San Mateo 24:31 - Qheshwa Biblia DC

³¹ Angelesnintataj kachamonqa, cornetata sinch'ita waqachispa, tukuy ajllasqasninta tantanankupaj, mundoj tawantin cheqamanta, uj cantonmanta, ujnin cantonkama.

DIOSPA QHELQACHISQAN DEUTEROCANONICAL

³¹ Noqataj angelniykunata kachamusaj, trompetata sinch'ita waqachispa. Paykunataj tukuy ajllasqaykunata tantanqanku kay pachaj ujnin k'uchunmantapacha, janajpa ujnin kantunkama.

DIOSPA QHELQACHISQ

³¹ Noqataj angelniykunata kachamusaj, trompetata sinch'ita waqachispa. Paykunataj tukuy ajllasqaykunata tantanqanku kay pachaj ujnin k'uchunmantapacha, janajpa ujnin kantunkama.

Quechua South Bolivia: Dios Parlapawanchej

³¹ Nokataj may sinch'i wakaj pututusniyoj angelesniyta cachamusaj. Paycunataj ajllacuskasniyta tucuy cay pacha kayllamanta carumantapis tantayconkancu.

San Mateo 24:31 Referans Kwoze

1 Tesalonicenses 4:16

Kikin Señorpuni kamachej qhapariywan, arcangelpa qhaparisqanwan, Diospa pututunwantaj janaj pachamanta uraykamonqa, Cristopi wañojkunataj ñaupajta kausarimonqanku.

Marcos 13:27

Paytaj angelesninta kachamonqa mundoj tawantin cheqamanta tantanankupaj Diospa ajllasqasninta; jallp'aj cantonmanta ujnin cantonkama.

Isaías 27:13

Chaypacha putututa jatunmanta waqachenqanku, chayta uyariytawan Asiriaman wijch'usqa kajkuna jamonqanku, jinallataj Egiptopi kajkunapis. Chayamuspataj Jerusalempi Santo orqopi Señorta yupaychanqanku.

Isaías 11:12

Señorqa nacionespaj uj señalta oqharenqa, wijch'usqa israelitastataj ujllaman tantaykonqa. Judamanta ch'eqerasqas kajkunatataj tukuy mundontinmanta tantamonqa.

San Mateo 13:41

Runaj Churin kachamonqa angelesninta, orqhonampaj reinonmanta, juchaman misk'achej tukuy runasta juchasapastawan. Nina hornomantaj enqhaykonqanku; chaypitaj manchay waqay, kiru k'arukuytaj kanqa.

2 Tesalonicenses 2:1

Kunanqa, hermanos, mañakuyku Señorninchej Jesucristoj jamuyninmanta, paywan tantakunanchejmantawan, ama yuyayniykichejta usqhayllata kuyuchinaykichejta, nitaj musphanaykichejta, ni ima espiriturayku, ni ima parlayrayku, nitaj ni ima cartarayku, noqaykojpatapis kanman jina, Señorpa p'unchayninñapis ancha qayllapiña kashanman jina.

Efesios 1:10

Cristopi tukuy imata tantayta munarqa, churasqa p'unchaykuna junt'akojtinku, janaj pachapi kajkunata, jinallataj kay pachapi kajkunatapis.

San Juan 11:52

Mana chay ayllunraykullachu wañunan karqa, astawanqa, Diospa wawasnin tukuynejpi ch'eqerasqas kajkunata ujllaman tantaykunampaj.

San Mateo 25:31

Maypachachus Runaj Churenqa, Rey jina k'anchaynimpi, tukuy angelesninwan jamonqa, chaypacha lliphipej tronompi tiyaykukonqa.

Isaías 45:22

Noqaman jamuychej tukuy jallp'api tiyajkuna. Noqamin Diosqa kani. Noqa salvasqaykichej. Mana astawan wajqa kanchu.

Isaías 43:6

Patanejpi kaj nacionta nisaj kutichipuy, runasniyta. Uranejpi kaj naciontapis nisaj: Ama jap'ikuyñachu, nispa. Kacharipuway qhari wawasniyta, warmi wawasniytawan, kay pachaj k'uchusninmantapacha.

Salmos 22:27

Tukuy laya runas, tukuy llajtas, tukuy kay pachamanta runas, Señormanta yuyarikuychej, payman jamuychej, qonqorikuychejtaj ñaupaqempi.

Zacarías 2:6

Noqa Señorniykichej nillaykichejtaj: Noqamin qankunata tukuynejman ch'eqeracherqaykichej. Kunantaj niykichej: Usqhayta ayqekuychej jaqay uray llajtamanta. Sión orqopi tiyakorqankichej, kunantaj maypichus wijch'usqas kashankichej chay Babiloniamanta ayqellaychejtaj. Noqa Señormin kayta nini.

Isaías 60:4

Muyuyniykita qhawarikuy. Kaykunaqa ujllaman tantaykukuspa qanman kutimpusunku. Wawasniykeqa karu llajtasmanta jamusunku, warmi wawasniykitapis mark'api apampushanku.

Isaías 49:18

Umaykita oqharispa muyuyniykita qhawariy; runasniyki tukuynejmanta tantaykukuspa jamusunku. Señorqa nin: Noqa kausayniyrayku nini. Chay tukuyninkuwan qanqa novia p'achaswan jina sumajta p'achallikunki, chaykunawantaj sumaj k'achanchasqa kanki.

Isaías 13:5

Chaykunaqa karu llajtasmanta jamunku, kay pachaj tukukuyninmantapacha. Chaykunaqa Señorpa kachamusqasnin kanku, Señorpa k'ajaj phiñakuyninwan tukuynin jallp'ata tukuchinankupaj.

Apocalipsis 7:1

Kay imas qhepata rikorqani tawa angelesta, jallp'aj tawantin cantompi sayashajta. Paykunataj jallp'aj tawantin wayrasta jark'asharqanku, ama ima wayra jallp'a pataman wayramunampaj, nitaj mar qocha pataman, nitaj ima sach'a patamampis.

Zacarías 9:14

Señor ayllunman rikuchikonqa, flechasnintataj kacharenqa lliuj q'ajkunasta jina. Señor Dios putututa waqachispa, muyoj wayras chaupipi sur lado ñaupajman rirenqa.

Apocalipsis 8:2

Rikorqanitaj Diospa ñaupaqempi qanchis angelesta sayashajta. Paykunamantaj qanchis pututus qosqa karqa.

Romanos 10:18

Chanta nini: Manachu uyarerqanku? Arí, uyarerqankupuni, imaraykuchus paykunaj willasqankoqa tukuynejman chayarqa, kay pachaj cantosninkama.

San Mateo 28:18

Jesustaj qayllaykuspa, paykunata parlapayarqa: Noqa tukuy atiyniyoj kani, janaj pachapi, kay pachapipis.

San Mateo 24:22

Chay p'unchaykunachus mana pisiyachisqas kankuman karqa chayqa, mana pipis salvasqachu kanman. Ajllasqasraykutaj chay p'unchaykuna pisiyachisqas kanqanku.

Zacarías 14:5

Qankunarí ayqenkichej, chay orqos chaupipi kanqa chay vallenejta chayaspa chay uj ladopi kashan chay Azalkama. Ayqenkichej qankunapis ñaupa tatasniykichej, maypachachus rey Uzías Judapi kamachishajtin jallp'a ikhakuy kajtin, ayqerqanku ajinata. Chaypachamin jamonqa Señor Diosneyqa tukuy payta qhatejkunawan khuska.

Isaías 42:10

Uj mosoj takiyta Señorman takiychej. Tukuynin jallp'aj tukukuyninmantapacha payta yupaychaychej, mar qochapi purejkuna, chay qochapi animales kajkuna ima, qocha chaupipi kaj churu llajtas, chay llajtaspi tiyakojkuna ima.

Salmos 81:3

Putututa waqachiychej mosoj killa chayamojtin, jinallatajpura kajtimpis, chay diaqa jatun p'unchayninchej.

Salmos 67:7

Dios bendiciwasun. Diosninchejta tukuy kay pachapi kajkuna yupaychachunku.

Apocalipsis 11:15

Qanchis kaj angeltaj trompetata waqacherqa. Janaj pachapitaj sinch'i parlaykuna uyarikorqa, nispa: Kay pachapi reinosqa Señorninchejpataña kanku, Cristompatawan. Paytaj wiñay wiñaypaj kamachenqa.

San Lucas 24:47

Sutimpitaj willakunan tiyan Diosman kutirinamanta; juchas pampachasqas kanankuta tukuynejpi, Jerusalenmanta qallarispa.

Zacarías 9:10

Paymin Efraimpa carrosninta phirenqa, Jerusalempa caballosninta chantá maqanakupi k'uru k'aspisninkutapis. Paymin tukuy llajtakunaman kusiy kausaymanta willaranqa, kamachenqataj uj mar qochamanta uj mar qochakama, Eufrates mayumanta kay pachaj waj k'uchunkama.

Apocalipsis 1:20

Pakasqa yachacheyqa chay qanchis qoyllurkunamanta, paña makiypi rikusqayki chay qanchis k'anchachinasmantawanqa, kay jina: Qanchis qoyllurkunaqa, qanchis iglesiaspa angelesnin; qanchis k'anchachinas rikusqaykitaj, qanchis iglesias kanku.

Éxodo 19:16

Minchhantin sut'iyamuyta rikhurimorqa lliuj lliujkuna, qhon qhonkuna, uj yanayarishaj phuyutaj orqoman tiyaykamorqa. Uj pututoj waqayninta sinch'ita waqaspa tukuypa jarasninman uyaricherqa mancharikunata jina.

Deuteronomio 4:32

Tapukuychej imaynachus karqa qankunamanta aswan ñaupa tiempospi, Dios kay mundopi runata ruwarqa chaymantapacha. Tapukuychejtaj tukuynejpi, mayllapipis karqachu, yachakorqatajchu, kay jina jatun imasqa?

Zacarías 6:5

Angeltaj kutichiwarqa: Chaykunaqa tawa wayras kanku, Señorpa ñaupaqenmanta tukuy jallp'aman llojsejkuna.

San Mateo 24:24

Ashkhas jamonqanku, noqa Cristo kani, chayrí profeta kani, nispa. Llullakuspataj jatuchaj señalesta, milagrosta ima ruwanqanku. Chaywantaj tukuyta pantachenqanku; atinkuman chayqa ajllasqasnintinta.

San Mateo 24:32

Higo sach'amanta rijch'anachinata yachakuychej: Ramasnin q'omeryaspa laqhesnin q'erqeshajtin, yachankichej q'oñi tiempoña kasqanta.

Hebreos 12:19

Nillataj uyarerqankichejchu pututoj waqaynintapis, nitaj Diospa parlamusqantapis. Chaykunata uyarejkunaqa mañakorqanku amaña paykunaman parlamunanta.