San Mateo 3:6 - Qheshwa Biblia DC

⁶ Juantaj juchasninkuta willakojtinku, Jordán mayupi bautizaj.

DIOSPA QHELQACHISQAN DEUTEROCANONICAL

⁶ Chay runakunataj juchankuta rimarejtinku, Juanqa Jordán mayupi paykunata bautizaj.

DIOSPA QHELQACHISQ

⁶ Chay runakunataj juchankuta rimarejtinku, Juanqa Jordán mayupi paykunata bautizaj.

Quechua South Bolivia: Dios Parlapawanchej

⁶ Paycuna juchasnincuta willashajtincu Juan Jordán mayupi paycunata bautizasharka. [Ajinapi runas ricucherkancu Diosman cutiriskancuta.]

San Mateo 3:6 Referans Kwoze

Hechos 19:18

Creejkunamantapis ashkhas jamuspa, tukuypa uyarinanta willakorqanku paykunapis ñaupajta sajra ruwasqankumanta.

1 Juan 1:9

Juchasninchejtachus Diosman willakusunman chayqa, yachanchej payqa junt'aj cheqantaj kasqanrayku juchasninchejta pampachananta. Payqa tukuy sajra kayninchejtapis pichawasunchej.

Hebreos 9:10

Chaykunaqa mikhunasllapi, ujyanasllapi, mayllakunasllapi, aycha jawa churasqas karqanku, allinchay tiempo jamunankama.

San Mateo 3:11

Noqaqa cheqamanta bautizaykichej yakuwan, Diosman kutirinaykichejpaj; qhepayta jamojqa noqamanta aswan atiyniyoj; chayrayku, mana atej jinachu kani ujut'allantapis apanaypaj. Paytaj bautizasonqachej Santo Espirituwan, ninawan ima.

Colosenses 2:12

Bautizachikuspaqa Cristowan p'ampasqas karqankichej. Jinallatataj paywan kausarimorqankichej, creespa Dios atiyninwan wañusqakunaj chaupinmanta payta kausarichimusqanta.

1 Corintios 10:2

Ajinamanta, tukuyninku Moiseswan khuskachasqas bautizachikuspa karqanku phuyupi, mar qochapi ima.

Hechos 22:16

Kunanqa, imatataj suyanki? Jatirispa bautizachikuy, juchasniykimanta llimphuchakuy Jesuspa sutinta oqharispa.

Hechos 11:16

Chaypachataj Señorpa nisqanta yuyarikorqani: Cheqamanta Juanqa yakuwan bautizarqa, qankunataj Santo Espirituwan bautizasqas kankichej.

San Lucas 3:16

Juantaj kuticherqa tukuyman: Noqaqa cheqamanta yakuwan bautizaykichej. Qhepaytataj waj jamushan, Santo Espirituwan bautizaj, ninawantaj. Payqa noqamanta aswan atiyniyoj; chayrayku, ujut'asnimpa watusnillantapis mana phaskayta atiymanchu.

Marcos 1:5

Juanta uyarej jamorqanku, tukuy Judea jallp'amanta; Jerusalén llajtapi kajkuna ima. Bautizachikorqankutaj paywan Jordán mayupi juchasninkuta willakuspa.

Daniel (hebreo) 9:4

Señor Diosniymanta mañakorqani, kay imastataj willakorqani: Señor, may jatun Diosníy, trato ruwasqaykitaqa junt'ankipuni, munakuyniykitataj rikuchinki qanta munakusojkunaman, kamachisqasniykita junt'ajkunamampis.

Ezequiel 36:25

Llimphu yakuwan mayllasqaykichej, tukuy ch'ichi kausayniykichejmanta llimphuchasqas kankichej. Tukuy qhasi mana kaj dioskunamantapis t'aqasqaykichej.

Proverbios 28:13

Pichus juchanta pakajtaqa mana allinchu renqa, pichus juchanta willakojqa, chaymanta t'aqakojtaj khuyakuyta tarenqa.

Salmos 32:5

Mana imata pakaspa, tukuy juchayta, sajra ruwasqasniytawan willakorqayki. Nerqani juchasniyta willakusunayta, qantaj Señor perdonawarqanki.

Josué 7:19

Chaymanta Josueqa Acanman nerqa: Wawáy, Israelpa Señornin Diosta jatunchaspa yupaychay ari. Willaway imatachus ruwasqaykita, ama pakaspa sut'inta.

Números 5:7

Chantapis chay runamanqa kikillantataj kutichipunan tiyan, chaymantaj yapapunan tiyan phishqamanta ujnin kajtawan, pejpa contrampichus juchallikusqanmanta.

Levítico 26:40

Qankunaqa niychejpis juchayoj kasqaykichejta, tatasniykichej juchayoj kasqankutapis, noqata qhesachawasqankuta contrayta juchachakusqankutapis.

Levítico 16:21

Chay chivoj umanman makisninta churaykuspataj, nenqa israelitaspa tukuy juchasninkuta, Diospa contrampi oqharikusqankuta, tukuy ima sajra ruwasqasninkutawan. Chay jinamanta israelitaspa juchasninkuta chay chivoj uman pataman churanqa. Chaymantataj chay chivota uj kachawan apachenqa, ch'in pampaman kacharpayamunampaj.

1 Pedro 3:21

Chay yakutaj bautismowan ninakun. Bautismotaj aychaj millayninta mana llimphuchanchu; astawanqa llimphu concienciaj munayninwan Diosninchejman pusawanchej, Jesucristo kausarimusqanrayku.

Santiago 5:16

Chayrayku, willanakuychej juchasniykichejta purajmanta. Ujkuna ujkunapaj Diosmanta mañakuychej thañisqas kanaykichejpaj; cheqan kaj runaj tukuy sonqo mañakuynenqa, sinch'i atiyniyoj.

Esdras 10:1

Diosta yupaychana wasin punkumpi, Esdras qonqoriykukuspa mañakushajtin, waqaspa juchasninta willakushajtintaj, israelitasmanta ashkha ukhu, qharis warmis ima waqarallarqankutaj jik'un jik'unta, qayllanman muyuykamuspa.

San Lucas 1:16

Ashkha israelitasta kutirichenqa Señor Diosninkuman.