San Mateo 16:27 - Qheshwa Biblia DC

²⁷ Runaj Churenqa, Tatampa janaj pacha k'anchaynimpi jamonqa angelesninwan. Chaypachataj sapa ujman qoponqa ruwasqanman jina.

DIOSPA QHELQACHISQAN DEUTEROCANONICAL

²⁷ Aswan qhepaman Runaj Churenqa Tatanpa jatun kayninpa lliphipiyninpi jamonqa, angelninkunawan khuska. Chaypachataj pay sapa ujman ruwasqanman jina qoponqa.

DIOSPA QHELQACHISQ

²⁷ Aswan qhepaman Runaj Churenqa Tatanpa jatun kayninpa lliphipiyninpi jamonqa, angelninkunawan khuska. Chaypachataj pay sapa ujman ruwasqanman jina qoponqa.

Quechua South Bolivia: Dios Parlapawanchej

²⁷ Imaraycuchus noka, Diospa cachaska Runan, cutimusaj Dios Tataypa atiyninwan cachamuska angelesninwan cusca. Chaypachataj sapa ujman ruwaskanmanjina kopusaj.

San Mateo 16:27 Referans Kwoze

2 Corintios 5:10

Tukuyninchej, Cristoj cuenta mañanampi rikhurinanchej tiyan, sapa uj jap'inanchejpaj ruwasqanchejman jina, allin kajta, chayri mana allin kajtapis.

Salmos 62:12

Señorníy, qampata ari khuyakoyqa, imaraykuchus tukuy ima ruwasqankuman jina, t'inkata qopunki.

Romanos 2:6

Paytaj sapa ujman qoponqa ruwasqanman jina.

Romanos 14:12

Ajinaqa sapa ujninchej Diosman willakunanchej tiyan noqanchej kikinchejmanta.

Jeremías 17:10

Noqa Señor allinta yachani, imatachus yuyasqasninkutapis rejsini, sapa ujmantaj imatachus ruwasqankuman jina qopuni.

Efesios 6:8

Yachankichejña sapa uj allinta ruwasqanman jina, allin kajllatataj Señormanta jap'enqa, kamachipis mana kamachipis kachun.

Judas 1:14

Chay runakunamantaqa Enoc, Adanmantapacha qanchis kaj karqa, kay jinata nerqa: Qhawaychej, Señorqa waranqa waranqa ajllasqasninwan jamushan, tukuyninkuta juzgaj, juchachajtaj Diosta mana yupaychajkunata, sajra ruwasqasninkuwan juchallisqankurayku. Juchachallanqataj tukuy jatuchaj phiña palabraswan paypaj rimasqankumanta. Kaykunaqa juchasapas kanku, mana Diosniyoj runas.

Proverbios 24:12

Sichus qan niwaj mana yachasqaykita chayqa, pichus sonqoykita rikojqa yachanqapuni, chay qhawasojniykeqa allinta yachanqa. Chay qhawajqa sapa ujman ruwasqanman jina qoponqa.

Apocalipsis 20:12

Rikullarqanitaj wañusqasta, jatuchejkunata, juch'uykunatapis Diospa ñaupaqempi sayashajta. Libros kicharikorqanku, chantá waj libropis kicharikullarqataj. Chayqa kausaypa libron. Wañusqastaj juchachasqas karqanku, imamantachus librospi escribisqa kasqanmanta, ruwasqankuman jina.

Apocalipsis 2:23

Wawasnintataj mana khuyakuspa wañurachisaj; ajinamanta tukuynin iglesias yachanqanku noqa rejsisqayta runaj yuyayninta, sonqontawan. Qankunamantaj, sapa ujman, ruwasqaykichejman jina qopusqaykichej.

Job 34:11

Payqa sapa uj runaman maychus ruwasqanman jina qopun; sapa ujmantaj purisqanman jina qopun.

San Mateo 25:31

Maypachachus Runaj Churenqa, Rey jina k'anchaynimpi, tukuy angelesninwan jamonqa, chaypacha lliphipej tronompi tiyaykukonqa.

Jeremías 32:19

Qan may jatun kanki ruwasqasniykipi. Qan rikunki runaspa tukuy ruwasqasninkuta, chay ruwasqasninkuman jinataj qan qopunki.

San Lucas 21:27

Chaypacha rikonqanku Runaj Churinta phuyupi, manchay atiywan, jatun k'anchayninwantaj uraykamushajta.

Marcos 14:62

Jesustaj kuticherqa: Arí, noqa kani. Qankunataj rikunkichej Diospa Churinta, jatun atiyniyoj Diospa pañampi tiyashajta, janaj pachamantataj phuyuspi jamushajta.

Marcos 8:38

Pillapis kunan tiempo qhenchachakoj juchasapa runa, noqamanta, palabrasniymantawan p'enqakunman chayqa, paymantapis Runaj Churenqa p'enqakullanqataj, Dios tatampa jatun k'anchaynimpi, ajllasqa angelesninwan jamojtin.

San Mateo 24:30

Chaypachataj Runaj Churimpa señalnin janaj pachapi rikhurenqa; tukuy kay pachapi ayllustaj waqanqanku. Runaj Churintataj cielo phuyus patapi jamushajta rikonqanku; tukuy atiyninwan, lliphipiyninwan ima.

Zacarías 14:5

Qankunarí ayqenkichej, chay orqos chaupipi kanqa chay vallenejta chayaspa chay uj ladopi kashan chay Azalkama. Ayqenkichej qankunapis ñaupa tatasniykichej, maypachachus rey Uzías Judapi kamachishajtin jallp'a ikhakuy kajtin, ayqerqanku ajinata. Chaypachamin jamonqa Señor Diosneyqa tukuy payta qhatejkunawan khuska.

Ezequiel 7:27

Reyqa llakikuy p'achata churakonqa. Kamachejqa jatun llakikuypi rikhurenqa, runakunataj tukuynin kharkatitenqanku. Purisqankuman jina paykunata ruwasaj, cheqanchasajtaj, imaynatachus paykuna cheqanchanku ajinata. Ajinamanta rejsiwanqanku noqa Señor kasqayta.

Apocalipsis 1:7

Qhawaychej, Cristo phuyuswan jamushan, tukuy ñawitaj payta rikonqa, jinallataj payta t'ojsejkunapis; tukuy ayllustaj paymanta manchayta waqanqanku. Arí. Amén.

Hechos 1:11

Paykunamantaj nerqanku: Galileokuna, imaraykutaj patata qhawaspallapuni kankichejri? Kay kikin Jesús, imaynatachus qankuna ukhumanta janaj pachaman ripun, ajinallatataj ujtawan kutirimonqa, imaynatachus ripojta rikunkichej ajinata.

San Mateo 26:64

Jesustaj kuticherqa: Qan ninki. Astawanqa niykichej: Kunanmantapacha Runaj Churinta rikunkichej, atiyniyoj Diospa pañampi tiyashajta, cielo phuyuspitaj jamushajta.

1 Pedro 1:17

Tataykichejta jinachus Diosta yupaychankichej chayqa, manchachikuspa puriychej tukuy kausayniykichejpi, waj llajtayojpis kawajchej jina. Diosqa runasta mana runaspa rijch'ayninman jinachu juzgan. Manachayqa, sapa ujta ruwasqasninman jina juzgan.

San Lucas 22:69

Chaywampis, kunanmantapacha Runaj Churenqa tiyaykukonqa, jatun atiyniyoj Diospa pañanman.

San Lucas 9:26

Pillapis noqamanta, palabrasniymantawan p'enqakunman chayqa; paymantapis Runaj Churenqa p'enqakullanqataj, maypachachus lliphipej k'anchaynimpi jamuspa, chantá Tatampa k'anchaynimpiwan, ajllasqa angelespapiwan.

San Mateo 13:49

Ajina kanqa, kay mundoj tukukuynimpi, ángeles llojsimonqanku juchasapasta t'aqaj mana juchayojkunamanta.

1 Tesalonicenses 1:10

Willallankutaj qankuna janaj pachamanta Diospa Churinta suyashasqaykichejta, pitachus Dios wañusqakunamanta kausarichimorqa. Chaytaj Jesús. Pay jamoj k'ajaj phiñakuymanta salvawarqanchej.

1 Tesalonicenses 4:16

Kikin Señorpuni kamachej qhapariywan, arcangelpa qhaparisqanwan, Diospa pututunwantaj janaj pachamanta uraykamonqa, Cristopi wañojkunataj ñaupajta kausarimonqanku.

San Mateo 13:41

Runaj Churin kachamonqa angelesninta, orqhonampaj reinonmanta, juchaman misk'achej tukuy runasta juchasapastawan. Nina hornomantaj enqhaykonqanku; chaypitaj manchay waqay, kiru k'arukuytaj kanqa.

1 Corintios 8:8

Chaywampis, mikhunaqa mana aswan allimpajchu Dioswan qhawachiwanchej; mana mikhuspaqa, mana pisichu kasunchej, nitaj mikhuspapis, astawanchu kasunchej.

San Mateo 8:20

Jesustaj payman kuticherqa: Atojkunaqa cuevasniyoj kanku, p'isqaspis thapasniyoj. Runaj Churimpatarí, mana maypi umanta churaykunampaj kapunchu.

Eclesiastés 3:17

Chaypacha sonqoypi nerqani: Cheqan runatawan, juchasapa runatawanqa Dioslla cheqanchanqa; imaraykuchus chaypeqa tukuy ima munanapis tiempoyojlla, jinallataj ruwanapis.

Ezequiel 18:20

Pichus juchallikoj runaqa wañonqa. Wawaqa tatampa juchanmanta mana paganqachu, nitaj tatapis wawampa juchanmanta. Cheqamanta kausaj runaqa cheqa ruwasqanmanta t'inkata jap'ikaponqa. Sajra kausayniyoj runataj sajra ruwasqanmanta ñak'ariyta jap'ikaponqa.

San Juan 21:22

Jesús kuticherqa: Sichus munani kutimunaykama pay qhepakunanta chayqa, ima dakusunki qanmanri? Qanqa qhepayta jamuy, nispa.

San Juan 21:23

Chay nisqata hermanos ukhupi willakorqa jaqay yachachisqa mana wañunan kasqanta. Jesustaj mana imatapis nerqachu, mana wañonqachu nispa. Astawanqa nerqa: Sichus kutimunaykama pay qhepakunanta munani chayqa, imá dakusunki qanmanri?

1 Corintios 15:23

Chayrayku sapa uj maychus kanampi, qhepampi qhepampi kausarenqa, ñaupajta Cristoraj ñaupaj poqoy jina; chaymantaña Cristojta kajkunaqa kausarenqanku jamuynimpi.

Colosenses 3:25

Pichá sajrata ruwajqa, sajrallatataj jap'enqa, imaraykuchus Diosqa mana runaspa rijch'aynillantachu qhawan.

Santiago 5:7

Chayrayku, hermanos, pacienciakuychej Señor jamunankama, qhawaychej imaynatachus chajrapi llank'aj runaqa, pacienciawan suyan jallp'aj poqoyninta, ajinallatataj pacienciawan suyan ñaupaj parasta, qhepa parastapis.

1 Juan 2:28

Kunanqa, wawitasníy, Cristowan ujlla kakuychej; qhepa kaj jamuynimpi pay rikhurimojtintaj, mana manchachikuspa, nitaj p'enqakuspa, ñaupaqenman qayllaykunaykichejpaj.