San Mateo 15:14 - Qheshwa Biblia DC

¹⁴ Saqeychej. Paykunaqa ciegos kanku, ciegosta pusaykachajkunataj. Sichus ciego, ciegota pusaykachanman chayqa, iskayninku t'oqoman urmaykunkuman.

DIOSPA QHELQACHISQAN DEUTEROCANONICAL

¹⁴ Paykunata saqeychej, imaraykuchus ñawsakuna kanku, waj ñawsakunata pusaykachajtaj. Sichus ñawsa runa waj ñawsata pusaykachanman chayqa, iskayninku t'oqoman urmaykonqanku, nispa.

DIOSPA QHELQACHISQ

¹⁴ Paykunata saqeychej, imaraykuchus ñawsakuna kanku, waj ñawsakunata pusaykachajtaj. Sichus ñawsa runa waj ñawsata pusaykachanman chayqa, iskayninku t'oqoman urmaykonqanku, nispa.

Quechua South Bolivia: Dios Parlapawanchej

¹⁴ Sakeychej chaycunata munaynincumanjina ruwanancuta. Paycuna ciegosjina cancu Diospa yachachinasninmantaka. Chaywanpis waj ciegosta pusajcunajinataj cancu. Sichus uj ciego ciegollatataj pusanman chayka, iscaynincu cusca t'okoman urmayconkancu, —nispa.

San Mateo 15:14 Referans Kwoze

San Lucas 6:39

Nillarqataj uj rijch'anachinata: Atinmanchu uj ciegoqa waj ciegota pusaykachayta? Manachu iskayninku t'oqoman urmaykonqanku?

Isaías 56:10

Qhawajkunasnenqa ciegos kanku, mana imatapis yachankuchu. Paykunaqa kanku alqos jina mana ayñay atej, winkuspa puñuywan mana sajsay atej kanku, puñuy sikis.

Malaquías 2:8

Sacerdotes, qankunaqa sumaj ñanmanta karunchakorqankichej, ashkhastataj urmacherqankichej qankunaj yachachisqasniykichejwan. Ajinapi qankuna pierdechinkichej Leviwan trato ruwasqaytaqa, nin Tukuy Atiyniyoj Señorqa.

Isaías 9:16

Chay llajtata kamachejkunaqa ch'aukiyajkuna kanku, kasojkunataj chinkapunku.

2 Pedro 2:1

Kallarqataj llulla profetas israelitas ukhupi. ajinallatataj qankuna ukhupipis kanqanku llulla yachachejkuna. Paykuna pakayllamanta, chinkayman apaj yachachiykunata apaykamonqanku. Paykunata salvaj Señortapis qhesachanqanku. Chayrayku, ujllata paykunaj patanman chinkachej jatun jasut'i chayamonqa.

Jeremías 5:31

Chay profetaspa sut'inchasqasninkoqa llullas kanku, sacerdotekunapis munasqankuman jinalla kamachinku. Aylloyqa ajinatapis munallan! Chaywampis, imanankichejtaj chay tukukuy p'unchay chayamojtinri?

Isaías 42:19

Pitaj ciegori, manachu kamachiy? Pitaj kachasqay runa jina joq'arari? Mana pipis ajllakusqay jina ciegoqa kanchu, nitaj kachasqay Señorpa kamachin jinapis.

Apocalipsis 22:15

Jawapitaj qhepakonqanku alqos, layqas, qhenchas, runa wañuchis, lantista yupaychajkuna, jinallatataj llullakuyta munakojpis, llullata ruwaj ima.

Apocalipsis 19:20

Phiña animaltaj presochasqa karqa. Paymantaj llulla profeta, pichus chaypa ñaupaqempi señalesta ruwasqa, chay señaleswan animalpa marcanta apajkunata ch'aukiyarqa. Paykunataj lantinta yupaycharqanku. Chay iskaytataj kausashajta wijch'orqanku azufrewan larwashaj uj nina qochaman.

2 Pedro 2:17

Kay runakunataj mana yakuyoj pujyu jina kanku, sinch'i para wayraj apaykachasqan phuyu jinataj. Paykunapajtaj wakichisqa kashan wiñaypaj laqhayaypa tutayaynin.

1 Timoteo 6:5

Kallantaj sajra runaspa qhasi mana kaj churanakuynin. Paykunaqa cheqa kajta mana rejsinkuchu, yuyankutaj Diosta yupaychayqa qolqeta jap'inallapaj kasqanta. [Paykunamanta karunchakuy.]

Oseas 4:17

Efraenqa lanti yupaychaykunaman qokapun. Tukuyninku machasqas jina urmaranqanku! K'iskimantataj qhenchachakorqanku, astawampis p'enqaypi kayta munarqanku honrayoj kanamanta nisqaqa.

Jeremías 8:12

Chay millachikunay ch'ichi imata ruwaytaqa p'enqakunaykichej karqa. Qankunaqa p'enqakorqankichejchu, niñataj yachankichejchu imachus p'enqakuy kasqantapis. Chayraykumin qankunata jasut'ejteyqa misk'ankichej, chay ujkuna jinataj urmakunkichej. Noqa Señormin chayta nini.

Jeremías 6:15

Chay noqaj mana munasqay imasta ruwaytaqa p'enqachikunanku karqa. Chaywampis manapuni p'enqakunkuchu, niñataj yachankuñachu imachus p'enqakuy kasqantapis. Chayrayku maypachachus noqa jasut'isaj, chaypacharajmá misk'anqanku, urmanqankutaj chay ujkuna jina. Noqa Señormin chayta nini.

Isaías 31:3

Egipciosqa runaslla kanku mana dioskunachu; caballosninkoqa aychalla kanku, manataj espirituschu. Chayrayku Señorqa makinta oqharejtin, chay yanapaj urmanqa, jinallataj yanapachikojpis. Jinamanta tukuyninku ujllapi urmachisqas kanqanku.

San Juan 9:39

Jesustaj nerqa: Kay mundoman jamorqani juiciopaj, mana rikojkuna rikunankupaj, rikojkunataj ciegoyanankupaj.