpi jap'ejkuna. Ama runaspa rimasusqantaqa manchachikuychejchu, amataj chay jinatapuni rimasqankuraykoqa umphuyaychejchu.

Jeremías 37:14

Jeremías kuticherqa: Mana chayqa jinachu, mana caldeosmanqa chimpashanichu, nispa. Jinapis Iriasqa mana uyarerqachu, manachayqa jap'iykorqapacha, kurajkunaj ñaupaqenmantaj pusarqa.

Filipenses 1:29

Chayrayku qankunaman qosqa kashan Cristorayku, mana paypi creenallaykichejtachu, astawanqa payrayku ñak'arinaykichej tiyan.