San Mateo 19:28 - Qheshwa Biblia DC

²⁸ Jesustaj paykunaman nerqa: Cheqamanta niykichej, tukuy ima mosojman tukojtin, Runaj Churin k'anchay tronompi tiyaykukojtintaj, qankunapis noqawan khuska purisqaykichejrayku, chunka iskayniyoj tronospi tiyaykukullankichejtaj, chunka iskayniyoj Israelpa ayllusninta juzganaykichejpaj.

DIOSPA QHELQACHISQAN DEUTEROCANONICAL

²⁸ Chantá Jesús paykunata nerqa: Kayta sut'ita niykichej: Tukuy ima mosojman tukojtin, noqa Runaj Churin kamachinay jatun tiyanapi tiyaykukusaj. Chaypachataj noqawan purisqaykichejrayku, qankunapis chunka iskayniyoj kamachina tiyanapi tiyaykukullankichejtaj, Israelpa chunka iskayniyoj jatun ayllukunata juzganaykichejpaj.

DIOSPA QHELQACHISQ

²⁸ Chantá Jesús paykunata nerqa: Kayta sut'ita niykichej: Tukuy ima mosojman tukojtin, noqa Runaj Churin kamachinay jatun tiyanapi tiyaykukusaj. Chaypachataj noqawan purisqaykichejrayku, qankunapis chunka iskayniyoj kamachina tiyanapi tiyaykukullankichejtaj, Israelpa chunka iskayniyoj jatun ayllukunata juzganaykichejpaj.

Quechua South Bolivia: Dios Parlapawanchej

²⁸ Jesús paycunaman nin: —Noka, Diospa cachaska Runan, chekatapuni parlashayquichej. Tucuy imata mosojyachisaj. Chay p'unchaycunapitaj tiyaycucusaj camachinaypaj tucuy atiyniywan. Sapa ujniyquichejtaj uj camachina tiyanapi tiyacunquichej chunca israel ayllusta camachinapaj.

San Mateo 19:28 Referans Kwoze

San Mateo 25:31

Maypachachus Runaj Churenqa, Rey jina k'anchaynimpi, tukuy angelesninwan jamonqa, chaypacha lliphipej tronompi tiyaykukonqa.

Apocalipsis 20:4

Tronostataj rikorqani. Chaykuna patapitaj tiyaykukorqanku pikunachus atiyta jap'erqanku juzganankupaj, chaykuna. Uman qholusqakunaj almasnintapis rikullarqanitaj, pikunachus Jesusmanta, Diospa palabranmantawan willarqanku, chaykunata. Paykunaqa phiña animalta mana yupaycharqankuchu, nitaj lantintapis, nitaj frentesninkupi, nitaj makisninkupipis marcata jap'erqankuchu. Chaykunaqa kausarqanku, kamacherqankutaj Cristowan waranqa watata.

Apocalipsis 7:4

Sellasqakunaj yupaynintaj uyarerqani: Israelpa churisnin tukuynin ayllusmanta, pachaj tawa chunka tawayoj waranqa sellasqas karqanku.

2 Pedro 3:13

Noqanchejqa suyashanchej mosoj janaj pachakunata, mosoj jallp'atawan, Diospa promesanman jina. Chaykunapitaj cheqan kausay tiyan.

San Mateo 16:27

Runaj Churenqa, Tatampa janaj pacha k'anchaynimpi jamonqa angelesninwan. Chaypachataj sapa ujman qoponqa ruwasqanman jina.

Isaías 66:22

Mosoj janaj pachata, mosoj kay pachatawan ruwasqayqa ñaupaqeypipuni kanqanku. Ajinata mirayniykichejqa unayta kanqanku, sutiykichejpis wiñaypaj mana chinkaj kanqanku.

Isaías 65:17

Noqaqa mosoj janaj pachata, mosoj kay pachatawan ruwasaj; chay ñaupaj kajkunaqa qonqasqa kanqa, manapuni yuyarillasajpischu.

Apocalipsis 21:5

Tronopi tiyasqa kashajtaj nerqa: Noqa tukuy imata mosojyachini. Nillarqataj: Escribiy, kay palabrasqa maychus kajpuni, cheqataj kanku.

Apocalipsis 4:4

Chay tronoj muyuynimpitaj, iskay chunka tawayoj tiyanas karqanku. Chay tiyanas patapitaj iskay chunka tawayoj kuraj runasta rikorqani tiyasqasta, yuraj p'achawan p'achallisqasta, umasninkupi qori pillusniyojtataj.

Apocalipsis 3:21

Atipajtaqa noqawan tronoypi tiyachisaj. Noqapis atiparqani, chayrayku Tataypa tronompi tiyaykukorqani.

2 Timoteo 2:12

Paywan khuskachus ñak'arisun chayqa, paywan khuskallataj reinopi kamachisunchej. Sichus Cristota qhesachasun chayqa, paypis qhesachallawasuntaj.

Hechos 3:21

Chay Cristoqa Jesusmin, pichus janaj pachallapiraj qhepakonqa, Dios watejmanta tukuy imasta mosojyachinankama. Chaykunamanta Diosqa willarqa ajllasqa profetasninnejta unaymantapacha.

San Mateo 20:21

Paytaj nerqa: Imatataj munankiri? Warmitaj kuticherqa: Niy ari, kay iskay wawasniy janaj pacha reinoykipi, ujnin pañaykipi, ujnintaj lloq'eykipi tiyaykukunankuta.

Apocalipsis 22:2

Llajtaj plazan chaupipi, mayoj puraj chimpampitaj kausaj sach'a kasharqa chunka iskayniyoj poqoyta qoj, sapa killa ujta. Sach'aj laqhesnintaj nacionesta thañichinankupaj karqanku.

Esdras 6:17

Chaypacha jaywarqanku Diosman, pachaj torillosta, iskay pachaj carnerosta, tawa pachaj malto corderostataj. Chantapis chunka iskayniyoj chivosta jaywallarqankutaj, tukuynin israelitaspa juchasninkumanta, mashkha aylluchus kasqankuman jina.

1 Reyes 18:31

Eliastaj chunka iskayniyoj rumista oqharerqa Jacobpa wawasnin mashkha aylluchus karqanku chayman jina, Jacobta Señorqa nerqa Israel sutiyki kanqa nispa, chay rumiswantaj uj altarta ruwarqa Señorpa sutimpi; chay jawataj uj lark'ata ruwarqa altarpa muyuynimpi, chaymantaj kinsa chunka litros yaku jina yaykoj.

Josué 3:12

Chayrayku kunanqa ajllaychej ari chunka iskayniyoj qharista, sapa uj Israel ayllumanta ujtakama.

Levítico 24:5

Sumajnin kaj jak'umanta chunka iskayniyoj t'antata ruwaspa sayachiy, sapa ujnin kachun tawa kilosmanta.

Éxodo 28:21

Chay rumisqa kanqanku mashkhachus Israelpa wawasnin kanku chayman jina, chunka iskayniyoj sutis. Chay sutis sapa uj rumispi escribisqa kanqa chunka iskayniyoj ayllus.

Éxodo 24:4

Chaymanta Moisesqa Señorpa tukuy palabrasninta qelqarqa. Tutamanta jatarispataj uj altarta orqo k'uchupi chunka iskayniyoj rumiswan ruwarqa, chay rumistaj Israel ayllusman jina karqa.

Éxodo 15:27

Chaymantaqa chayarqanku Elimman, maymantachus chunka iskayniyoj juturismanta yakus phullchimusharqanku, qanchis chunka palmastaj karqanku, chayman. Chay yakus qayllapitaj jarakorqanku.

Apocalipsis 12:1

Uj jatun señaltaj janaj pachapi rikhurerqa. Intiwan p'achallisqa warmi, killataj chakisnin urapi, uman patapitaj uj pillu chunka iskayniyoj qoyllurkunayoj.

San Mateo 6:33

Ñaupajtaqa Diospa reinonta, cheqa kaynintawan mask'aychej; kay tukuy imatataj yapata jina Dios qosonqachej.

San Mateo 8:20

Jesustaj payman kuticherqa: Atojkunaqa cuevasniyoj kanku, p'isqaspis thapasniyoj. Runaj Churimpatarí, mana maypi umanta churaykunampaj kapunchu.

San Mateo 19:27

Pedrotaj Jesusman kuticherqa: Noqaykupis tukuy imaykuta saqerparispa qanwan purishayku. Imataj noqaykupaj kanqari?

Marcos 10:37

Paykunataj kuticherqanku: Janaj pacha k'anchayniykipi kashajtiyki, munaykuman tiyachinawaykuta, ujniykuta pañaykiman, ujniykutataj lloq'eykiman.

Apocalipsis 11:16

Chay iskay chunka tawayoj kuraj runastaj, Diospa ñaupaqempi tiyanasninkupi tiyasqa kasharqanku, qonqorikuspataj Diosta yupaycharqanku.

Apocalipsis 22:5

Chaypitaj tuta mana astawan kanqañachu. Manataj k'anchanaj k'anchayninta necesitanqankuñachu, nitaj intej k'anchaynintapis. Diosqa Señortaj k'anchaykonqa paykunata; wiñay wiñaypajtaj paykuna kamachenqanku.

2 Crónicas 9:19

Chanta kallarqankutaj chunka iskayniyoj sayashaj leones, sojtantin gradaspi ujkama sapa ladopi, kayman rijch'akojqa ni mayqen kamachiypi jayk'ajpis ruwakorqachu.