Marcos 16:15 - Qheshwa Biblia DC

¹⁵ Jesustaj nerqa: Riychej tukuy mundoman, evangeliota willamuychej tukuy runasman.

DIOSPA QHELQACHISQAN DEUTEROCANONICAL

¹⁵ Jesustaj nerqa: Qankuna tukuy kay pachaman riychej, jinaspataj noqamanta sumaj willayta tukuy runaman willamuychej.

DIOSPA QHELQACHISQ

¹⁵ Jesustaj nerqa: Qankuna tukuy kay pachaman riychej, jinaspataj noqamanta sumaj willayta tukuy runaman willamuychej.

Quechua South Bolivia: Dios Parlapawanchej

¹⁵ Jesuska paycunaman nerka: —Tucuy cay pachantinman riychej. Sumaj willanasta tucuy runasman willaramuychej.

Marcos 16:15 Referans Kwoze

San Mateo 28:19

Chayrayku riychej, tukuy laya runasta yachachisqasniyman tukuchimuychej, bautizaspa Dios Tataj sutimpi, Churej sutimpi, Santo Espíritoj sutimpiwan, yachachispataj qankunaman kamacherqaykichej chayta, paykunapis waqaychanankupaj. Chantá yachaychej, noqa qankunawan tuta p'unchay kasqayta, kay pacha tukukunankama. Amén.

Marcos 13:10

Evangelioqa ñaupajta tukuy llajtaspi willakunan tiyan.

Hechos 1:8

Manachayqa Santo Espíritu qankunaman jamojtin, atiyta jap'inkichej. Rispataj, noqamanta imatachus yachasqaykichejta willankichej Jerusalempi, tukuy Judea jallp'api, Samariapi, tukuy kay pachaj cantosnintimpi ima.

Salmos 96:3

Jatun kayninmanta tukuy runasman willaychej. Chay sumaj ruwasqasninmantataj, tukuy ayllusman parlaychej.

1 Juan 4:14

Noqaykutaj rikorqayku, willaykutaj Dios Tata churinta kachamusqanta kay pachapi runaspa Salvajnin kanampaj.

San Juan 15:16

Mana qankunachu ajllawarqankichej, astawanqa noqa ajllarqaykichej; churarqaykichejtaj willaj rinaykichejpaj, poqoytataj apanaykichejpaj. Chay poqoyniykichejtaj kakunallampajpuni; tukuy imata sutiypi Dios Tatamanta mañakusqaykichejta taj, pay qosonqachej.

San Juan 20:21

Chaypachataj Jesús ujtawan paykunaman nerqa: Sonqo tiyakuy qankunawan kachun. Imaynatachus Dios Tata noqata kachamuwarqa, ajinallatataj qankunatapis kachaykichej.

Colosenses 1:23

Cheqamanta saphinchasqas sinch'ita sayaychej, fepi mana kuyuspa, evangelioj yuyayninta uyarisqaykichejpi. Kay evangeliomanta tukuy kay pachapi kajkunaman willakun. Noqa Pablopis chay evangeliomanta willanaypaj churasqa kani.

Romanos 16:26

Chayqa kunan rikuchisqaña karqa, profetaspa escribisqankupi, wiñaymantapacha Diospa kamachiynin jina. Chay pakasqa yachayqa runasman rejsichisqaña kashan, creenankupaj kasunankupajtaj.

Romanos 10:18

Chanta nini: Manachu uyarerqanku? Arí, uyarerqankupuni, imaraykuchus paykunaj willasqankoqa tukuynejman chayarqa, kay pachaj cantosninkama.

Salmos 22:27

Tukuy laya runas, tukuy llajtas, tukuy kay pachamanta runas, Señormanta yuyarikuychej, payman jamuychej, qonqorikuychejtaj ñaupaqempi.

Isaías 45:22

Noqaman jamuychej tukuy jallp'api tiyajkuna. Noqamin Diosqa kani. Noqa salvasqaykichej. Mana astawan wajqa kanchu.

Apocalipsis 14:6

Waj angeltataj janaj pachaj chaupinta phawajta rikorqani, wiñay evangelio jap'ishajta; kay pachapi tiyakojkunaman, tukuy llajtasman, ayllusman, waj parlayniyojkunaman, tukuy runasman ima willanampaj.

Colosenses 1:6

Kay evangelioqa qankunakama chayamorqa, jinallataj tukuy mundontinman. Kaytaj poqon, qankunapipis wiñan, maypachachus Diospa khuyakuyninta cheqamanta uyarerqankichej, rejserqankichejtaj chay p'unchaymantapacha.

Efesios 2:17

Pay jamorqa willaj mosoj willanasta allin kausakuymanta qankuna karupi kashajkunaman, pikunachus qayllapi kashajkunamampis.

Isaías 49:6

Chanta payqa niwarqa: Kamachillay kanaykeqa mana allinchu, Jacobpa ayllusninta kutirichimunallaykipajqa, Israelmanta puchojkunata kutirichimunallaykipajqa. Astawampis nacionespa k'anchaynin kanaykipaj churayki, salvacionniyta apanaykipaj, karu jallp'aspi kajkunasnintinman.

Salmos 98:3

Payqa Israel ayllunrayku munakuyninta, cheqa kaynintawan mana qonqanchu. Kay pachapi kaj chhika runakuna, Diosninchejpa atipasqanta rikunku.

Isaías 52:10

Señor atiyninta rikuchin tukuy nacionespa ñaupaqempi. Tukuy kay pachapi yachanqanku Diosninchejpuni salvawasqanchejta.