Marcos 4:19 - Qheshwa Biblia DC

¹⁹ Chantá kay mundoj imasnimpi yuyaykuna, qhapajyayta munapayay, tukuy laya sajra imaspi yuyaykuna ima, runaj sonqonman yaykuspa Diospa palabranta k'irinchanku, manataj poqojta saqenkuchu.

DIOSPA QHELQACHISQAN DEUTEROCANONICAL

¹⁹ Chantá sonqonkupi kay kawsaymanta phutikuykunawan, qhapajyayta munanawan, waj imakunata munapayaywan ima Diospa nisqanta p'ampaykunku. Chayrayku Diospa munasqanta mana ruwayta atinkuchu.

DIOSPA QHELQACHISQ

¹⁹ Chantá sonqonkupi kay kawsaymanta phutikuykunawan, qhapajyayta munanawan, waj imakunata munapayaywan ima Diospa nisqanta p'ampaykunku. Chayrayku Diospa munasqanta mana ruwayta atinkuchu.

Quechua South Bolivia: Dios Parlapawanchej

¹⁹ Chay uyarejcunataj anchataraj yuyashancu cay pacha imasmanta. Munashancu ancha khapaj capuyta pantachej cusiytawan. Cay pacha imasta munashancupuni. Tucuy chay imas sonkoncupi Diospa niskanta sipiycapun. Ajinamanta mana pokoyniyoj caspa causaynincupi Diosta mana cusichincuchu.

Marcos 4:19 Referans Kwoze

1 Timoteo 6:17

Kay pachapi qhapajkunata kamachiy ama alabakunankuta, amataj kapuyninkupi suyanankuta. Chaykunaqa mana kajlla. Kausashaj Diosqa tukuy imata qowanchej ashkhata chaywan kausananchejpaj.

Filipenses 4:6

Ama imamantapis llakikuychejchu, astawanqa Dios yachachun tukuy ima mañakusqaykichejta, majakuspa, graciasta qospataj.

San Mateo 19:23

Chantataj Jesusqa yachachisqasninman nerqa: Cheqamanta niykichej, qhapaj runaqa ñak'ayllata janaj pacha reinoman yaykonqa.

San Juan 15:2

Tukuy rama noqapi kashaspa, mana poqonmanchu chayqa, Dios Tata k'utonqa. Poqoyta apaj ramatataj llimphuchanqa, astawan poqoyta apanampaj.

San Lucas 21:34

Qhawarikuychej, pajtataj sonqoykichej atipachikunman mikhunawan, machaykuywan, kay mundoj kusiyninwan ima. Jinallapitaj juicio p'unchay taripasunkichejman.

San Lucas 10:41

Jesustaj kuticherqa: Marta, Marta, ancha uma muyusqa kashanki; musphashankitaj chay chhika ruwanaswan.

Isaías 5:4

Imatawantaj ruwanay kanman karqa uvas sach'asniytari? Manachu allinta plantarqani? Noqaqa suyarqani uvasniy sumajta poqonanta. Imajtintaj k'allku uvasllata poqonri?

Isaías 5:2

Jallp'ata allarqa, rumisnintataj pallarqa, chaymantaj sumajnin kaj uvas k'aspista plantarqa. Chay uvas chajraj chaupimpitaj uj ch'ujllata ruwarqa, chaymantaqa ruwallarqataj uj uvas ch'irwanata. Munasqayqa suyarqa sumajta uvasnin poqonanta, chay tukuywampis k'allku uvasllata poqorqa.

2 Pedro 1:8

Chay imaschus qankunapi kashanku, ashkhayashankutaj chayqa, mana saqesunkichejchu qhellas kanaykichejta, nitaj Señorninchej Jesucristota mana poqoyniyoj rejsinaykichejta.

2 Timoteo 4:10

Demasqa saqerpariwan, Tesalonicamantaj ripun, kay mundoj imasninta munakuspa. Crescentepis Galaciaman rerqa, Titotaj Dalmaciaman.

Eclesiastés 4:8

Uj sapan kaj runaqa mana yanapayniyoj, ni jayk'aj samarikunchu ima ruwaymantapis, qhapajyayninta qhawaspallapuni mana sayk'unchu, nitaj tapurikunchu: Pipajtaj kay jinata llank'ashaniri, almayta allin imasmanta ch'aukiyaspari?, nispallapis. Chaypis qhasi mana kajlla, qhasi mana kajpajtaj llank'arqa.

Judas 1:12

Paykunaqa, munasqa qarakusniykichejta ch'ichichanku. Mana manchachikuspa qankunawan khuska mikhunku, paykuna kikinkuta michikuspa. Paykunaqa kanku mana yakuyoj phuyus, wayraj apaykachasqasnin, poqoy tiempopi mana poqoyniyoj sach'as, iskay kuti wañusqas, saphinmantapacha t'irasqas.

San Mateo 3:10

Ñapis hachaqa, sach'aspa saphinman churasqaña kashan. Tukuy mana allinta poqoj sach'ataj k'utusqa kanqa, ninamantaj kanasqa.

Proverbios 23:5

Allintachus qhawarikuwaj chayqa, qhapajyayqa mana imachu, qhapajyayqa irpa ankas lijrachakuytawan phawaspa ripunku jinalla.

Proverbios 23:4

Amam anchata kallpakuychu qhapajyanaykimanta, chayllamanta llakikunaykita saqey.

San Mateo 13:22

Khishka ukhuman t'akakoj mujutaj palabrata uyarejman rijch'akun. Mundo imaspi yuyaykuna, qhapajyayta munapayay ima, Diospa palabranta qonqachispa mana poqojta saqenkuchu.

Marcos 4:18

Wakin runastaj, khishkas chaupiman t'akakoj muju jina kanku. Paykunaqa Diospa palabranta uyarinku.

Romanos 12:2

Ama kay mundoj munayninman jina puriychejchu, astawanqa yuyayniykichejpa mosoj kayninman jina allinta kausaychej, yachanaykichejpaj mayqenchus Diospa munaynin kasqanta, k'acha, kusichej, junt'asqataj.

Efesios 2:2

Chaykunapi qankunaqa ñaupajta purej kankichej, kay pachaj kamachisqanman jina kausaspa. Wayrapi kamachejpa atiyninman jina kausaj kankichej; chay espiritoqa kunan Diosta mana kasojkunata kamachishan.

Efesios 6:12

Mana kausaj runawanchu maqanakusun, manachayqa maqanakoj sayaykuna atiyniyojkunaj contranta, kay pachapi laqhayayta kamachejkunaj contranta, janaj pachapi sajra espirituspa contranta ima.