San Mateo 13:23 - Qheshwa Biblia DC

²³ Sumaj jallp'api tarpusqa mujutaj rijch'akun, pichus Diospa palabranta uyarispa sumajta umampi jap'in, poqoytataj apan, chayman. Sapa uj mujutaj poqon pachajta, sojta chunkata, wakintaj kinsa chunkata uj mujullamanta.

DIOSPA QHELQACHISQAN DEUTEROCANONICAL

²³ Sumaj jallp'aman t'akakoj mujurí ninakun, pichus Diospa simi nisqanta uyarispa sumajta entienden, chaywan. Payqa sumaj poqoyniyoj planta jina, chay jina kajkunamantataj wakin kanku sapa mujumanta pachajta poqoj jina, wakintaj sojta chunkata, wakintaj kinsa chunkata poqoj jina, nispa.

DIOSPA QHELQACHISQ

²³ Sumaj jallp'aman t'akakoj mujurí ninakun, pichus Diospa simi nisqanta uyarispa sumajta entienden, chaywan. Payqa sumaj poqoyniyoj planta jina, chay jina kajkunamantataj wakin kanku sapa mujumanta pachajta poqoj jina, wakintaj sojta chunkata, wakintaj kinsa chunkata poqoj jina, nispa.

Quechua South Bolivia: Dios Parlapawanchej

²³ Waquin runas Diospa niskanta tucuy sonkowan uyarispa casuncu. Chay runaka sumaj jallp'aman urmaj mujujina cashan. Diosta casuskancuraycutaj payta cusichincu. Ajinapi waquin runas ancha sumajta ruwaspa pachajman pokoj mujujina cancu. Waquinri sumajllata ruwaspa sojta chuncaman pokoj mujujina cancu. Waquintaj quinsa chuncaman pokoj mujujina callancutaj.

San Mateo 13:23 Referans Kwoze

Filipenses 1:11

Cheqan ruwanaswan sumaj poqoyniyoj jina junt'asqa kaychej, Jesucristonejta, Dios jatunchasqa, yupaychasqataj kanampaj.

San Juan 15:16

Mana qankunachu ajllawarqankichej, astawanqa noqa ajllarqaykichej; churarqaykichejtaj willaj rinaykichejpaj, poqoytataj apanaykichejpaj. Chay poqoyniykichejtaj kakunallampajpuni; tukuy imata sutiypi Dios Tatamanta mañakusqaykichejta taj, pay qosonqachej.

San Mateo 12:33

Allin sach'aqa, allin poqoyta qon. Mana allin sach'arí, mana allin poqoytaqa qon. Chayrayku, sach'ataqa poqoyninnejta rejsinchej.

San Mateo 13:8

Wakin mujustaj urmarqanku sumaj jallp'aman, poqorqankutaj: Wakin muju pachajta, wakin sojta chunkata, wakintaj kinsa chunkata uj mujullamanta.

Colosenses 1:6

Kay evangelioqa qankunakama chayamorqa, jinallataj tukuy mundontinman. Kaytaj poqon, qankunapipis wiñan, maypachachus Diospa khuyakuyninta cheqamanta uyarerqankichej, rejserqankichejtaj chay p'unchaymantapacha.

San Mateo 3:8

Allinta kausaychej ari, Diosman kutirikusqaykichejmanta poqoyta rikuchispa.

San Lucas 13:9

Poqonqa chayqa allin kanqa; manapuni poqojtinrí, k'utuchipunki, nispa.

1 Juan 5:20

Yachanchej Diospa Churin jamuspa yachayta qowasqanchejta, cheqa Diosta rejsinanchejpaj; cheqa Churimpitaj kananchejpaj. Pay cheqa kaj Diosqa, wiñay kausaytaj.

2 Pedro 3:18

Astawampis wiñaychej yanapaypi, Salvador Señorninchej Jesucristoj rejsiynimpiwan. Jatun kay paypaj kachun, kunanmantapacha wiñaypaj wiñaynintinkama. Amén.

Colosenses 1:10

Mañakuyku Señorpa munayninman jina purinaykichejpaj, tukuy imapi Diosta kusichispa, allin poqoyta apaspa, tukuy ima allin ruwaypi, ajinamanta wiñaspataj, Diosta rejsinaykichejpaj.

Hebreos 8:10

Ajinamanta, kay tratota Israel aylluwan ruwasaj, jaqay p'unchaykunaj qhepanta, Señor nin: Yuyayninkuman kamachisqasniyta churasaj, sonqosninkupitaj escribisaj. Paykunaj Diosninku kasaj, paykunataj noqaj aylluy kanqanku.

Hebreos 4:2

Paykunaman jina, noqanchejman evangeliota willawarqanchej; chaywampis, uyarisqankoqa paykunapaj mana allimpajchu karqa, mana feniyoj uyarisqankurayku.

1 Tesalonicenses 4:1

Kay qhepantataj hermanos, qankunamanta mañakuyku, umachaykutaj Señor Jesuspi, imaynatachus noqaykumanta yachachisqas karqankichej, ajinata purinaykichejta, Diosta kusichispa, astawan astawantaj wiñaspa.

Filipenses 4:17

Mana noqaqa t'inkastachu mask'ashani, astawanqa qankuna ashkha poqoyniyoj kanaykichejta.

2 Corintios 9:10

Dios qon tarpojman mujuta, t'antataj mikhunampaj. Ashkhayachenqataj chajrasniykichejta, yapanqataj allin ruwasqaykichejpa poqoyninta.

Hechos 17:11

Chaykunataj aswan k'achas karqanku Tesalonicapi tiyakojkunamanta nisqaqa, imaraykuchus Diospa palabranta tukuy sonqo yachakorqanku. Sapa p'unchaytaj Escriturata allinta qhawaspa, mask'arqanku cheqachus manachus kasqanta Pabloj yachachisqan.

Hechos 16:14

Ujnin warmitaj Lidia sutiyoj karqa, Tiatira llajtamanta. Payqa qhatoj may sumaj puka kulli generosta, Diostataj yupaychaj. Señortaj Lidiaj sonqonta kicharerqa, Pabloj nisqanta uyarinampaj.

San Juan 8:47

Diospa wawasnenqa, Diospa palabranta uyarinku. Qankunataj mana uyariyta munankichejchu; mana Diospa wawasninchu kankichej.

San Lucas 8:15

Sumaj jallp'api tarpusqa mujutaj ninakun, pikunachus sumaj sonqowan, cheqan yuyaywantaj Diospa palabranta uyarinku, jap'ispataj, pacienciawan sumaj poqoyta apanku.

Marcos 10:15

Cheqamanta niykichej, pillapis mana wawa jina Diospa reinonta jap'enqa chayqa, mana jayk'aj yaykonqachu chayman.

Marcos 4:20

Wakin runastajrí kanku, sumaj jallp'api tarpusqa muju jina. Paykunaqa Diospa palabranta uyarispa sonqonkupi jallch'anku; chaymantataj sumaj poqoykunata qonku. Ujkuna uj mujullamanta kinsa chunkata poqonku; wajkunataj sojta chunkata; wajkunatajrí pachajta poqonku uj mujullamanta.

San Mateo 3:10

Ñapis hachaqa, sach'aspa saphinman churasqaña kashan. Tukuy mana allinta poqoj sach'ataj k'utusqa kanqa, ninamantaj kanasqa.

Ezequiel 36:26

Mosoj sonqota qosqaykichej, qankuna ukhupitaj mosoj espirituta churasaj. Qhechusqaykichejtaj chay rumi sonqoykichejta, llamp'u sonqotataj qosqaykichej.

Ezequiel 18:31

Contraypi tukuy sajra ruwasqasniykichejmanta t'aqakuychej, mosoj sonqoyojman tukuychej, mosoj espirituyojmantaj. Israel ayllu, imaraykutaj wañuwajri?

Hebreos 6:7

Ashkha kutita para yakuta ch'onqaj jallp'aqa, allin qhorata poqon llank'ajkunapaj, Diospa yanapaynintataj jap'in.

San Lucas 8:8

Wakin mujutaj urmarqa sumaj jallp'aman; p'utumuspataj poqorqa pachajta sapa mujumanta. Kayta niytawantaj, aswan jatunmanta nerqa: Ningrisniyoj kaspaqa uyariychej.