San Mateo 23:37 - Qheshwa Biblia DC

³⁷ Jerusalén, Jerusalén, profetasta wañuchej, qanman kachamusqastapis rumiswan ch'anqaj! Mashkha kutitachus wawasniykita tantayta munarqani, imaynatachus wallpa chillwisninta lijrasnin uraman tantaykun ajinata, qantaj mana munarqankichu.

DIOSPA QHELQACHISQAN DEUTEROCANONICAL

³⁷ Jesús nillarqataj: Ay Jerusalén, qanqa Diosmanta sut'inchajkunata wañuchej llajta kanki. Qanman Diospa kachamusqankunatapis rumiwan ch'anqaykuspa, wañuchillankitaj. Noqa mashkha kutitachus wawaykikunata tantayta munarqani, imaynatachus wallpa chillwinkunata lijran uraman tantaykun, ajinata. Qantajrí mana munarqankichu.

DIOSPA QHELQACHISQ

³⁷ Jesús nillarqataj: Ay Jerusalén, qanqa Diosmanta sut'inchajkunata wañuchej llajta kanki. Qanman Diospa kachamusqankunatapis rumiwan ch'anqaykuspa, wañuchillankitaj. Noqa mashkha kutitachus wawaykikunata tantayta munarqani, imaynatachus wallpa chillwinkunata lijran uraman tantaykun, ajinata. Qantajrí mana munarqankichu.

Quechua South Bolivia: Dios Parlapawanchej

³⁷ ‘¡Mayta phuticuni kancuna Jerusalénpi tiyacojcunamanta! Unaymantapacha Diospa willajcunanta wañuchejcuna canquichej, cachasninta ch'ankajcunapis. Imaynatachus wallpaka chillwisninta phurusnin uraman tantan, ajinallatataj nokapis ashqha cutista kancunata nokaman tantamuyta munarkayquichej. Kancunarí mana munarkanquichejchu.

San Mateo 23:37 Referans Kwoze

Salmos 91:4

Lijrasninwan qhataykusonqa; chay urapi sumaj pakasqa kanki, cheqa kaynintaj jark'asonqa.

Salmos 17:8

Ñawiykipis kayman jina waqaychaway. Lijraykej urampi pakaykuwan.

Salmos 36:7

May sumajpuni munakuyniykeqa, Señor. Runasta lijrasniyki urapi pakakuyta mask'anku.

Nehemías 9:26

Chaywampis mana kasukojkuna karqanku, contraykipi oqharikorqanku, leyniykitataj qhesacharqanku. Chantaqa profetasniykita wañucherqanku sut'inta ch'ataykuspa, qanman kutirikamunankuta willasqankurayku. May millaytataj contraykipi juchallerqanku.

Salmos 63:7

Qan kanki ari yanapawajqa. Lijrasniyki urapi kusisqa kakuni.

Jeremías 35:15

Kamacherqaykichej qhepampi qhepampi, tukuy kamachisniy profetasta ninasuykichejpaj: Jucha ruwaykunasta, millay ruwaykunastapis saqeychej. Ama waj dioskunaj qhepanta ripuychejchu, nillataj yupaychaychejchu, jinamanta qankunaman, jinataj ñaupa tatasniykichejmampis qosqay jallp'api tiyakullankichejpuni. Jinapis qankunaqa mana kasuwarqankichejchu, nitaj nisqasniyta junt'arqankichejchu.

San Mateo 23:30

Ninkichejtaj: Sichus ñaupa tatasninchejpa p'unchaynimpi kausasunman karqa chayqa, profetasta wañuchiyta mana yanapasunmanchu karqa.

San Mateo 22:3

Kamachisninta kacharqa, jatun mikhuyman wajyasqasta pusamojta, paykunataj mana jamuyta munarqankuchu.

San Mateo 5:12

Kusikuychej jatun kusiywan, imaraykuchus jatunmin janaj pachapi t'inkaykichejqa. Ajinallatataj qankunamanta ñaupajta jamoj profetastapis, chejnispa ñak'aricherqanku.

Oseas 11:2

Noqa payta astawan wajyasqayrayku, astawan pay noqamanta t'aqakapushawarqa. Aylloyqa jaywasharqa rikuchikusninta qhasi llulla dioskunallaman, inciensostataj q'osñichisharqa lantisman.

Salmos 57:1

Khuyakuway noqamanta, Diosníy. Khuyakullaway. Qampi pakakuyta mask'ani. Lijrasniyki urapi pakakuyta munani, chay jina llakiy pasanankama.

1 Tesalonicenses 2:15

Paykunaqa Señor Jesusta wañucherqanku, jinallatataj profetasninkutapis. Noqaykutataj qhatiykachawarqayku. Chayrayku Diosta phiñachinku, tukuy runakunaj contrampitaj kashanku.

Jeremías 44:4

Kutin kutinta kamachisniy profetasta qankunaman kachamorqaykichej willanasuykichejpaj millachikuni chaykunata amaña ruwanaykichejpaj.

San Mateo 22:6

Wakinkunataj, reypa kachasninta jap'ispa maqarqanku, wañucherqankutaj.

Zacarías 1:4

Ama ñaupa tatasniykichej jinachu ruwaychej. Paykunaman Diospa ñaupa profetasnin parlarqanku noqaj sutiypi: Saqeychej sajra puriyta t'aqakuychejtaj chay millay ruwaykunamanta, noqa Señor kayta niykichej. Paykunataj mana uyariwarqankutaj nitaj nisqayta kasuwarqankuchu.

Oseas 11:7

Israel aylloyqa noqamanta karullapipuni kayta munashan. Mayta oqharerqanku pataman, ni pipis paykunata yanapanchu.

Jeremías 26:23

Chaykunataj Uriasta Egiptomanta orqhomorqanku, rey Joacimmantaj aparqanku, paytaj wañuchinankuta kamacherqa, ayantataj ima jusk'ullamampis wijch'uykunankuta kamacherqa.

Jeremías 6:8

Allinta reparakuy, Jerusalén, mana t'aqakusunayta, munaspaqa ch'in pampaman, mana uj runayojmantaj tukunaykipaj.

Jeremías 4:14

Jerusalén, sonqoykimanta sajra imasta llimphuchakuy, jinamanta salvasqa kanaykipaj. Mayk'ajkamataj umaykita muyuchikunki chay sajra yuyaykunawanri?

Jeremías 2:30

Qhasillata wawasniykichejta jasut'erqani, yachachiykunasta paykunaqa mana kasuyta munarqankuchu. Kikin qankuna millay phiña leones jina, profetasniykichejta wañucherqankichej.

Isaías 50:2

Imaraykutaj jamuspaqa mana pitapis tariparqanichuri, wajyashajtiypis mana pipis uyariwarqachuri? Ima kajtimpis chaymanta orqhonaypaj makeyqa p'akisqachu karqa? Manañachu atiyneyqa kasqa paykunata orqhonaypaj? Ujta k'amispa mar qochasta ch'akichini; chaypi kaj challwaspi yakumanta jina wañuraspa asnanankupaj.

Apocalipsis 17:6

Rikorqanitaj chay warmita ajllasqaspa yawarninwan, Jesuspa testigosnimpa yawarninwan ima machasqata. Payta rikuspataj maytapuni t'ukorqani.

San Lucas 15:28

Chantaqa pay phiñakorqa, manataj wasinman yaykuyta munarqachu. Tatantaj llojsimuspa mayta nerqa yaykunanta.

Isaías 5:4

Imatawantaj ruwanay kanman karqa uvas sach'asniytari? Manachu allinta plantarqani? Noqaqa suyarqani uvasniy sumajta poqonanta. Imajtintaj k'allku uvasllata poqonri?

Jeremías 32:31

Kay llajtaqa ruwakusqanmantapacha kunan p'unchaykama k'arajta phiñachillawampuni. Chayraykumin paykunata ñaupaqeymanta chinkarichisaj, tukuy sajra ruwasqasninkuwan phiñachiwasqankumanta, Israel aylluta, Judá ayllutapis, jinallataj reykunasninkuta, sacerdotesninkuta, profetasninkuta, Judapi, Jerusalempiwan chay tukuy tiyakojkunatapis.

Jeremías 36:26

Manachayqa reypa ayllun Jerameelta, Azrielpa wawan Seraiasta, Abdeelpa wawan Selemiasta ima kamacherqa jap'ispa presochanankuta Jeremiasta, qelqerin Baructawan. Señortaj paykunata pakaykorqa.

Oseas 7:13

Ay paykunamanta, noqamanta t'aqakuwasqankurayku! Phirichikonqankuraj contrayta oqharikusqankurayku. Munani paykunata salvayta, jinapis paykunaqa contraypi llullasta parlanku.

San Mateo 23:31

Chay nisqaykichejwanqa qankunallataj willakunkichej, profetasta wañuchejkunaj wawasnin kasqaykichejta.