San Mateo 4:4 - Qheshwa Biblia DC

⁴ Jesustaj kutichispa nerqa: Escribisqa kashan: Mana t'antallawanchu runaqa kausanqa; astawanqa, Diospa siminmanta tukuy llojsimoj palabraswan kausanqa.

DIOSPA QHELQACHISQAN DEUTEROCANONICAL

⁴ Jesustajrí kuticherqa: Diospa Qhelqachisqanpi nin: Mana mikhunallawanchu runaqa kawsan, aswanpis Diospa tukuy nisqanwan kawsan, nispa.

DIOSPA QHELQACHISQ

⁴ Jesustajrí kuticherqa: Diospa Qhelqachisqanpi nin: Mana mikhunallawanchu runaqa kawsan, aswanpis Diospa tukuy nisqanwan kawsan, nispa.

Quechua South Bolivia: Dios Parlapawanchej

⁴ Jesusrí cutichispa nerka: —Palabranpi Dios nin: “Mana miqhunallawanchu runaka causan. Manachayrí Diospa tucuy niskanta casuspa causan”, —nispa.

San Mateo 4:4 Referans Kwoze

Deuteronomio 8:3

Ñak'arichisorqachej, yarqhachisorqachejtaj chaypis, Maná nisqa t'antata mikhuchisorqachej. Chay mikhunataqa ni qankuna, nitaj ñaupa tatasniykichejpis rejserqankichejchu. Ajinamanta Diosqa yachachisorqachej, runaqa mana t'antallawanchu kausasqanta, manachayqa Señorpa siminmanta tukuy llojsej palabraswampis kausasqanta.

San Lucas 4:4

Jesustaj kuticherqa: Escribisqa kashan: Mana t'antallawanchu runaqa kausanqa, [astawanqa Diospa tukuy palabranwan.]

San Juan 6:63

Espiritoqa kausachin, aychaqa mana imapaj walejchu. Noqa parlaykichej chay palabrasneyqa espiritumin, kausaytaj.

Romanos 15:4

Ñaupajta escribisqas karqanku chaykunaqa, yachachinawanchejpaj escribisqas karqanku; Escriturapi pacienciakuspa sonqochakuspataj suyayniyoj kananchejpaj.

Efesios 6:17

Salvación monterata umaykichejman churakuychej. Espíritoj espadanta jap'iychej; chaytaj Diospa palabran.

Éxodo 16:15

Chayta rikuspa israelitasqa ninakorqanku ujkuna ujkunawan: Imataj kaykunari?, nispa, imaraykuchus mana yacharqankuchu imaschus kasqanta. Chaymanta Moisesqa paykunaman nerqa: Kayqa t'anta; chayta Señorqa qosunkichej mikhunaykichejpaj.

San Lucas 4:8

Jesustaj kuticherqa: Escribisqa kashan Diospa palabrampi: Señor Diosniykiman k'umuykukunki, pay sapallanta yupaychanki.

Éxodo 16:35

Israelitasqa Maná nisqa t'antata mikhorqanku tawa chunka watasta, may jallp'aspichus runas tiyakorqanku chayman chayanankukama. Chay t'antata mikhorqanku Canaán jallp'aj mojonninman chayanankukama.

Éxodo 16:8

Moisesqa nillarqataj: Ch'isiyaykuyta Señorqa aychata qosonqachej mikhunaykichejpaj; tutamantataj t'antata qosonqachej sajsakunaykichejkama mikhunaykichejpaj, imaraykuchus Señorqa uyarimusunkichej paypa contranta rimasqaykichejta. Noqaykoqa, pistaj kaykuri? Qankunaqa mana noqaykoj contraykutachu rimankichej, manachayqa Señorpa contranta rimashankichej.

San Mateo 4:10

Chaypacha Jesús kuticherqa: Riy kaymanta Satanás! Escribisqa kashan: Señor Diosniykita yupaychanki, pay sapallantataj sirvinki.

San Mateo 4:7

Jesús nillarqataj: Escribisqallataj kashan: Señor Diosniykita ama tentankichu.

San Lucas 4:12

Jesustaj kuticherqa: Escribisqallataj kashan: Señor Diosniykita ama tentankichu.

Éxodo 23:15

Mana levadurayoj t'anta fiestata waqaychanki; qanchis día junt'atataj mana levadurayoj t'antata mikhunki, imaynatachus nisusqanman jina. Chaytaqa mikhunki Abib killapi, imaraykuchus chay killapi Egiptomanta llojsimorqanki. Ni pipis noqaman jamuwanqachu makisnin ch'usajlla.

San Mateo 15:11

Imachus simiman yaykojqa, mana ch'ichichanchu runataqa; simimanta llojsimojmá runataqa ch'ichichan.

Marcos 7:20

Nillarqataj: Imachá runaj sonqonmanta llojsimun, chaymá runataqa ch'ichichan.

San Juan 15:26

Maypachachus sonqochaj jamonqa, pitachus noqa Tataymanta kachamusaj, chay cheqa Espiritoqa Dios Tatamanta jamun, paytaj noqamanta willanqa.