Marcos 3:27 - Qheshwa Biblia DC

²⁷ Mana ni pipis kallpasapa runaj wasinman yaykuyta atinchu kapuyninta qhechoj, manachus ñaupajta kallpasapata wataykunmanraj chayqa. Chantaraj wasimpi kajta suwanqa.

DIOSPA QHELQACHISQAN DEUTEROCANONICAL

²⁷ Mana pipis kallpasapa runaj wasinman yaykuyta atinmanchu kapuyninta qhechoj, manachus ñawpajta kallpasapa runata wataykunmanraj chayqa. Wataykusparajpuni, chay runaj wasinpi kaj chhikata suwakapunman.

DIOSPA QHELQACHISQ

²⁷ Mana pipis kallpasapa runaj wasinman yaykuyta atinmanchu kapuyninta qhechoj, manachus ñawpajta kallpasapa runata wataykunmanraj chayqa. Wataykusparajpuni, chay runaj wasinpi kaj chhikata suwakapunman.

Quechua South Bolivia: Dios Parlapawanchej

²⁷ ‘Chaywanpis callpasapa runata mana wataycunmanchu chayka, ni pi wasinman capuyninta suwaj yaycuyta atinchu. Callpasapa wataycuska cajtillan suwajka yaycuyta atin. [Nokapis ajinallatataj Satanasta atipaspa millay supaycunata kharkoshani].

Marcos 3:27 Referans Kwoze

San Mateo 12:29

Chayrí imaynatataj pipis, uj kallpasapa runaj wasinman yaykunman, tukuy imasninta qhechoj, manaraj wasiyojta ñaupajta wataykuspari? Chaymantaraj wasintaqa ch'inyachinman.

1 Juan 4:4

Wawitasníy, qankunaqa Diosmanta kankichej, paykunatataj atiparqankichej, imaraykuchus qankunapi kajqa astawan atiyniyoj kay pachapi kajmanta nisqaqa.

Isaías 53:12

Chayrayku atiyniyojkunamanwan khuska chayaqenta qopusaj. Chaymanta payqa atipajkunaj t'inkanta jap'ikaponqa, pay kikin wañuyman jaywakusqanrayku. Payqa juchasapaswan khuska yupasqa karqa, tukuypa juchasninta apaspa, Diosmantataj chay juchasapaspaj mañapuspa.

Isaías 27:1

Chay p'unchaypi Señorqa, manchay atiyniyoj espadanwan manchayta phawaj Leviatán katarita jasut'enqa, manchayta ch'aukiyaj Leviatán katarita. Chantá mar qochapi kashaj dragontapis wañuchenqa.

1 Juan 3:8

Juchallikojqa supaypata. Supayqa qallariymanta juchallikun. Chayrayku, Diospa Churenqa jamorqa supaypa ruwasqasninta phirinampaj.

Colosenses 2:15

Cristo cruzpi wañuspa atiparqa kamachejkunata, atiyniyojkunata ima, tukuypa rikunanta paykunata p'enqaypi rikhurichispa.

San Juan 12:31

Kunan mundopaj juicio chayamun. Kunanmá mundota kamachejqa jawaman qharqosqa kanqa.

Isaías 61:1

Señorpa Espíritun noqawan kashan, imaraykuchus Señorpuni noqataqa ajllawan. Sumaj willaykunata wajchasman willanaypaj kachamuwan, llakisqastataj sonqochanaypaj. Kachamuwantaj wata kamachis librasqas kanankuta ninaypaj, jinallataj carcelespi kajkunatapis kacharichinaypaj.

Hebreos 2:14

Wawasqa uj yawarllamanta, uj aychallamanta kanku; ajinallatataj Cristopis, chaykunallamantataj kaspa, wañuynejta, wañuypa atiyninta jap'ejta atipanampaj, niyta munan, supayta.

Romanos 16:20

Pisimantawan sonqo tiyakuy Dios, Satanasta chakiykichej urapi saronqa. Señorninchej Jesucristoj khuyakuynin qankunawan kachun.

Génesis 3:15

Qantawan warmitawan chejninachisqaykichej. Jinallataj mirayniykiwan mirayninwampis chejninakonqanku. Miraynin umaykita saronqa, qantaj chaki talonninmanta khaninki.