San Mateo 18:15 - Qheshwa Biblia DC

¹⁵ Chayrayku, wauqeyki contraykita juchallikojtenqa sapallampi payta k'amiy. Chay nisqaykita kasusonqa chayqa, wauqeykita allin kausayman churanki.

DIOSPA QHELQACHISQAN DEUTEROCANONICAL

¹⁵ Sichus wawqeyki contraykita mana allinta ruwaspa juchallikun chayqa, qan sapallanpi payta k'amiy. Paytaj reparachisqaykita kasusonqa chayqa, qan wawqeykiwan ujtawan k'achata kawsakapunki.

DIOSPA QHELQACHISQ

¹⁵ Sichus wawqeyki contraykita mana allinta ruwaspa juchallikun chayqa, qan sapallanpi payta k'amiy. Paytaj reparachisqaykita kasusonqa chayqa, qan wawqeykiwan ujtawan k'achata kawsakapunki.

Quechua South Bolivia: Dios Parlapawanchej

¹⁵ ‘Cristopi hermanoyqui juchallicuspa sonkoyquita nanachinman chayka, riy sapallanpi juchanmanta reparachimuy. Casusunquiman chayka, payta yanapanqui amaña Diosmanta chincapunanpaj.

San Mateo 18:15 Referans Kwoze

Levítico 19:17

Ama chejnikuyniykita sonqoykipi waqaychankichu wauqeykej contranta. Runa masiykita k'amiy, ama k'aminayki kajtin, ama qampis juchallikunaykipaj.

Colosenses 3:13

Ujkuna ujkunawan paciencianakuspa, purajmanta juchasniykichejta perdonanakuspa, sichus pipis wajpa contrampi kanman chayqa. Imaynatachus Cristopis juchasniykichejta pampacharqa, ajinata qankunapis ruwaychej.

Gálatas 6:1

Hermanos, sichus qankunamanta pipis juchaman urman chayqa, qankuna Espirituman jina purejkunaqa khuyakuywan yanapaychej, ujtawan sayarinampaj. Sapa uj qhawakuchun, ama juchaman urmanampaj.

2 Tesalonicenses 3:15

Chaywampis, paytaqa ama enemigopaj jap'iychejchu, astawanqa hermanota jina k'amiykuychej.

San Mateo 18:35

Kikillantataj qankunatapis, janaj pachapi kashaj Tatayqa ruwasonqachej; manachus sapa ujniykichej wauqesniykichejta tukuy sonqo juchasninkumanta perdonawajchej chayqa.

Salmos 141:5

Cheqan runaj jasut'iwasqanqa allimpaj kanqa, k'amiwasqanqa k'acha q'apaj jampi jina kanqa. Chaykunata mana noqaqa qhesachanichu. Jasut'iwajtinkupis chay runaspajqa Diosmanta mañapullasajpuni.

Romanos 12:21

Ama sajra kajwan atipachikuychu, astawanqa sajra kajta allin kajwan atipay.

1 Pedro 3:1

Ajinallatataj, qankunapis warmis, qosasniykichejta kasuychej; ajinamanta Diospa palabrampi mana creejkunapis, warmisninkoj sumaj kausayninta rikuspa, mana palabrallawan Señorman kutirinankupaj; ajinallatataj rikuspa, llimphu puriyniykichejta, Diosta manchachikusqaykichejtawan.

1 Corintios 8:12

Ajinamanta ari, hermanospa contranta juchallispa, pisi feniyojpa sonqonta nanachispataj, Cristoj contrampi juchallinkichej.

Proverbios 11:30

Cheqan runaj poqoynenqa kausay sach'aj poqoynin; pichus almasta ganajqa yachayniyoj runamin.

2 Corintios 7:12

Ajinaqa, cartata escribimushaspaqa, mana chay juchallikojpichu yuyarqani, nitaj chay runaj llakikusqampichu; astawanqa yachanaykichejpaj llakikusqaykuta qankunamanta yuyarikuspa Diospa ñaupaqempi.

1 Tesalonicenses 4:6

Ama pipis hermanompa kapuyninman yaykuchunchu, nitaj suwachunchu, imaraykuchus Señorqa jasut'enqa kay tukuy imasmanta, imaynatachus nerqaykuña.

San Mateo 18:14

Ajinallatataj, janaj pachapi kashaj Tataykichej mana munanchu ujllapis kay juch'uykunamanta chinkananta.

San Mateo 18:21

Pedrotaj Jesusman qayllaykuspa nerqa: Señor, wauqey noqapaj juchallikojtenqa, mashkha kutitataj juchasninta perdonasajri? Qanchis kutitachu? Jesustaj payman kuticherqa: Noqa niyki. Mana qanchis kutikamallachu; astawanqa, qanchis chunka kuti qanchiskamaraj.

Tito 3:10

Sichus mayqempis iglesiata t'aqashanman chayqa, ujta chayrí, iskay kutikama k'amiy. Mana kasukojtintaj qharqopuy.