San Mateo 25:34 - Qheshwa Biblia DC

³⁴ Chaymantataj Reyqa, pañampi kajkunaman nenqa: Jamuychej Tataypa ajllasqasnin, jap'ikapuychej qankunapaj qallariymantapacha wakichisqa reinota.

DIOSPA QHELQACHISQAN DEUTEROCANONICAL

³⁴ Chantá Kuraj Kamachejqa pañanpi kajkunata nenqa: Jamuychej, qankunaqa Tataypa saminchasqan kankichej. Chayrayku Diospa janaj pacha kamachiyninman yaykuychej, mayqenchus kay pachaj qallariyninmantapacha chayaqeykichejpaj wakichisqa karqa, chayman.

DIOSPA QHELQACHISQ

³⁴ Chantá Kuraj Kamachejqa pañanpi kajkunata nenqa: Jamuychej, qankunaqa Tataypa saminchasqan kankichej. Chayrayku Diospa janaj pacha kamachiyninman yaykuychej, mayqenchus kay pachaj qallariyninmantapacha chayaqeykichejpaj wakichisqa karqa, chayman.

Quechua South Bolivia: Dios Parlapawanchej

³⁴ Chanta noka, Camachej, pañaypi cajcunata nisaj: “Jampuwaychej, Dios Tataypa sumajpaj khawaskasnin. Cay pacha ruwacuymantapacha nokawan cusca kancuna camachinayquichejpaj waquichiska carka. Chayraycu cunan nokawan cusca camachiychej.

San Mateo 25:34 Referans Kwoze

Santiago 2:5

Munasqa hermanosníy, uyariychej kay pachamanta wajchasta. Manachu Dios ajllarqa fepi qhapaj kanankupaj, jap'inankupajtaj reinota chayaqepaj jina, Dios nisqanman jina payta munakojkunaman?

Apocalipsis 21:7

Pichus atipanqa chayqa, tukuy imata chayaqepaj jap'enqa. Noqataj Diosnin kasaj, paytaj waway kanqa.

Apocalipsis 13:8

Tukuy jallp'api tiyakojkunataj payta yupaycharqanku; manataj paykunaj sutinkoqa escribisqachu karqa Corderoj kausaynimpa librompeqa. Corderoqa wañuchisqa karqa kay mundoj qallariyninmantapacha.

San Mateo 20:23

Jesustaj kuticherqa: Arí, atinkichej vasoymanta ujyayta; bautismoywampis bautizakuyta; pañaypi, lloq'eypiwan tiyaykuytaqa mana qoyta atinichu. Chaytaqa Tatallay qoyta atin, pikunapajchus wakicherqa, chaykunaman.

Apocalipsis 17:8

Chay rikusqayki phiña animalqa karqa, manataj kanchu. Ukhu pachamanta wicharimonqa, chinkaymantaj renqa. Jallp'a patapi tiyakojkunataj, pikunaj sutisninkuchus kausay libropi mana escribisqachu kashanku kay mundoj qallariyninmantapacha, phiña animalta rikuspa t'ukonqanku. Chay animaltaj karqa, manataj kanchu, kanqataj.

Hebreos 4:3

Noqanchej creejkunaqa samakuyninman yaykunchej, nisqanman jina. Chayrayku anchata phiñakuspa jurarqani, mana samakuyniyman yaykonqankuchu, nispa. Chaykama, Diospa ruwasqasnenqa tukusqasña karqanku, kay mundota ruwasqanmantapacha.

San Lucas 12:32

Juch'uy tropa ovejasníy, ama manchachikuychejchu, imaraykuchus Tataykichejmanqa allin rijch'an qankunaman reinonta qoy.

Hebreos 11:16

Chaywampis, aswan sumaj llajtata munasharqanku, chay janaj pachapi kajta. Chayrayku Diosqa mana p'enqakunchu paykunaj Diosninku kayta, imaraykuchus paykunapaj uj llajtata wakichiporqa.

1 Corintios 15:50

Kayta niykichej, hermanos: Aychawan, yawarwan ima, mana atinkumanchu Diospa reinonta chayaqepaj jap'iyta, nitaj ima ismoj kajpis atinmanchu chayaqepaj jap'iyta mana ismoj kajta.

San Mateo 25:41

Chantá lloq'empi kajkunamantaj nenqa: Riychej kaymanta, sajra runas, wiñay nina larwayman; mayqenchus wakichisqa kashan supaypaj, chantá angelesnimpaj ima.

Isaías 6:5

Noqataj nerqani: Ay, noqamanta, kunanqa wañusajchari! Kikin ñawisniywan Tukuy Atiyniyoj Señorta rikuni, kay jina ch'ichi simi runa kanaypaj, kay jina ch'ichi parlayniyoj runaspa chaupimpi kashaspa.

Apocalipsis 19:16

P'achampi moqon patanejpi escribisqa sutiyoj karqa: reykunaj Reynin, señorkunaj Señornintaj.

1 Corintios 2:9

Imaynachus escribisqapi kasqanman jina: Imatachus ñawi mana rikorqachu, nitaj ningri uyarerqachu, nillataj sonqonkupi yuyarqankuchu, chaykunatataj Dios wakicherqa payta munakojkunapaj.

San Mateo 25:21

Patronnintaj nerqa: Walejpacha junt'aj kamachi; pisi kajpi qanqa allinta ruwaspa junt'arqanki, kunantaj astawan ashkhata qosqayki, patronniykej kusikuyninmantaj yaykuy.

San Mateo 19:29

Pillapis wasisninta, wauqesninta, panasninta; chayrí tatanta, mamanta, warminta; chayrí wawasninta, jallp'asninta ima, noqaj sutiyrayku saqejqa, tukuy imamanta pachaj kutitawan jap'ikaponqa, wiñay kausaymantaj yaykonqa.

San Mateo 13:35

Profetaj nisqan junt'akunampaj ajinata nerqa: Rijch'anachinaswan simiyta kicharisaj, sut'inchasajtaj pakasqa imasta, kay mundo ruwasqa kasqanmantapacha.

2 Timoteo 2:12

Paywan khuskachus ñak'arisun chayqa, paywan khuskallataj reinopi kamachisunchej. Sichus Cristota qhesachasun chayqa, paypis qhesachallawasuntaj.

1 Corintios 6:9

Manachu yachankichej mana cheqa kajta ruwajkuna, Diospa reinonta chayaqepaj mana jap'inankuta? Ama pantaychejchu, millayta purejkuna, lantista yupaychajkuna, qhenchachakojkuna, qhari kashaspa warmiman rijch'akojkuna, qharipura kakojkuna, ajinallataj suwaspis, mich'aspis, machajkunapis, maldicejkunapis, nitaj ch'aukiyajkunapis Diospa reinontaqa chayaqepaj jap'enqankuchu.

San Mateo 5:19

Pillapis kay kamachiykunamanta aswan juch'uy kajllatapis p'akinman, kikillantataj wajkunamampis yachachinman chayqa, janaj pacha reinopeqa ancha juch'uypaj qhawasqa kanqa. Ajinallatataj pillapis chay kamachiykunata ruwanqa, wajkunamampis maychus kasqanta yachachenqa chayqa, chaymá sumaj jatumpaj qhawasqa kanqa janaj pacha Diospa reinompeqa.

San Mateo 3:2

Nerqataj: Diosman kutirikuychej, imaraykuchus janaj pacha reinoqa qayllapiña kashan.

Sofonías 3:15

Señorqa qhechun contraykipi karqa chay juchachaytaqa. Contrarioyki karqanku chaykunatataj karunchan. Israelpa Señornenqa, Reynintaj qanwan khuska kashan. Mana ima sajrataqa manchachikunaykeqa kanqachu.

Daniel (hebreo) 9:25

Kayta yachay; unanchaytaj: Jerusalén llajta watejmanta ruwakunampaj kamachisqa kanqa chay ratomantapacha. Kamachej Mesías chayamunankamaqa, qanchis semanas kanqa. Chanta Jerusalempa callesnin, muyuynimpi perqasnimpis watejmanta ruwasqas kanankamataj, sojta chunka iskayniyoj semanas kanqa. Chaypachataj manchay llakikuy p'unchaykuna kanqa.

Isaías 33:22

Señorqa cheqanchawajninchej, Señorqa kamachiwajninchej, Señorqa reyninchej. Pay kikinmin salvawasunchej.

Isaías 9:7

Kamachisqanta, chanta sonqo tiyakuyta qosqampis manapuni tukukonqachu Davidpa reinompi, jinallataj paypa reinompipis. Kamachiynenqa sumaj sayasqa kanqa, cheqa kajpi, maychus kajta ruwaypitaj kunanmantapacha wiñaypajtaj. Kaytaqa Tukuy Atiyniyoj Señormin sinch'i munayninrayku ruwanqa.

Salmos 2:6

Sión santo orqoypi, ajllasqayta rey kanampaj jawiniña.

Apocalipsis 5:10

Diosniykupajtaj paykunata reyesta, sacerdotesta ima churarqanki, jallp'a patapi kamachinankupaj.

1 Pedro 1:9

Creesqaykichejpa suyayninta taripaspa, almasniykichejpaj salvacionninta tarinkichej.

Hebreos 9:26

Uj jinamantaqa sapa kutichari, kay jallp'aj qallariyninmantaña pay ñak'arinman karqa; manataj payqa ajinatachu. Kunan uj kutillata, kay p'unchaykunaj tukukuynimpi rikhurimorqa juchata qhechunampaj, pay kikimpa yawarninwan.

2 Timoteo 4:8

Chayrayku, noqapaj kaj pilloqa waqaychasqaña kashan. Chaytataj qowanqa Señor, cheqan kaj juez, jaqay p'unchaypi. Manataj noqallamanchu qowanqa, astawanqa jamunan p'unchayta munakuywan tukuy suyajkunamampis.

1 Tesalonicenses 2:12

Umachajtaj kayku, Diospa wawasnin jina purinaykichejta; payqa wajyasorqachej reinonman, k'anchayninmantaj.

Romanos 8:17

Paypa wawasnin kanchej chayqa, chayaqeyoj kanchej. Diosmanta chayaqeyojña kaspataj, Cristowan khuska chayaketa jap'isunchej. Imaynatachus Cristowan khuska ñak'arinchej chayqa, paywan khuskallataj janaj pacha k'anchaypi wiñaypaj kasunchej.

Hechos 15:18

Ajinata nin Señorqa. Tukuy ruwasqasninta unaymantapachaña rejsicherqa.

Hechos 3:26

Chayrayku Diosqa kamachinta kausarichimuspa, qankunamanraj ñaupajta kachamorqa, bendicisqa kanaykichejpaj, maypachachus sajra kausayniykichejta saqespa Diosman kutirejtiykichej.

San Juan 19:15

Paykunataj qhaparerqanku: Amaña, amaña, cruzpi chakatallayña!, nispa. Pilatotaj paykunaman nerqa: Reyniykichejtachu cruzpi chakatasaj? Kuraj sacerdotestaj kuticherqanku: Mana waj reyniyku kanchu kamachejmanta astawanqa.

San Juan 12:13

Palma ramasta jap'ispa, Jesusta taripaj llojserqanku, qhaparerqankutaj: Kausachun! Yupaychasqa kachun Israelpa Reynin, Señorpa sutimpi jamojqa!

San Juan 1:49

Chaymantataj Natanael nerqa: Maestro, qanqa Diospa Churin kanki, Israelpa Reynin.

San Lucas 11:28

Jesustaj kuticherqa: Diospa palabranta uyarispa kasojkunarajmá aswan kusikuyniyojqa kanqanku.

Marcos 10:40

Pañaypi, lloq'eypitaj qankunata tiyachinayqa, mana noqaj munayniychu. Dioslla chaytaqa qoyta atin, pikunapajchus wakichin chaykunaman.

San Mateo 27:37

Cruzpi, uman patanejman uj escribisqata churarqanku, imamantachus ch'atasqa kasqanta: Kayqa Jesús, Judiospa Reynin.

San Mateo 25:23

Patronnintaj payman nerqa: Walejpacha junt'aj kamachi, pisipi allinta junt'arqanki, kunanqa astawan ashkhata qosqayki; patronniykej kusikuyninmantaj yaykuy.

Efesios 5:5

Kayta yachaychej: Qhenchachakojqa, ch'ichi imasta ruwajqa, lantita yupaychajman rijch'akoj mich'a kajpis, mana chayaqeta jap'enqankuchu Cristojtawan, Diospatawan reinonkupi.

Proverbios 11:17

Pichus khuyakuyniyojqa pay kikimpaj allinta ruwakun; phiña sajra runarí pay kikillampajtaj ima sajratapis ruwakun.

San Mateo 25:40

Reytaj paykunaman kutichenqa: Cheqamanta niykichej, imallatapis chay juch'uy ujnin kaj wauqeypaj ruwarqankichej chayqa; noqa kikiypaj ruwarqankichej.

Marcos 10:17

Jesús, ñanman llojsishajtinña, uj runa usqhayllata jamorqa; Jesuspa ñaupaqenman qonqoriykukuspataj, payta taporqa: K'acha maestro, imata ruwaspataj wiñay kausayta tariyman?

San Lucas 11:50

Kay runaj mirayninmanta tukuy profetaspa yawarnin mañasqa kanqa, mayqenkunachus mundoj qallariyninmantapacha jich'arqanku, chayta; Abelpa yawarninmantapacha, Zacariaspa yawarninkama; pitachus templopi wañucherqanku altarnejpi. Arí niykichej, kay runaj mirayninmanta chay yawar mañasqa kanqa.

San Juan 17:24

Tatáy, munani qowasqayki yachachisqasqa, maypichus noqa kashani, chaypi noqawan kanankuta. Janaj pacha k'anchayta qowasqaykitapis rikunankupaj. Kay mundo manaraj ruwasqa kashajtin, munakuwarqankiña.

Hebreos 1:14

Manachu tukuynin espíritus kamachis kanku, Diospa kachamusqasnin, salvacionta chayaqepaj jap'ejkunata yanapanankupaj?