San Mateo 2:13 - Qheshwa Biblia DC

¹³ Yachaysapa runas ripusqankumanta, Señorpa angelnin Joseman rikhurerqa mosqoypi, nerqataj: Jatarikuy, wawata mamantawan pusarikuspa, ayqey Egipto jallp'aman. Chaypitaj qhepakunki noqa ujtawan willasunaykama. Herodesqa wawata mask'anqa wañuchinampaj.

DIOSPA QHELQACHISQAN DEUTEROCANONICAL

¹³ Yachaysapa runakuna ripusqankumantaña, Diospa angelnenqa Joseman mosqoypi rikhurispa, nerqa: Sayariy, wawata, mamantawan pusariykukuspa, Egipto suyuman ayqey. Chaypitaj qhepakunki, noqa ujtawan willasunaykama, imaraykuchus Herodesqa wawata wañuchinanpaj mask'anqa, nispa.

DIOSPA QHELQACHISQ

¹³ Yachaysapa runakuna ripusqankumantaña, Diospa angelnenqa Joseman mosqoypi rikhurispa, nerqa: Sayariy, wawata, mamantawan pusariykukuspa, Egipto suyuman ayqey. Chaypitaj qhepakunki, noqa ujtawan willasunaykama, imaraykuchus Herodesqa wawata wañuchinanpaj mask'anqa, nispa.

Quechua South Bolivia: Dios Parlapawanchej

¹³ Yachaysapa runas ripuskancuwantaj Dios uj willaj angelta cachamorka. Joseman moskoyninpi riqhurimuspataj nerka: —Jataricuy. Wawitata, Wawaj mamantawan pusaricuspa Egipto jallp'aman aykecuy. Jakaypi tiyacamuy noka willasunaycama. Herodeska masc'aj rishan Wawitata wañuchinanpaj, —nispa.

San Mateo 2:13 Referans Kwoze

Hechos 12:11

Pedrotaj yuyayninman kutirispa nerqa: Kunanqa cheqamanta yachani, Señor angelninta kachamusqanta, Herodespa makinmanta qhechunawampaj; judiospa sajra imasta ruwayta munawasqankumantawan.

Hechos 10:7

Kay parlapayaj ángel ripojtinkamataj, Cornelioqa wajyarqa iskay kamachisninta, uj sumaj yanapajnin Diosta yupaychaj soldadotawan.

Hechos 5:19

Chay tutataj Señorpa ujnin angelnin cárcel punkuta kicharpayarqa, apostolesta jawaman orqhospataj, paykunaman nerqa: Riychej temploman, chaypitaj runasman willaychej tukuy kay kausay palabrasmanta.

San Mateo 2:12

Mosqoypitaj Dios paykunaman willarqa ama Herodesman kutinankuta. Chayrayku waj ñannejta llajtankuman kutiporqanku.

San Mateo 1:20

Kay imapi José yuyashajtintaj, Señorpa angelnin payman rikhurerqa mosqoypi, nerqataj: José, Davidpa ayllunmanta kaj, ama manchachikuychu, María warmiykita jap'ikapullay; imaraykuchus paypi kaj wawaqa Santo Espiritumantamin.

Éxodo 1:22

Chaymanta faraonqa tukuy llajtata wajyachispa nerqa: Kunanqa tukuy qhari wawas nacejkunata mayuman wijch'umuychej, warmi wawastataj saqellaychej kausajta.

San Mateo 2:16

Herodestaj yachaysapa runas payta ch'aukiyasqankuta yachaspa, maytapuni phiñakorqa. Kamacherqataj Belén llajtapi, muyuynimpi ima, tukuy qhari wawasta wañurachinankuta, iskay watayojmanta uraman, yachaysapa runasta allinta tapusqanman jina.

Job 33:15

Wakin kutispeqa ch'isin runaman parlan mosqoypi, chayri mosqoypi jina, runas puñojtinkuña, misk'ejta puñushajtinku.

Job 33:17

Mana allin ruwasqasninmanta chay runata t'aqanampaj, ama anchata jatunchakunampaj.

Josué 4:18

Sacerdotes Jordanmanta llojsimusqankutawan, ch'aki jallp'aman chakisninkuta churaykusqankutawankama, yakoqa maychus rinanta ririkaporqa ñaupajta jina, cantosninman phullchirishaj.

Apocalipsis 12:14

Warmimantaj jatun ankajpa iskaynin lijrasninta qorqanku, phawanampaj katarej qayllanmanta ch'innejman, maypichus tiyakun chayman, maypitajchus mikhuchinku uj tiempopaj, tiempospaj, khuskan tiempopaj ima.

Hechos 16:36

Carcelerotaj Pabloman willarqa: Jueces nichimunku qankuna kacharisqa kanaykichejta. Kunanqa sonqo tiyasqas ripuychej.

Hechos 10:22

Paykunataj kuticherqanku: Capitán Cornelio kachamuwayku. Payqa cheqan runa, Diospa manchaynimpitaj kakun. Judiostaj jatumpi jap'inku. Diospa angelnintaj Cornelioman nerqa wasinman wajyachisunanta, qampa parlasqaykita uyarinampaj.

Hechos 7:19

Chay reytaj ñaupa tatasninchejta chejnispa, manchayta ñak'aricherqa. Chayrayku kamacherqa nacisqa qhari wawitasninkuta wijch'umunankuta ama kausanankupaj.

San Mateo 10:23

Mayqen llajtallapipis chejnisunkichejman chayqa, waj llajtamanñataj ayqeychej. Cheqamanta niykichej ari, manaraj tukuy israelitaspa llajtasnimpi willayta tukushajtiykichej, ñapis Runaj Churenqa jamonqaña.

Josué 3:17

Tukuynin israelitas Jordán mayuta ch'akipi chimparqanku. Señorpa trato ruwasqan cajonta apaj sacerdotespis khuskan mayupi ch'aki jallp'api sayaykorqanku tukuynin israelitas chaynejta chimpanankukama.

Apocalipsis 12:6

Chay warmitaj ch'inman ayqerqa, maypichus uj cheqata Dios paypaj wakicherqa chayman. Chaypitaj waranqa iskay pachaj sojta chunkayoj p'unchayta payman mikhucherqanku.

Josué 4:10

Señorpa trato ruwasqan cajonta apaj sacerdotes Jordán mayu chaupipi sayarqanku, israelitas imatachus Josueman Señorpa kamachisqanta ruwayta tukunankukama. Tukuy ima ruwakorqa Moisés imaynatachus Josueman kamachisqanman jina. Israelitastaj usqhay usqhayta mayuta chimparqanku.

Josué 3:13

Maypachachus sacerdotes tukuy jallp'amanta kaj Señorpa cajonninta apashajkuna yakuman saruykojtinkukamaqa, yaku iskayman t'aqarpayakonqa, patamanta jamoj yakoqa kikimpi sayaponqa qocha jina.

Apocalipsis 12:4

Chupantaj janaj pachapi qoyllurkunaj kinsa kaj t'aqanta phiskurparerqa, jallp'amantaj wijch'uykamorqa. Chay sierpeqa wachakunayashaj warmej ñaupaqempi sayaykorqa, wachakojtinkama wawanta oqoykunampaj.

San Mateo 2:22

José uyarerqa, Judeapi Arquelao kamachishasqanta, Herodes tatampa cuentanmanta. Chayrayku manchachikorqa chayman riyta. Dios mosqoypi willasqanraykutaj Galileaman riporqa.

1 Reyes 3:5

Uj ch'isitaj Señorqa Gabaompi, Salomonman mosqoypi rikhurerqa; Diostaj payta nerqa: Mañakuway imatachus munasqaykita, noqataj qosqayki.

San Mateo 2:14

Josetaj jatariytawankama, wawata mamantawan tutapacha pusarikuspa riporqa Egiptoman.

Hechos 12:7

Chayllaman Señorpa angelnin rikhurimorqa, chay ukhumantaj k'anchay junt'aykorqa. Angeltaj Pedrota wajtanninmanta kuyurichispa rijch'aricherqa, nerqataj: Usqhayta jatariy, nispa. Chay kikimpi cadenas makisninmanta urmararqa.

1 Reyes 11:17

Chaywampis Adadqa ayqekorqa tatampa wakin edomita kamachisninwan, chaykunawantaj Egiptoman riporqa, chaypacha Adadqa juch'uyllaraj karqa.