San Mateo 17:20 - Qheshwa Biblia DC

²⁰ Paytaj kuticherqa: Pisi feniykichejrayku. Cheqamanta niykichej, sichus mostaza muju chhikallampis feniykichej kanman chayqa, kay orqota niwajchej: Kaymanta jaqayman ithiriy, nispa; rinmantaj. Mana imapis qankunapaj kanmanchu mana atikojqa. [

DIOSPA QHELQACHISQAN DEUTEROCANONICAL

²⁰ Jesustaj kuticherqa: Qankuna noqapi mana atinikusqaykichejrayku mana supayta qharqoyta aterqankichejchu. Noqataj kayta sut'ita niykichej: Noqapi atinikusqaykichejchus mostaza muju jinallapis kanman chayqa, kay orqota niwajchej: Kaymanta jaqayman ithirikuy, nispa, ithirinmantaj. Mana imapis qankunapaj kanmanchu mana ruway atinaqa.

DIOSPA QHELQACHISQ

²⁰ Jesustaj kuticherqa: Qankuna noqapi mana atinikusqaykichejrayku mana supayta qharqoyta aterqankichejchu. Noqataj kayta sut'ita niykichej: Noqapi atinikusqaykichejchus mostaza muju jinallapis kanman chayqa, kay orqota niwajchej: Kaymanta jaqayman ithirikuy, nispa, ithirinmantaj. Mana imapis qankunapaj kanmanchu mana ruway atinaqa.

Quechua South Bolivia: Dios Parlapawanchej

²⁰ Jesustaj paycunaman cuticherka: —Kancunaka Diospi ancha pisillata jap'icuskayquichejraycu kharkoyta mana aterkanquichejchu. Chekamanta niyquichej. Uj mostaza mujitujina pisillatapis Diospi jap'icuwajchej chayka, atiwajchej camachiyta cay orkota wajnejman okharicunanta. Orkotaj okhariconka. Diospi chekata jap'icojtiyquichejka tucuy aticonka kancunapaj.

San Mateo 17:20 Referans Kwoze

San Lucas 17:6

Señortaj kuticherqa: Feniykichejchus uj mostaza muju jinallapis kanman chayqa, atiwajchej kay mora sach'ata niyta: Sik'ikuy, jatun qochapitaj saphichakuy, nispa; kasusunkichejmantaj.

Marcos 11:23

Cheqamanta niykichej, pillapis kay orqota ninman: Jatariy, jatun qochaman wijch'uykuykuy, sonqompitaj mana iskayrayaspa creenman chayqa, paypa nisqan ruwakunman.

San Lucas 18:27

Jesustaj nerqa: Runaspaj mana atikojqa, Diospajqa atikumpuni.

San Lucas 1:37

Diospajqa mana imapis mana atikojqa kanchu.

San Mateo 21:21

Jesustaj kuticherqa: Noqaqa cheqata niykichej: Feniyojchus kawajchej chayqa, mana higos sach'awan ruwasqallaytachu ruwawajchej. Astawanqa, mana iskayrayaspa, kay orqotapis niwajchej: Ithiriy kaymanta, qochaman wijch'uykukuy, nispa. Ajinatataj ruwakunman.

Marcos 9:23

Jesustaj nerqa: Arí, sichus creeyta atiwaj chayqa, tukuy ima atikun creejpajqa.

1 Corintios 13:2

Diospa palabrantachus sut'ichayman, yachaymantaj tukuy pakasqa yachaykunata, tukuy kay pacha imasmantawan; feniytaj kapuwanman orqosta ithirichinaypaj jina, manataj munakuyniy kapuwanmanchu chayqa, mana imachu kani.

San Mateo 13:31

Jesusqa, waj rijch'anachina yachachiyta paykunaman willarqa: Janaj pacha Diospa reinonqa rijch'akun uj mostaza mujuman, mayqentachus uj runa jallp'ampi tarporqa, chayman.

San Juan 11:40

Jesustaj payman nerqa: Manachu nerqayki, creenkichus chayqa Diospa jatun kayninta rikunki?, nispa.

Marcos 4:31

Diospa reinonqa rijch'akun mostaza mujuman. Chay mujoqa jallp'api tarpukoj mujusmanta nisqaqa aswan juch'uymin.

Hebreos 3:19

Yachanchej mana yaykuyta atisqankuta, mana creesqankurayku.

San Mateo 17:17

Jesustaj kutichispa, nerqa: Mana feniyoj sajra runaj miraynin! Mayk'ajkamataj qankunawan kasajri? Mayk'ajkamataj qankunawan pacienciakusajri? Pusamuychej kayman.

1 Corintios 12:9

Chay kikin Espiritullataj wakinman creeyta qon; wakinmantaj yachayta qon, onqosqasta thañichinampaj.

San Mateo 17:9

Orqomanta uraykamuspataj, Jesús kamacherqa: Kay rikusqaykichejta ama pimampis willankichejchu, Runaj Churin wañusqasmanta kausarimunankama, nispa.

San Mateo 8:26

Jesustaj paykunaman nerqa: Imaraykutaj manchachikunkichej pisi feniyoj runas? Sayariytawantaj, qochata, wayratawan k'amerqa. Wayra thañejtintaj qocha tiyaykorqa.

San Mateo 17:19

Chaymantataj, yachachisqas Jesusman qayllaykuspa, sapallampi taporqanku: Imaraykutaj noqayku, supayta mana qharqoyta aterqaykuchu?

Marcos 11:22

Jesustaj kuticherqa: Diospi feniyoj kaychej.

San Mateo 14:29

Paytaj nerqa: Jamuy. Pedrotaj, botemanta uraykuytawan, yaku patanta Jesusman risharqa.