Marcos 16:14 - Qheshwa Biblia DC

¹⁴ Qhepaman Jesús rikhurillarqataj chunka ujniyoj apostolesninman mikhushajtinku. Paykunatataj k'amirarqa, rumi sonqos mana creesqankurayku, imaraykuchus kausarimpusqanta rikojkunatapis manapuni creerqankuchu.

DIOSPA QHELQACHISQAN DEUTEROCANONICAL

¹⁴ Qhepaman Jesús chunka ujniyoj yachachisqankunamanpis rikhurillarqataj, paykuna mikhushajtinku. Jinapi paykunata k'amerqa, rumi sonqo kaspa, mana paypi atinikusqankurayku, imaraykuchus kawsarimpusqanta rikojkunaj nisqankutapis manapuni jap'ikorqankuchu.

DIOSPA QHELQACHISQ

¹⁴ Qhepaman Jesús chunka ujniyoj yachachisqankunamanpis rikhurillarqataj, paykuna mikhushajtinku. Jinapi paykunata k'amerqa, rumi sonqo kaspa, mana paypi atinikusqankurayku, imaraykuchus kawsarimpusqanta rikojkunaj nisqankutapis manapuni jap'ikorqankuchu.

Quechua South Bolivia: Dios Parlapawanchej

¹⁴ Aswan khepatataj miqhunancupaj tiyacushajtincu quiquin chunca ujniyojnintinman Jesús riqhurerka. Paycunatari mana creeskancumanta rumi sonko caskancumantawan c'amerka, payta causarimuskata ricojcunata mana creeskanraycu.

Marcos 16:14 Referans Kwoze

1 Corintios 15:5

Rikhurerqataj Pedroman, chaymanta chunka iskayniyoj apostolesninman.

Apocalipsis 3:19

Tukuy munakusqasniyta k'amini, jasut'initaj. Sonqochakuy ari, juchamantataj kutirikuy.

San Juan 20:27

Kikimpacha Tomasman nerqa: Dedoykita kayman churay, makisniytataj qhawariy, makiykita apamuy, churaykuytaj ukhuyman; amataj iskayrayaychu, astawanqa creey.

San Mateo 11:20

Chaypacha Jesús, k'amiyta qallarerqa, maypichus aswan milagrosta ruwarqa chaykunata. Runakuna manapuni juchasninkumanta Diosman kutirikorqankuchu.

San Lucas 24:25

Chantá pay nerqa: Ay, mana yuyayniyojkuna rumi sonqos, chay jinatapunichu mana creenkichej profetaspa tukuy nisqanta!

Marcos 7:18

Jesustaj paykunaman nerqa: Qankunapis mana yuyayniyojllatajchu kankichej? Manachu yachankichej, tukuy ima jawamanta runaman yaykojqa, mana ch'ichichasqanta?

San Mateo 17:20

Paytaj kuticherqa: Pisi feniykichejrayku. Cheqamanta niykichej, sichus mostaza muju chhikallampis feniykichej kanman chayqa, kay orqota niwajchej: Kaymanta jaqayman ithiriy, nispa; rinmantaj. Mana imapis qankunapaj kanmanchu mana atikojqa. [

Números 14:11

Señortaj Moisesman nerqa: Mayk'ajkamataj kay runasqa noqata qhesachawanqankuri? Mayk'ajkamataj mana creewanqankuchu, paykunaj chaupinkupi rikushajtinku milagrosta ruwashajtiypisri?

San Mateo 28:17

Jesusta rikuytawantaj yupaycharqanku, wakinrí iskayrayarqanku.

San Lucas 24:11

Warmispa nisqankutataj yachachisqasqa mana creerqankuchu.

San Juan 20:25

Yachachisqastaj payman nerqanku: Señorta rikuyku. Tomastaj paykunaman nerqa: Sichus makisnimpi clavospa jusk'usqanta mana rikusaj chayqa, mana creesajchu. Chantá manatajchus dedoyta clavospa jusk'usqanman sat'iykusaj, nillataj wajtannimpi lanzawan t'ojsisqaman makiyta churaykusaj chaypis, manapuni creesajchu.

San Juan 20:26

Pusaj p'unchayninman, yachachisqas ujtawan wasipi tantakorqanku, Tomaspis paykunawan kasharqa. Punkus wisq'asqa kashajtin, Jesús jamuspa chaupinkupi rikhurerqa, nerqataj: Sonqo tiyakuy qankunawan kachun, nispa.

San Juan 21:1

Chay qhepata, Jesús ujtawan yachachisqasninman rikhurerqa, Tiberias qocha qayllapi; ajinamanta pay rejsichikorqa.

San Juan 21:14

Kaywantaj kinsa kutiña karqa, Jesús wañusqasmanta kausarimuspa, yachachisqasninman rikhurisqan.

Hechos 1:3

Wañusqamanta kausarimuspataj, kikin Jesús apostolesninman rikuchikorqa. Ashkha kutita paykunaman rikhurerqa, tukuy laya ruwaykunata ruwaspa, cheqamanta yachanankupaj Jesús kausashasqanta. Tawa chunka p'unchaykunapi taj, paykunaman rikuchikuspa, Dios tataj reinonmanta parlarqa.