Marcos 8:34 - Qheshwa Biblia DC

³⁴ Chaymantataj runasta, yachachisqasnintawan wajyaspa nerqa: Pillapis qhepayta jamuyta munaspaqa, pay kikinmanta qonqapuchun. Chaymantataj cruzninta oqharispa qhepayta jamuchun.

DIOSPA QHELQACHISQAN DEUTEROCANONICAL

³⁴ Chaymanta Jesús yachachisqankunata, chay tantasqa runakunatawan wajyaspa, nerqa: Pillapis yachachisqay kayta munajqa munasqanman jinalla purinanta saqechun, cruzninta oqharispataj, qhepayta jamuchun.

DIOSPA QHELQACHISQ

³⁴ Chaymanta Jesús yachachisqankunata, chay tantasqa runakunatawan wajyaspa, nerqa: Pillapis yachachisqay kayta munajqa munasqanman jinalla purinanta saqechun, cruzninta oqharispataj, qhepayta jamuchun.

Quechua South Bolivia: Dios Parlapawanchej

³⁴ Chanta chay ashqha runastawan yachacojcunantawan wajyaspa nerka: —Pichus munashan yachacojniy cayta nokawan riytapis chayka, sakenan tiyan quiquin munayninta. Chaywanpis nokaraycu pay quiquinpi muchunan tiyan wañunancama. Nokatataj casunawanpuni tiyan.

Marcos 8:34 Referans Kwoze

San Mateo 10:38

Pichus, mana cruznin oqharisqa qhepayta qhatimuwanqachu chayqa, mana noqapaj jinachu.

San Juan 10:27

Noqa ovejasniyta rejsini, paykunataj vozniyta uyariwanku, qhepaytataj jamunku.

1 Reyes 14:8

Davidpa ayllunmanta reinota qhechuspa qanman qorqayki. Qanqa mana kamachiy David jinachu kanki, payqa tukuy kamachisqayta waqaychaspa, tukuy sonqowan noqaj qhepaypi purerqa noqaj ñaupaqeypi cheqan kajta ruwaspa.

Gálatas 5:24

Cristojta kajkunaqa aychata chakatanku, sajra munayninkuta, munapayayninkutawan khuska.

Gálatas 2:20

Cristowan khuska chakatasqa karqani, manataj noqañachu kausani, manachayqa Cristo kausan noqapi. Kunan aychapi kausashaspapis, Diospa Churimpi creesqayrayku kausashani. Pay munakuwarqa, pay kikintaj wañorqa noqarayku.

1 Juan 3:16

Jesucristo kausayninta noqanchejrayku qorqa, chaypitaj munakuyninta rejsinchej. Ajinata noqanchejpis wauqesninchejrayku kausayninchejta qonanchej tiyan.

Números 14:24

Manachayqa kamachiy Caleblla waj laya sonqoyoj, kamachisqasniytapis allinta kasuwasqanrayku. Chayrayku chay jallp'ata payman rikuchisaj, miraynimpis chay jallp'ata jap'ikaponqanku.

San Mateo 16:24

Chaypacha, Jesusqa yachachisqasninman nerqa: Pillapis noqawan riyta munajqa, pay kikinta qhesachakuchun, cruznin oqharisqataj qhatiwachun.

Romanos 8:17

Paypa wawasnin kanchej chayqa, chayaqeyoj kanchej. Diosmanta chayaqeyojña kaspataj, Cristowan khuska chayaketa jap'isunchej. Imaynatachus Cristowan khuska ñak'arinchej chayqa, paywan khuskallataj janaj pacha k'anchaypi wiñaypaj kasunchej.

San Lucas 9:23

Tukuy runamantaj nerqa: Pillapis qhepayta jamuyta munajqa, pay kikinta qhesachakuchun; cruzninta oqharispataj sapa p'unchay qhatiwachun.

Colosenses 3:5

Wañuchiychej ari qankunapi jallp'a patapi sajra imasta munasqaykichejta: Qhenchachakuyta, khuchiriota, aychaj munayninta ruwayta, sajra munapayayta, anchata qolqeta munapayayta ima. Chayqa lantita yupaychaywan ninakun.

Filipenses 3:7

Chay tukuy imasqa qhapajyanaypaj karqanku. Kunantaj chaykunata qhesachani Cristota munakusqayrayku.

1 Pedro 4:1

Cristo ñak'arerqa aychampi, ajinallatataj qankunapis ñak'arinaykichejpaj wakichikuychej. Aychampi ñak'arejqa juchata atipanña, qhepa p'unchaykunapi ama aychaman jina kausanampaj, nitaj runakunaj munayninman jinachu. Astawanqa, Diospa munayninman jina kausaychej.

Gálatas 6:14

Noqaqa Señorninchej Jesucristoj cruznillampi kusikuni. Paynejta noqapajqa mundo chakatasqa karqa, noqataj mundopaj.

1 Corintios 15:31

Niykichej hermanos, sapa p'unchay wañuy patapi kasqayta, Señorninchej Jesucristopi qankunamanta kusikusqayrayku.

Romanos 6:6

Yachanchej mauk'a runanchejqa paywan khuska chakatasqa kasqanta, juchallikoj aychanchej wañunampaj, amañataj astawan juchata kasunanchejpaj.

San Lucas 14:33

Jinata ari, pillapis qankunamanta, tukuy tiyapusqanta mana saqejqa, mana yachachisqay kayta atinmanchu.

2 Pedro 1:14

Yachakuniña pisi p'unchaymantawan kay aycha cuerpoyta saqepunayta. Señorninchej Jesucristopuni jinata sut'inchawan.

1 Pedro 4:13

Astawanqa kusikuychej Cristoj ñak'arisqampi chayaqeyoj kasqaykichejmanta; payqa jatun kaynimpi rikhurimojtintaj, may kusiywan junt'asqa kanaykichejpaj.

Tito 2:12

Yachachiwanchej Diospa contrampi kajkunata saqenata, kay mundoj sajra munaynintapis. Astawanqa kay mundopi maychus kajta kausana, cheqanta, Diosta yupaychaspa.

Colosenses 1:24

Kunanqa kusisqa kani, qankunarayku ñak'ariypi rikukuspa. Kay jinamanta aychaypi junt'ashani imachus pisisqanta Cristoj ñak'ariyninman cuerponrayku, chaytaj iglesia.

Hechos 14:22

Chay llajtaspitaj creejkunata sonqocharqanku, creesqankupi sinch'ita sayanankupaj, nerqankutaj: Noqanchejqa tukuy imasta ñak'arinanchejpuni tiyan, Diospa reinonman yaykunanchejpaj.

San Lucas 18:22

Chayta uyarispataj Jesusqa payman nerqa: Chaywampis, uj imataraj ruwanayki tiyan: Vendemuy tukuy kapuyniykita, wajchasmantaj qomuy. Chantaqa kapuyniyoj kanki janaj pachapi. Chaymantaraj jamuy, qhatiwaytaj.

San Lucas 13:24

K'ullku punkunejta yaykunaykichejpaj kallpakuychej; imaraykuchus ashkhas munanqanku yaykuyta, manataj atenqankuchu.

San Mateo 27:32

Llojsishaspataj tinkorqanku, Cirene llajtayoj, Simón sutiyoj runawan; Jesuspa cruznintataj paywan apacherqanku.

Apocalipsis 2:10

Ama manchachikuychu chay imasta ñak'arinaykimantaqa. Qhaway, qankunamanta wakinta supayqa carcelman wisq'achenqa, rejsisqa kanaykichejpaj, chunka p'unchaytataj llakiyniyoj kankichej. Wañuykama creellaypuni, noqataj kausay pilluta qanman qosqayki.

Hebreos 13:13

Llojsina ari, jaramanta jawaman Jesusta taripaj, ñak'ariyninta apaspa.

2 Tesalonicenses 3:11

Cheqamanta, uyariyku wakinkuna qankuna ukhupi pantasqata purisqankuta, mana imapi llank'aspa, astawanqa tukuy imaman sat'ikuspa.

1 Corintios 9:19

Chayrayku libre kashaspa kunanqa tukuypa kamachin kani, aswan ashkha runasta Cristoman pusanaypaj.

1 Corintios 8:13

Chayrayku lantiman jaywasqata mikhusqaychus hermanoyta misk'achinman chayqa, mana jayk'ajpis aychata mikhusajchu, hermanoyta ama misk'achinaypaj.

San Juan 19:17

Jesustaj llojserqa cruznin lijrarisqa, T'ojlu pata nisqa cheqaman. Chaytaj hebreo parlaypi Gólgota nisqa karqa.

San Lucas 20:45

Tukuy runa uyarishajtintaj yachachisqasninman nerqa: Leymanta yachachejkunamanta qhawakuychej. Paykunaqa qhoysu p'achaswan puriyta munanku. Plazaspi napaykuchikuyta, sinagogaspipis sumaj tiyanasta mask'anku. Jatun mikhuykunaspipis ñaupajpipuni tiyayta munanku.

Marcos 10:21

Chantá Jesusqa qhawarispa munakuywan nerqa: Uj imataraj ruwanayki tiyan. Rispa tukuy imasniykita vendemuy, wajchasmantaj qopuy chay qolqeta, janaj pachapitaj ashkha kapuyniyki kanqa. Chantá jamuy, cruzniykita oqharispataj qhatiway.

Marcos 7:14

Ujtawan runasta wajyaspa, Jesús nerqa: tukuyniykichej uyariwaychej, entiendeychejtaj.