San Mateo 2:23 - Qheshwa Biblia DC

²³ Nazaret llajtaman chayaspataj chaypi tiyakorqa, profetaspa nisqanku junt'akunampaj: Jesusqa, nazareno sutichasqa kanqa.

DIOSPA QHELQACHISQAN DEUTEROCANONICAL

²³ Nazaret llajtaman chayaspataj, chaypi tiyakorqa. Ajinapi imatachus Diosmanta ñawpa sut'inchajkunaj nisqanku junt'akorqa: Pay Nazaret llajtayoj nisqa kanqa, nispa.

DIOSPA QHELQACHISQ

²³ Nazaret llajtaman chayaspataj, chaypi tiyakorqa. Ajinapi imatachus Diosmanta ñawpa sut'inchajkunaj nisqanku junt'akorqa: Pay Nazaret llajtayoj nisqa kanqa, nispa.

Quechua South Bolivia: Dios Parlapawanchej

²³ Nazaret llajtaman chayaspa chaypi tiyacorka. Ajina ruwacorka Diospa niskan junt'acunanpaj. Unay willajcunanejta nerka Jesús Nazaret llajtayoj sutichaska cananta.

San Mateo 2:23 Referans Kwoze

Jueces 13:5

Uj qhari wawayki tiyapusonqa, chay wawaykej chujchantaqa ama k'utuchinkichu, imaraykuchus chay wawaqa Señorpaj t'aqasqa kanqa nazareo jina manaraj nacekusqanmantapacha. Paymin israelitasta filisteospa kamachiyninmanta kacharichiyta qhallarenqa, nispa.

San Mateo 26:71

Punkuta llojsishajtin, waj sipas kamachiñataj rikuspa, chaypi kajkunaman, nerqa: Kaypis, nazareno Jesuswan kasharqa.

San Mateo 1:22

Kay tukuy ima karqa Señorpa nisqan junt'akunampaj, profetanejta nisqanman jina:

Hechos 24:5

Noqayku yachayku kay runaqa sajra kasqanta. Tukuy llajtaspitaj judiosta ch'ajwachin. Paytaj nazarenospa t'aqanta umachan.

Hechos 2:22

Israelitas kay nisqayta uyariwaychej: Nazaret llajtayoj Jesusta Diosqa allimpaj qhawarqa, qankuna ukhupi paynejta ruwaspa milagrosta, t'ukuna ruwaykunata, señalestawan. Chaytaqa qankuna allinta yachashankichej imaraykuchus qankuna ukhupi ruwakorqa.

San Juan 19:19

Pilatotaj cruzpi uj escribisqata churarqa, chay escribisqataj nisharqa: JESÚS NAZARENO JUDIOSPA REYNIN.

San Juan 18:7

Jesús ujtawan tapullarqataj: Pitataj mask'ashankichej? Paykunataj: Nazareno Jesusta mask'ashayku, nerqanku.

San Juan 18:5

Paykunataj: Nazareno Jesusta mask'ashayku, nerqanku. Jesustaj kuticherqa: Noqa kani. Jesusta jap'ichej Judaspis paykunawan kasharqa.

San Lucas 2:39

Tukuy imasta Señorpa leyninman jina junt'aspataj, kutiporqanku Galileapi Nazaret llajtankuman.

San Lucas 1:26

Sojta killanmantaj, Dios kachamorqa ángel Gabrielta, Galileapi Nazaret llajtaman, manaraj qharita rejsej María sutiyojman; pichus casaranampaj parlapayasqa karqa, José sutiyoj, Rey Davidpa ayllunmanta kaj qhariwan.

Números 6:13

Kay kamachiy junt'akojtintaj, pichus Señorpaj t'aqasqa karqa chayqa, rinan tiyan Dioswan parlana toldo punkuman.

1 Samuel 1:11

Señorman kayta nerqa: Tukuy Atiyniyoj Señor: Sichus qan qhawariwaj kay kamachiykej llakiyninta chayqa, noqamanta yuyarikuspa uj wawata qowankiman chayqa, noqa qopusqayki tukuy kausaynimpi qampa kamachiyki kanampaj, manataj jayk'ajpis chujchasnin k'utusqaschu kanqanku.

San Mateo 21:11

Kuticherqankutaj: Kayqa profeta Jesús, galileo, Nazaret llajtamanta.

Marcos 1:9

Chaypachallataj Jesús jamorqa Galileapi kaj Nazaret llajtamanta, bautizachikorqataj Juanwan Jordán mayupi.

San Lucas 18:37

Willarqankutaj ciegomanqa, Nazaretmanta kaj Jesús pasashan, nispa.