San Mateo 15:27 - Qheshwa Biblia DC

²⁷ Warmitaj nerqa: Arí, Señor alqetuspis mikhullankutaj, dueñosninkoj mesanmanta, t'anta t'unas t'akakojta.

DIOSPA QHELQACHISQAN DEUTEROCANONICAL

²⁷ Chay warmitajrí nerqa: Arí, Wiraqochíy, chaywanpis alqokunaqa mesa urapi uywajninkoj t'anta t'akasqankuta mikhullankutaj, nispa.

DIOSPA QHELQACHISQ

²⁷ Chay warmitajrí nerqa: Arí, Wiraqochíy, chaywanpis alqokunaqa mesa urapi uywajninkoj t'anta t'akasqankuta mikhullankutaj, nispa.

Quechua South Bolivia: Dios Parlapawanchej

²⁷ Warmiri nillarkataj: —Arí, Señor, chaywanpis alketuspis miqhuncupuni dueñosnincoj miqhuy t'unasnin mesamanta t'acacojtenka, —nispa.

San Mateo 15:27 Referans Kwoze

Efesios 3:8

Diospa tukuy ajllasqasninmanta aswan juch'uy kashajtiypis, Diosqa atiyta qowarqa, Cristoj qhapaj kapuyninta mana rejsiy atina evangeliota gentilesman willanaypaj.

San Lucas 16:21

Munajtaj qhapaj runaj mesanmanta urmamoj mikhuy t'unasllawampis sajsakuyta. Alqospis qayllaykuspa llajwaj kanku sarnasninta.

Romanos 10:12

Judío runawan, griego runawanqa uj rejlla kanku. Ujlla Señorqa tukuypata, qhapajtaj tukuy payta wajyakojkunapaj.

Romanos 3:29

Diosqa judiospa Diosnillanchu? Manachu gentilespatapis Diosnillantaj? Cheqamanta paykunajtapis Diosnillantaj.

San Lucas 18:13

Impuestero runataj karullamanta, manchachikuywan mana ñawisnillantapis pataman oqhariyta munarqachu. Chaynejta pechollanta takakusharqa: Diosníy, khuyariway ari noqa juchasapata, nispa.

San Mateo 8:8

Capitantaj, kutichispa nerqa: Señor, noqaqa mana wasiyman yaykunaykipaj jinachu kani. Uj palabrallata niy, uywasqaytaj thañikaponqa.

San Mateo 5:45

Ajinata ruwaspaqa, janaj pachapi kashaj Tataykichejpa wawasnin kankichej. Payqa, sajra runaspaj, k'acha runaspajpis intita llojsichimun. Kikillantataj parachimun tukuypaj; allin runaspaj, sajra runaspaj ima.

Romanos 3:4

Chayqa mana jinachu; astawampis Diosqa cheqamin, tukuy imata ruwan cheqa kajman jina, tukuy runataj llulla, escribisqa kasqanman jina: Palabrasniynejta cheqan runapaj qhawasqa kanaykipaj; juzgasojtinkutaj atipanaykipaj.

Daniel (hebreo) 9:18

Diosniyku, uyarillawayku ari. Qhawariy kay jina mana imayoj rikhurisqaykuta, jinallataj sutiykita yupaychana llajtatapis. Mana kausayniykupi cheqanta ruwasqaykuta creekuspachu qanmanta majakushayku, mana chayqa qampa jatun khuyakuyniykipi creespa.

Ezequiel 16:63

Qantaj yuyarikuspa may chhikata p'enqakunki, k'umuykunkitaj, simiykitapis mana ujtawan kicharinkichu, maypachachus noqa tukuy ima ruwasqasniykimanta perdonasqayki chaypacha. Noqa Señor chaytaqa nini.

Efesios 3:19

Chantapis Cristoj munakuynintapis rejsinaykichejpaj, mayqenchus tukuy runakunaj yuyayninta atipan Diospa junt'a kayninwan, junt'asqas kanaykichejpaj.

Romanos 3:19

Yachanchej, leypa tukuy nisqanta, leypi kajkunapaj churasqa kasqanta; tukuy runa ch'inyanampaj, mundontintaj Diospa ñaupaqempi juchachasqa rikhurinampaj.

Génesis 32:10

Mana cheqa kayniykiwan khuyanawaykipaj jinachu kani. Noqa Jordán mayuta chimpamorqani ni imawan, tojnuy oqharisqalla; kunanqa tiyapuwan iskay jaras.

San Mateo 15:26

Jesustaj kuticherqa: Mana allinchu, wawaspa t'antanta qhechuspa alqetusman qaranaqa.

San Mateo 15:28

Jesustaj payman nerqa: Warmi, feniykeqa ancha jatun. Munasqaykiman jina ruwasqa kachun. Chaymantapacha ususenqa thañikaporqa.

Marcos 7:28

Warmitaj kuticherqa: Arí, Señor, alqetuspis mesa urapi, wawaspa t'anta t'unasninta mikhunkupuni.