San Mateo 24:21 - Qheshwa Biblia DC

²¹ Chaypacha manchay ñak'ariy kanqa; chaytaj mundo qallarikusqanmantapacha, manaraj chay jina karqachu, nitaj jayk'ajpis kanqachu.

DIOSPA QHELQACHISQAN DEUTEROCANONICAL

²¹ Chay jina llakeyqa mana jayk'ajpis karqachu, Dios kay pachata ruwasqanmantapacha kunankama, nillataj qhepamanpis kanqachu.

DIOSPA QHELQACHISQ

²¹ Chay jina llakeyqa mana jayk'ajpis karqachu, Dios kay pachata ruwasqanmantapacha kunankama, nillataj qhepamanpis kanqachu.

Quechua South Bolivia: Dios Parlapawanchej

²¹ Imaraycuchus chay p'unchaycunapi manchay ñac'ariy canka. Cay pachaj kallaricuyninmanta cunancama mana carkachu chayjina ñac'ariyka nitaj jayc'ajpis cankachu.

San Mateo 24:21 Referans Kwoze

Daniel (hebreo) 12:1

Chaypacha aylluykita qhawaj kuraj ángel Miguelqa rikhurimonqa. Chaypachataj may llakiy kanqa. Chay jinaqa manapuni jayk'ajpis karqachu runas kasqankumantapacha. Chay tiempo chayamojtintaj aylluykimantaqa libropi sutisnin qelqasqa kajkunalla salvasqas kanqanku.

Joel 2:2

Chay p'unchayqa tuta, laqhataj. Phuyusqa p'unchay, llanthusqataj kanqa. May atiyniyoj, yupay mana atinataj orqos pataman mast'alla junt'aykamunku, sut'iyayta jina k'ancharispa. Chayman rijch'akojqa mana jayk'ajpis karqachu, nitaj jayk'ajpis kanqañachu.

Malaquías 4:1

Tukuy Atiyniyoj Señorqa nin: Horno jina lauraj p'unchay qayllamushan, mayqempichus tukuy jatunchakojkuna, tukuynin sajra runastaj ichhu jina ruphanqanku. Chay jamoj p'unchaypi paykunata tukuyninkuta q'olanqa, nitaj imapis chaypacha paykunamanta puchonqachu.

San Lucas 21:24

Wakenqa guerrapi wañuranqanku; wakintataj presochasqasta apanqanku tukuy nacionesman. Gentilestaj Jerusalenta saruranqanku, paykunaj p'unchayninku junt'akunankama.

1 Tesalonicenses 2:16

Paykunaqa jark'awayku gentilesman evangeliota willanaykuta salvasqas kanankupaj. Juchankoqa tupuman junt'aykunña, phiñakuytaj patankuman jamushanña, wiñaypaj jasut'isqas kanankupaj.

San Mateo 24:29

Ñak'ariy tiempo tukukojtintaj, inti laqhayaykaponqa; killapis manaña k'anchanqachu, qoyllurkunataj urmaramonqanku; janaj pacha atiykunataj kuyurenqanku.

Joel 1:2

Kurajkuna kaytaqa allinta uyariychej, jinallataj qankunapis kay llajtapi tiyakojkuna. Qankuna rikorqankichejchu jayk'ajpis kayman rijch'akojta? Tatasniykichejqa tiemponkupi kayman rijch'akojta rikojchu kanku?

Marcos 13:9

Chayrayku qankuna sumajta qhawakuychej; imaraykuchus, jap'ichispa juntasninkuman pusasonqachej, sinagogaspitaj jasut'isonqachej. Noqarayku kuraj kamachejkunaman, reyesman ima pusasonqachej; noqamantataj parlankichej paykuna yachanankupaj.

Daniel (hebreo) 9:26

Sojta chunka iskayniyoj semanas qhepata chay Mesiasta wañuchenqanku. Uj rey jamuspa, Jerusalén llajtata, jinallataj templotapis runasninwan t'unaykuchenqa. Tukukoyqa usqhayllata chayamonqa, uj apaj mayu jina. Chay tukukuykama kallanqapuni maqanakuy t'unanakuypis, imaynachus nisqa kasqanman jina.

Ezequiel 5:9

Mana jayk'aj ruwasqayta qanwan ruwasaj, nitaj ujtawampis ruwasajñachu. Chay tukuy ruwasqasniykeqa millachikunapaj jina kanku.

San Mateo 24:20

Diosmanta mañakuychej ari, ama chiri tiempopi ayqenaykichej kanampaj, nitaj samakuna p'unchaypipis.

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa jatun llakiymanta jamojkuna kanku. P'achasninkuta t'ajsarqanku, Corderoj yawarnimpitaj yurajyacherqanku.

Apocalipsis 16:18

Chaypacha, lliuj lliujkuna, qhapariykuna, qhon qhonkuna karqanku. Jallp'aj manchay ikhakuynin karqa; chay jinataqa mana jayk'ajpis jallp'a kuyuykacharqachu, runas kay pachapi kasqankumantapacha.