San Mateo 23:35 - Qheshwa Biblia DC

³⁵ Mana juchayojkunaj yawarnin, kay jallp'a patapi jich'akusqan qankunaj pataykichejman jamonqa, cheqan kaj Abelpa yawarninmantapacha, Zacariaspa yawarninkama, pichus Berequiaspa wawan karqa. Paytaqa templopi, altar qayllapi wañucherqankichej.

DIOSPA QHELQACHISQAN DEUTEROCANONICAL

³⁵ Ajinata qankuna juchachasqa kankichej tukuy mana juchayojkuna wañuchisqa kasqankumanta, Abel wañuchisqa kasqanmantapacha, Berequiaspa churin Zacariaskama, pitachus Temploj pationpi altar qayllapi wañucherqankichej, chaykama.

DIOSPA QHELQACHISQ

³⁵ Ajinata qankuna juchachasqa kankichej tukuy mana juchayojkuna wañuchisqa kasqankumanta, Abel wañuchisqa kasqanmantapacha, Berequiaspa churin Zacariaskama, pitachus Temploj pationpi altar qayllapi wañucherqankichej, chaykama.

Quechua South Bolivia: Dios Parlapawanchej

³⁵ Ajinapi juchachaskas canquichej tucuy mana juchancumanta wañuchiskas cajcunamanta Abelmanta Berequiaspa wawan Zacariascama. Payta kancunaj tatasniyquichej wañucherkancu yupaychana-wasipi jaywana churana kayllapi.

San Mateo 23:35 Referans Kwoze

Zacarías 1:1

Rey Daríoj iskay wata kaj kamachiynimpi, pusaj killampi Señor parlaykorqa Berequías, Idoj allchhin profeta Zacariasman, nispa:

Hebreos 11:4

Creespa Abelpis aswan allin uywa wañuchisqata Diosman qorqa Cainmanta nisqaqa. Chaywantaj Dios rejsichej allin kasqanta. Diospis Abel rikuchikusta jaywasqanrayku, allinta paymanta willarqa; feninraykutaj wañusqapis chayta parlashallanrajpuni.

Génesis 4:8

Uj kuti Caenqa Abelta pusarqa, jaku campoman, nispa. Chay campopi kashaspataj, Caenqa wauqen Abelta maqayta qallarerqa wañuchinankama.

Apocalipsis 18:24

Chay llajtapi tarikorqa profetasa, ajllasqaspa yawarnin, tukuy kay pachapi wañuchisqas karqanku chaykunajtawan.

Jeremías 26:15

Jinapis kaytaqa allinta yachaychej: Sichus wañuchiwankichejman chayqa, qankuna, chantá kay llajtapi tiyakojkuna ima juchachasqas kankichej, uj mana juchayojta wañuchisqaykichejrayku; imaraykuchus cheqamanta Señorpuni kachamuwarqa kay tukuy imasmanta sut'ita willanasuykichejpaj.

2 Reyes 24:4

Mana juchayojkunaj yawarninta jich'aspa, Jerusalén llajtaman yawarwan junt'achisqanmanta. Chayrayku Señorqa manapuni perdonayta munarqachu.

2 Reyes 21:16

Chay jawa Manasesqa mana juchayojkunaj yawarninta jich'acherqa, tukuynin Jerusalenman junt'aykuchin uj k'uchunmanta, uj k'uchunkama. Kayqa wajlla karqa Señorpa ñaupaqempi Judata imaswanchus juchallicherqa chaymanta nisqaqa.

Hebreos 12:24

Astawanqa qayllaykunkichej Jesusman mosoj tratopi allinyachejman, chay ch'ajchusqa yawarmantaj. Chayqa Abelpa yawarninmanta nisqaqa, aswan allintaraj parlan.

Jeremías 26:23

Chaykunataj Uriasta Egiptomanta orqhomorqanku, rey Joacimmantaj aparqanku, paytaj wañuchinankuta kamacherqa, ayantataj ima jusk'ullamampis wijch'uykunankuta kamacherqa.

Isaías 26:21

Qhaway, Señorqa tiyakunanmanta llojsimonqa, jallp'a patapi tiyakojkuna paypa contranta juchallejkunata jasut'inampaj. Jallp'aqa manaña pakayta atenqachu yawar jich'asqata wañuchisqa kajkunatawan.

Jeremías 2:34

P'achaykeqa wajchaspa, jinataj mana juchayojkunaspa yawarninwan ch'ajchusqa rikhurin. Paykunataqa mana ima sajrata ruwashajtapis jap'ejchu kanki.

Jeremías 2:30

Qhasillata wawasniykichejta jasut'erqani, yachachiykunasta paykunaqa mana kasuyta munarqankuchu. Kikin qankuna millay phiña leones jina, profetasniykichejta wañucherqankichej.

Números 35:33

Amapuni runataqa wañuchinkichejchu, maypichus tiyakunkichej chay jallp'aspi. Runa wañuchiy chay jallp'asta ch'ichichanman. Chaymantaqa manaña waj imata qona atikunchu. Manachayqa jinata ruwaj runaqa yawarninwan junt'anan tiyan.

Isaías 14:21

Wakichiychej wawasninkuta wañuchinaykichejpaj, tatasninku juchallikusqankurayku; amaña oqharikuspa jallp'ata jap'ikunankupaj, nitaj kay pachata llajtaswan junt'achinankupaj.

Jeremías 26:8

Señorpa kamachisqanmanta parlayta tukojtinkamataj, sacerdotes, profetas, tukuy llajtapi kaj runaspis, kay jinata nispa: Wañunaykipuni tiyan nispa, jap'iykorqanku.