San Mateo 11:20 - Qheshwa Biblia DC

²⁰ Chaypacha Jesús, k'amiyta qallarerqa, maypichus aswan milagrosta ruwarqa chaykunata. Runakuna manapuni juchasninkumanta Diosman kutirikorqankuchu.

DIOSPA QHELQACHISQAN DEUTEROCANONICAL

²⁰ Chaypacha Jesús k'amiyta qallarerqa, may llajtakunapichus astawan t'ukuna imakunata ruwarqa, chaypi tiyakojkunata, manapuni juchankumanta Diosman kutirikusqankurayku.

DIOSPA QHELQACHISQ

²⁰ Chaypacha Jesús k'amiyta qallarerqa, may llajtakunapichus astawan t'ukuna imakunata ruwarqa, chaypi tiyakojkunata, manapuni juchankumanta Diosman kutirikusqankurayku.

Quechua South Bolivia: Dios Parlapawanchej

²⁰ Waquin llajtaspi Jesuska astawan ashqha t'ucuna imasta atiyninwan ruwarka. Chaywanpis chaypi tiyacoj runaska juchasnincuta mana sakerkancuchu. Nitaj Diosman cutirerkancuchu. Chayraycu Jesuska chay llajtaspi tiyacojcunata c'amerka:

San Mateo 11:20 Referans Kwoze

Jeremías 8:6

Uyarishasqayman jinaqa mana pitapis, juchanmanta Diosman kutirikusqanta uyarinichu, manataj sut'ita ninchu, imata ruwasqaniri?, nispaqa. Tukuyninku ñanninta sinch'ita juyñarinku, maqanakupi jakiman kacharisqa caballos jina.

Apocalipsis 2:21

Unayta suyarqani juchamanta Diosman kutirikunanta; manataj payqa munanchu chay qhenchachakuy juchamanta kutirikuyta.

Apocalipsis 16:11

Janaj pacha Diospaj sajrata rimarqanku nanayninkurayku, ch'upusninkuraykutaj; manataj sajra ruwasqasninkumanta Diosman kutirikorqankuchu.

Apocalipsis 16:9

Runastaj sinch'i k'ajaywan ruphachikorqanku, Diospa sutimpa contrantataj rimarqanku. Qhesacharqanku pitachus aterqa qhechuyta chay jasut'iykunata; manataj Diosman kutirikorqankuchu payta jatunchanankupaj.

Santiago 1:5

Mayqellampis qankunamanta mana yachayniyoj kanman chayqa, Diosmanta mañakuchun. Dios qon tukuyman ashkhamanta mana k'amispalla. Cheqamanta chay yachayqa payman qosqa kanqa.

Hechos 17:20

Wakin parlasqaykitaqa manapuni ni jayk'aj uyarerqaykuchu. Chayrayku yachayta munayku, imatachus kaykuna niyta munasqanta.

Marcos 16:14

Qhepaman Jesús rikhurillarqataj chunka ujniyoj apostolesninman mikhushajtinku. Paykunatataj k'amirarqa, rumi sonqos mana creesqankurayku, imaraykuchus kausarimpusqanta rikojkunatapis manapuni creerqankuchu.

Marcos 9:19

Jesustaj paykunaman kuticherqa: Ay, mana creey atej runas! Mayk'ajkamataj qankunawan kasaj? Mayk'ajkamataj aguantasqaykichejri? Chay ch'itita pusamuwaychej.

San Mateo 12:41

Nínive llajtayojkuna juiciopi jatarimonqanku; kunan p'unchay runastataj juchachanqanku. Ninivemanta kajkunaqa, Jonás predicajtinkama Diosman kutirikorqanku. Kaypitaj kashan Jonasmanta aswan kuraj.

2 Corintios 12:21

Manchachikullanitaj, kutimojteyqa Diosniy k'umuykachachinawanta qankuna ukhupi. Ichapis waqanay kanqa, chay ashkha, ñaupajta juchallikojkunamanta, Diosman mana kutirisqankumanta, nitaj saqesqankumanta millay kausayninkuta, qhenchachakuyta, aychaj sajra munaynintapis.