San Mateo 24:30 - Qheshwa Biblia DC

³⁰ Chaypachataj Runaj Churimpa señalnin janaj pachapi rikhurenqa; tukuy kay pachapi ayllustaj waqanqanku. Runaj Churintataj cielo phuyus patapi jamushajta rikonqanku; tukuy atiyninwan, lliphipiyninwan ima.

DIOSPA QHELQACHISQAN DEUTEROCANONICAL

³⁰ Chaypacha Runaj Churinpa jamuyninmanta señal janajpi rikhurimonqa. Jinapitaj tukuy kay pachapi ayllukuna mayta manchachikuspa, waqanqanku. Chantá paykuna Runaj Churinta janaj pachamanta phuyu patapi jamushajta rikuwanqanku, jatun atiywan, jatun kayniypa lliphipiyninwan ima.

DIOSPA QHELQACHISQ

³⁰ Chaypacha Runaj Churinpa jamuyninmanta señal janajpi rikhurimonqa. Jinapitaj tukuy kay pachapi ayllukuna mayta manchachikuspa, waqanqanku. Chantá paykuna Runaj Churinta janaj pachamanta phuyu patapi jamushajta rikuwanqanku, jatun atiywan, jatun kayniypa lliphipiyninwan ima.

Quechua South Bolivia: Dios Parlapawanchej

³⁰ Chanta noka, Diospa cachaska Runan, jatun ricuchinayta janaj pachapi ricuchisaj. Chaypachatajmin cay pacha tucuy ayllusmanta runaska pechoncuta tacacuspa wakankancu. Ñokataj atiywan may lliphipej c'anchaywantaj jamusaj. Runastaj ajinata janaj pachamanta phuyu patapi cutimushajta ricuwankancu.

San Mateo 24:30 Referans Kwoze

Apocalipsis 1:7

Qhawaychej, Cristo phuyuswan jamushan, tukuy ñawitaj payta rikonqa, jinallataj payta t'ojsejkunapis; tukuy ayllustaj paymanta manchayta waqanqanku. Arí. Amén.

Daniel (hebreo) 7:13

Noqa qhawashallarqanipuni chay mosqoypi jina rikhurejkunata tutapi. Rikorqani phuyus chaupipi jamojta; uj runaman rijch'akojta. Paytaj rerqa maypichus Anciano kasharqa chayman, paymantaj qayllaykucherqanku.

Hechos 1:11

Paykunamantaj nerqanku: Galileokuna, imaraykutaj patata qhawaspallapuni kankichejri? Kay kikin Jesús, imaynatachus qankuna ukhumanta janaj pachaman ripun, ajinallatataj ujtawan kutirimonqa, imaynatachus ripojta rikunkichej ajinata.

San Mateo 26:64

Jesustaj kuticherqa: Qan ninki. Astawanqa niykichej: Kunanmantapacha Runaj Churinta rikunkichej, atiyniyoj Diospa pañampi tiyashajta, cielo phuyuspitaj jamushajta.

San Lucas 21:27

Chaypacha rikonqanku Runaj Churinta phuyupi, manchay atiywan, jatun k'anchayninwantaj uraykamushajta.

San Mateo 24:3

Olivos orqopi Jesús tiyakushajtin, yachachisqasnin qayllaykuspa, sapallampi taporqanku, nispa: Niwayku, mayk'ajtaj kay imas kanqa? Ima señaltataj rikuchiwasqayku kutimunaykimanta, kay mundoj tukukuyninmantawan?

Zacarías 12:10

Davidpa mirayninman, jinataj Jerusalempi tiyakojkunaman khuyakoj Espirituyta qosaj. Diosmanta mañakoj Espirituytataj qosaj. Jinamantaraj qhawarenqanku pitachus t'ojsinawan wañucherqanku chayta, may jinatataj llakikonqanku, waqanqankutaj Paymanta imaynatachus uj k'ata kuraj wawanku wañojtin waqanku ajinata.

2 Tesalonicenses 1:7

Qankunamantaj, pikunachus llakisqas kashankichej chaykunaman, noqaykumanwan khuska samarikuyta qosonqachej; janaj pachamanta Señor Jesús atiynimpi, angelesninwan rikhurimojtin.

Marcos 13:26

Chaypacha Runaj Churinta rikonqanku phuyupi jamushajta, jatun atiywan, k'anchaywan ima.

San Lucas 22:69

Chaywampis, kunanmantapacha Runaj Churenqa tiyaykukonqa, jatun atiyniyoj Diospa pañanman.

Zacarías 12:11

Jerusalempeqa manchay llakiy waqaykunas kanqa, imaynatachus chay Hadad-rimen dioskunasninmanta Meguido pampaspi llakiy waqaykunasta ruwanku jinata.

San Mateo 24:37

Imaynachus, Noejpa tiempompi karqa, ajinallataj Runaj Churimpa jamuynin kanqa.

San Mateo 24:39

Paykunaqa mana unancharqankuchu, jatun para jamunankama, tukuyninkutataj chinkacherqa. Ajinallataj kanqa Runaj Churimpa jamuynimpis.

Apocalipsis 12:1

Uj jatun señaltaj janaj pachapi rikhurerqa. Intiwan p'achallisqa warmi, killataj chakisnin urapi, uman patapitaj uj pillu chunka iskayniyoj qoyllurkunayoj.