San Mateo 26:28 - Qheshwa Biblia DC

²⁸ Kayqa [mosoj] tratomanta yawarniy, chaytaj jich'asqa kanqa, ashkha runaspa juchasnin pampachasqa kanampaj.

DIOSPA QHELQACHISQAN DEUTEROCANONICAL

²⁸ Kaymin yawarneyqa, chaywantaj Diosqa qankunawan mosoj tratota ruwan, chaytaj jich'asqa kanqa ashkha runaj juchanku pampachasqa kananpaj.

DIOSPA QHELQACHISQ

²⁸ Kaymin yawarneyqa, chaywantaj Diosqa qankunawan mosoj tratota ruwan, chaytaj jich'asqa kanqa ashkha runaj juchanku pampachasqa kananpaj.

Quechua South Bolivia: Dios Parlapawanchej

²⁸ Cay ujyanaka yawarniy ninacun. Jich'aska canka Diospa mosoj traton atiyniyoj cananpaj. Chayraycu causayniyta churani ashqha runaspa juchasnincuta wiñaypaj khechunaypaj.

San Mateo 26:28 Referans Kwoze

Levítico 17:11

Imaraykuchus tukuy kausajpataqa yawarnimpi kausaynin kashan. Noqa kamachiykichej yawarta altarman ch'ajchumunaykichejta juchasniykichej perdonasqa kanampaj. Yawarqa kausaymin, chaynejta juchasqa pampachasqas kanku.

San Mateo 20:28

Runaj Churenqa mana sirvichikojchu jamorqa. Astawampis, payqa jamorqa runata sirvej, kausaynintataj qoj; ashkha runa salvasqa kanampaj.

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa jatun llakiymanta jamojkuna kanku. P'achasninkuta t'ajsarqanku, Corderoj yawarnimpitaj yurajyacherqanku.

1 Corintios 11:25

Ajinallatataj cenaytawankama, copata jap'ispa nerqa: Kay copaqa mosoj tratomin, yawarniypi ruwasqa; sapa kuti ujyaspa, Señormanta yuyarikuspa ruwankichej.

1 Juan 2:2

Jesucristoqa wañorqa juchasninchejta pampachanampaj; manataj juchasninchejraykullachu, astawanqa tukuy runaspa juchasninkurayku.

Hebreos 13:20

Sonqo tiyachej Diosqa, pichus wañusqakunamanta kausarichimorqa Señorninchej Jesucristota, ovejaspa jatun michejninta, wiñay tratoj yawarnimpi, tukuy ima allin ruwaypi qankunata wakichichun, paypa munayninta ruwanaykichejpaj. Ajinata qankunapi pay ruwachun imachus ñaupaqempi allin kajta Jesucristonejta. Payman janaj pacha k'anchay kachun, wiñaypa wiñayninkama. Amén.

Hebreos 9:28

Ajinallatataj Cristopis uj kutillata qosqa karqa wañunampaj, ashkha runaspa juchasninkuta apanampaj. Iskay kaj jamuynimpitaj, juchamanta t'aqasqa rikhurimonqa, payta suyajkunaman salvacionta qonampaj.

Efesios 1:7

Paypa yawarninrayku kacharichisqas kanchej. Juchasninchejta pampachan khuyakuyninrayku.

Zacarías 9:11

Kayta nin Señor: Jerusalén, yawarniykipi tratoykirayku, ch'aki pujyumanta wijch'usqa, chay presosniykita noqa orqhosaj.

Colosenses 1:14

Paypi kacharisqas kanchej, juchasninchejtaj pampachasqas kanku.

San Lucas 22:19

Chaymantaqa, t'antata oqharispañataj graciasta qorqa, partispataj paykunaman jaywarqa, nispa: Kayqa cuerpoymin, qankunarayku qosqa. Kayta ruwaychej noqamanta yuyarikuspa.

Colosenses 1:20

Dios munarqa pay kikinwan allinyachiyta tukuy imata Cristonejta, jallp'api kajkunata, jinallataj janaj pachapi kajkunatapis; sonqo tiyakuy kanampaj Jesuspa yawarninrayku, cruzpi wañusqanraykutaj.

Romanos 5:19

Uj runa mana kasukusqanrayku tukuy runakuna juchallikorqanku. Ajinallatataj uj runa kasukusqanrayku, ashkhas cheqan runaspaj qhawasqas karqanku.

Marcos 14:24

Jesustaj paykunaman nerqa: Kaymin yawarneyqa [mosoj] tratomanta; chay yawartaj ashkha runarayku jich'asqa kanqa.

Jeremías 31:31

Señorqa nillantaj: Chaypacha uj p'unchay jamonqa, maypichus Israelwan Judawan ima mosoj tratota ruwasaj.

Apocalipsis 7:9

Kay imaspa qhepanta, ancha ashkha runata rikorqani, mana yupay atinata tukuy llajtamanta, ayllumanta, runasmanta, tukuy parlaykunamantawan. Paykunaqa tronoj ñaupaqempi, Corderoj ñaupaqempi kasharqanku, yuraj p'achaswan p'achallisqas. Palmastataj makisninkupi jap'isharqanku.

Romanos 5:15

Diospa qowasqanchej regaloqa mana jucha jinachu. Sichus uj runaj juchanrayku, ashkhas wañorqanku chayqa, astawanraj ashkhaspaj Diospa khuyakuynenqa, regalontaj yapakorqa, uj runaj khuyakuyninrayku. Chaytaj Jesucristo karqa, qhasilla, tukuypajtaj.

Marcos 1:4

Juanqa bautizasharqa ch'innejpi, willasharqataj Diosman kutirikuy bautismomanta, runaspa juchasninku pampachasqas kanampaj.

San Mateo 6:12

Juchasniykuta pampachapuwayku, imaynatachus noqaykupis juchallikuwajniykuta perdonapuyku ajinata.

San Mateo 26:27

Copata oqharispataj graciasta qollarqataj; paykunamantaj jaywarqa, nispa: Kaymanta tukuyniykichej ujyaychej.

San Mateo 26:29

Kayta niykichej: Kunanmantaqa manaña ujyasajchu kay uvas sach'aj poqoyninmanta vinota; Tataypa reinompi mosoj vinota qankunawan ujyanaykama.

San Lucas 22:20

Jinallatataj, cenaytawankama copata oqharispa nerqa: Kay copaqa yawarniypi mosoj tratomin, qankunarayku jich'asqa kanqa.

Hebreos 10:29

Mashkhatawanraj yuyankichej jasut'isqa kananta chay runa Diospa Churinta saroj, yawar tratontataj millay nej, chaypitaj llimphuchasqa karqa, khuyakoj Espiritupajtaj rimarqa?