San Mateo 26:56 - Qheshwa Biblia DC

⁵⁶ Kay tukuy imaqa ruwakun profetaspa escribisqan junt'akunampaj. Chaymantataj tukuynin yachachisqasnin saqerpayaspa ayqerqanku.

DIOSPA QHELQACHISQAN DEUTEROCANONICAL

⁵⁶ Chaywanpis kay jinata ruwashankichej, imaraykuchus Diosmanta sut'inchajkunaj nisqankoqa junt'akunan tiyan, nispa. Chantá tukuynin yachachisqankuna Jesusta sapallanta saqerparispa, ayqerikaporqanku.

DIOSPA QHELQACHISQ

⁵⁶ Chaywanpis kay jinata ruwashankichej, imaraykuchus Diosmanta sut'inchajkunaj nisqankoqa junt'akunan tiyan, nispa. Chantá tukuynin yachachisqankuna Jesusta sapallanta saqerparispa, ayqerikaporqanku.

Quechua South Bolivia: Dios Parlapawanchej

⁵⁶ Tucuy cay ruwacushan Diospa palabranpi unay willajcunan niskancuta junt'acunanpaj, —nispa nerka Jesús. Chanta tucuynin yachacojcunan payta sakerpayaspa aykecaporkancu.

San Mateo 26:56 Referans Kwoze

Zacarías 13:7

Tukuy Atiyniyoj Señorqa nillantaj: Oqharikuy, espada, michejpa contrampi, yanapajniypa contrampitaj! Wañuchiy chay michejta ovejasniytaj ch'eqeranqanku, juch'uy kaj corderosninmantaj noqa kutiykukusaj!

San Juan 16:32

Kayqa hora chayamushanña, chayamunñapis, chaypachataj ch'eqerasqas kankichej; sapa ujpis munasqaykichejman jina ripunkichej, noqata sapayta saqerparispa; manataj sapaychu kashani, imaraykuchus Tatay noqawan kashan.

San Mateo 26:31

Chaypacha Jesús paykunaman nerqa: Kunan ch'isi noqamanta tukuyniykichej saqerpariwankichej. Escribisqa kashan: Michejta wajtasaj, ovejastaj ch'eqerakonqanku.

San Mateo 26:54

Ajina kajtenqa, imaynamantataj chantá Escrituras junt'akunkumanri?

2 Timoteo 4:16

Ñaupaj kutita kurajkunaj ñaupaqempi kutichikushajtiy, mana pipis yanapawarqachu, tukuyninkutaj saqerpariwarqanku. Kaymantaqa ama paykunata Dios juchachachunchu.

San Mateo 26:24

Cheqamanta Runaj Churenqa rishan wañuyman, paymanta escribisqaman jina. Ay jaqay runamanta, piraykuchus Runaj Churin jap'ichisqa kanqa! Walej kanman karqa chay runapajqa, ama nacinan.

Lamentaciones 4:20

Señorpa ajllakusqan, pichus noqaykuta kausachiwajniykoqa preso urman. Paymanta noqaykoqa nej kayku: Tukuy nacionespa chaupimpi paypa llanthullampi kausasunchej, nispa.

Daniel (hebreo) 9:26

Sojta chunka iskayniyoj semanas qhepata chay Mesiasta wañuchenqanku. Uj rey jamuspa, Jerusalén llajtata, jinallataj templotapis runasninwan t'unaykuchenqa. Tukukoyqa usqhayllata chayamonqa, uj apaj mayu jina. Chay tukukuykama kallanqapuni maqanakuy t'unanakuypis, imaynachus nisqa kasqanman jina.

Hechos 2:23

Payqa entregasqa karqa Diospa munaynimpi wakichisqa kasqanman jina. Chaytaqa Dios ñaupajmantapacha yacharqa. Qankunataj paytaqa, juchasapa runaswan cruzpi chakatachispa, wañucherqankichej.

Daniel (hebreo) 9:24

Aylluyki, ajllasqa llajtaykipis, kayta yachachunku: Qanchis chunka semanas pasananku tiyan, Diospa contranta sayariykuna, juchallikuypis tukukunampaj; sajra kajta chinkachinapaj, wiñaypajtaj cheqa kajta churanapaj. Mosqoypi jina rikusqasniyki, profetaspa willasqasninku ima junt'akunankupaj, ajllasqa kajtaj jawisqa kanampaj.

Isaías 44:26

Kamachisniypa palabrasninta sut'iman orqhoni. Chay kachasqasniypa yuyasqankuta sut'iman orqhoni. Chaymantaqa noqa nini Jerusalenqa runa junt'ayoj kananta. Jinallataj Judá jallp'aj llajtasnimpis, watejmanta ruwasqas kanqanku, urmasqa raqaykunasninkutapis watejmanta sayarichisaj.

Génesis 3:15

Qantawan warmitawan chejninachisqaykichej. Jinallataj mirayniykiwan mirayninwampis chejninakonqanku. Miraynin umaykita saronqa, qantaj chaki talonninmanta khaninki.

San Mateo 21:42

Jesustaj nerqa: Manachu jayk'ajpis Escriturapi leerqankichej? Ajinata nin: Wasi ruwajkunaj qhesachasqanku rumeqa, aswan sumaj wasi esquina rumi kapun. Chaytaqa Señor ruwasqa t'ukunanchejpaj jina.