San Mateo 26:63 - Qheshwa Biblia DC

⁶³ Jesustaj ch'inlla kakorqa. Chaymantataj jatun sacerdoteqa, payman nerqa: Kausashaj Diospa sutimpi niwayku. Qanchu Cristo, Diospa Churin kanki?

DIOSPA QHELQACHISQAN DEUTEROCANONICAL

⁶³ Jesustajrí ch'inlla kakorqa. Chantá kuraj kaj sacerdoteqa Jesusta nerqa: Kawsashaj Diospa sutinpi niwayku: Qanchu Diospa kachamusqan Cristo kanki, Diospa Churin? nispa.

DIOSPA QHELQACHISQ

⁶³ Jesustajrí ch'inlla kakorqa. Chantá kuraj kaj sacerdoteqa Jesusta nerqa: Kawsashaj Diospa sutinpi niwayku: Qanchu Diospa kachamusqan Cristo kanki, Diospa Churin? nispa.

Quechua South Bolivia: Dios Parlapawanchej

⁶³ Jesusri ch'inlla cacorka. Curajtaj payta nerka: —Causaj Diospa sutinpi camachiyqui: “Sichus kanka Diospa ajllaska Wawan, Cristo, canqui chayka, willawaycu, ari, —nispa.

San Mateo 26:63 Referans Kwoze

Levítico 5:1

Sichus mayqen wajyasqa kashan imatachus rikusqanta, chayri uyarisqanta sut'inchanampaj, manataj munanmanchu sut'inchayta chayqa, pay juchayoj rikhurenqa. Chay juchanmantataj cuentata qonqa.

San Mateo 16:16

Simón Pedrotaj kutichispa nerqa: Qanqa Cristo kanki, kausaj Diospa Churin.

Isaías 53:7

Payqa may jina maqasqa, llakichisqataj karqa, mana simillantapis kicharerqachu. Payqa oveja jina ñak'anaman apasqa karqa; imaynatachus oveja millmanta ch'inllamanta ruthuchikun, ajinata mana siminta kicharerqachu.

San Mateo 27:12

Jatun sacerdotes, judiospa kurajkunasninwan ch'ataykojtinku, Jesusqa mana imata kutichikorqachu.

1 Samuel 14:26

Chay monteman soldados yaykorqanku chaypi misk'eqa yaku jinapuni puririsharqa. Chaywampis manapuni pipis llamirerqachu juramentasqankuta manchachikuspa.

San Juan 20:31

Kay imastaj escribisqas karqanku creenaykichejpaj Jesusqa Cristo Diospa Churin kasqanta; paypitaj creespa kausayniyoj kanaykichejpaj.

San Juan 19:9

Pretorioman kutiykuspataj Jesusta nerqa: Maymanta qan kanki?, nispa. Jesusta mana imata kuticherqachu.

San Juan 19:7

Judiostaj kuticherqanku: Noqaykojta leyniyku tiyan. Chayman jinaqa pay wañunampuni tiyan; Diospa Churin kani nisqanrayku.

San Juan 18:37

Chaypacha Pilato payman nerqa: Chantá qan reychu kanki? Jesustaj kuticherqa: Qan ninki noqa rey kasqayta. Noqaqa chaypaj nacerqani, chaypajtaj kay mundoman jamorqani, cheqa kajmanta willanaypaj. Tukuy cheqa kajmanta kajrí, parlasqayta uyarin.

San Juan 10:36

Pitachus Dios Tata ajllarqa, kay pachamantaj kachamorqa; qankunataj ninkichej Dios jina parlan, nispa. Chaytaqa Diospa Churin kani nisqayraykuchu niwankichej?

San Juan 10:30

Noqawan, Dios Tatawanqa ujlla kayku.

San Juan 10:24

Judiostaj payta muyuykuspa nerqanku: Mayk'ajkamataj sonqoykuta iskayrayachinki? Cristo kanki chayqa, sut'ita willawayku.

San Juan 8:25

Chaypachataj paykuna tapurerqanku: Pitaj qan kankiri?, nispa. Chantá Jesús paykunaman nerqa: Qallariymantapachaña willarqaykichej pichus kasqayta.

San Juan 6:69

Noqayku creeykuña, yachaykutaj Diospa ajllasqan kasqaykita.

San Juan 1:49

Chaymantataj Natanael nerqa: Maestro, qanqa Diospa Churin kanki, Israelpa Reynin.

San Juan 1:34

Noqataj ajinata rikuni, rejsichinitaj payqa Diospa Churin kasqanta.

Marcos 14:61

Jesustaj ch'inlla karqa, mana imata kutichikuspa. Watejmanta jatun sacerdoteqa Jesusta tapullarqataj: Qanchu Cristo kanki, yupaychasqa Diospa Churin?, nispa.

San Mateo 27:54

Capitantaj soldadosninwan Jesusta qhawasharqanku; jallp'ata ikhakojta, waj imastawan rikuspa maytapuni mancharerqanku, nerqankutaj: Cheqamanta kay runaqa Diospa Churin karqa, nispa.

San Mateo 27:43

Diosman atienekorqa, kunanqa Dios kacharichichun ari, munakun chayqa, imaraykuchus Diospa Churin kani nerqa.

San Mateo 27:40

Nerqankutaj: Qan templota urmachej, kinsa diapitaj sayarichej; qan kikiykita kacharichikuy. Diospa Churin kanki chayqa, uraykamuy chay cruzmanta.

San Mateo 27:14

Jesustaj, mana uj palabrallatapis kutichikorqachu; jinamantataj Pilatoqa mayta t'ukorqa.

Daniel (hebreo) 3:16

Kinsantin waynastaj kuticherqanku: Kaymantaqa mana ima parlaypis kanchu, nispa.

Proverbios 29:24

Suwajta yanapaj runaqa pay kikinta chejnikun, may jinata nichikushaspapis manapuni parlarinchu.

2 Crónicas 18:15

Reytaj payman kuticherqa: Mashkha kutitataj nisqayki, cheqa kajllata juramentowan Señorpa sutimpi sut'inchanawaykitari?.

1 Reyes 22:16

Reytaj payta nerqa: Mayk'a kutitataj nisqayki Señorpa sutimpi cheqa kajllata ninawaykitari?

1 Samuel 14:28

Chaypacha ujnin kaj soldado nerqa: Tatayki tukuynin soldadosta jurachin, nerqataj pichus imallatapis kunan p'unchay mikhojqa maldecisqa kananta. Chayrayku runasqa may sayk'usqas llauchhupacha kashanku.

1 Pedro 2:23

Cristoqa, payta maldicejtinku, mana maldicillarqatajchu, ñak'arishaspapis mana kutichikorqachu, astawanqa cheqanta juzgajpa makisninman chay imasta churarqa.

1 Samuel 14:24

Chaywampis maqanaku p'unchaypeqa israelitasqa sinch'i sayk'usqas kasharqanku, mana pipis mikhunata llamillerqapischu, Saul paykunata jurachisqanrayku, kay jinata: Maldicisqa kanqa pillapis imallatapis mikhojqa manaraj ch'isiyashajtin, manaraj enemigosniyman aynita kutichishajtiy.

Salmos 42:2

Kausaj Diosmanta ch'akichikuni. Mayk'ajtaj Diospa ñaupaqenman chayasajri?

San Mateo 4:3

Chaypacha, supay qayllaykorqa Jesusman tentayta munaspa, nerqataj: Diospa Churinchus kanki chayqa, niy kay rumista t'antaman tukunankuta.

San Mateo 26:62

Jatun sacerdotetaj, sayarispa Jesusman nerqa: Manachu imata contraykipi rimajkunaman kutichikunki?

2 Corintios 1:19

Jesucristoqa Diospa Churin. Noqayku paymanta willarqayku qankuna ukhupi, noqa, Silvano, Timoteo ima. Manataj Jesucristopi karqachu “arí” niywan “mana” niywan khuska, astawanqa “arí” paypi karqa.