Marcos 10:14 - Qheshwa Biblia DC

¹⁴ Chayta rikuspataj, Jesusqa phiñakorqa yachachisqasnimpaj, nerqataj: Saqeychej wawas noqaman jamojta, ama jark'aychejchu; imaraykuchus paykunajta Diospa reinonqa.

DIOSPA QHELQACHISQAN DEUTEROCANONICAL

¹⁴ Jesús chayta rikuspa, yachachisqankunapaj phiñakorqa, nerqataj: Wawakunata noqaman jamojta saqeychej, amataj jark'aychejchu, imaraykuchus kay wawakuna jina kajkunalla Diospa kamachiyninman yaykonqanku.

DIOSPA QHELQACHISQ

¹⁴ Jesús chayta rikuspa, yachachisqankunapaj phiñakorqa, nerqataj: Wawakunata noqaman jamojta saqeychej, amataj jark'aychejchu, imaraykuchus kay wawakuna jina kajkunalla Diospa kamachiyninman yaykonqanku.

Quechua South Bolivia: Dios Parlapawanchej

¹⁴ Chayta ricuspa Jesús phiñacorka, yachacojcunanta nerkataj: —Sakeychej wawitasta nokaman jamunancuta. Amañataj paycunata jarc'aychejchu. Dios paycunajinata munacuyninwan camachenka.

Marcos 10:14 Referans Kwoze

San Mateo 19:14

Jesustaj paykunaman nerqa: Saqeychej wawasta noqaman jamunankuta, ama jark'aychejchu. Janaj pacha reinoqa paykuna jina kajkunapaj.

San Mateo 18:10

Ama mayqenta, kay juch'uykunamanta qhesachankichejchu. Noqaqa niykichej, paykunaj angelesninkoqa qhawashankupuni janaj pachapi kaj Tataypa uyanta. [

San Mateo 18:4

Pillapis kay wawa jina llamp'u sonqoyoj kanman chayqa, janaj pacha reinopi tukuymanta aswan kuraj kanqa.

1 Pedro 2:2

Espirituman jina, llimphu lecheta munaychej, ñuñoj wawas jina, chaywan salvaciompaj wiñanaykichejpaj, sichus Señorpa k'acha kayninwan misk'ichikorqankichej chayqa.

2 Timoteo 3:15

Qanqa, wawamantapacha yachakuyta qallarerqanki ajllasqa Escriturasta. Chaykunataj yachayta qosonqanku, salvacionta tarinaykipaj, fenejta Cristo Jesuspi.

Apocalipsis 14:5

Siminkupipis mana ima llullakuy tarikorqachu. Paykunaqa mana ima ch'ichiyoj kanku.

2 Timoteo 1:5

Yuyarikuni tukuy sonqo creesqaykimanta. Ñaupajtaqa abuelayki Loidapis, mamayki Eunicepis creerqanku. Noqa allinta yachani creesqallaykitataj.

Efesios 4:26

Phiñakuspaqa, ama juchallikuychejchu, nitaj phiñasqa kashajtiykichejpis inti yaykupuchunchu.

1 Corintios 14:20

Hermanos, yuyaypeqa ama wawas jina kaychejchu, astawanqa sajra yuyaypaj wawas jina kaychej. Machu runas jina allinta yuyaychej.

1 Corintios 7:14

Qosaqa, mana creejqa, warminnejta llimphuchasqa. Ajinallataj mana creej warmipis, qosannejta llimphuchasqa. Mana jina kanman chayqa, wawasninkupis mana allin qhawasqachu kankuman. Kunanqa wawasninkupis llimphuchasqas kanku.

Romanos 11:28

Paykunaqa qankunarayku evangelio jawa enemigos kanku. Ajllasqas kasqankuman jinataj munasqas kanku ñaupa tatasrayku.

Romanos 11:16

Sichus ñaupajta llojsimoj t'antas llimphus kanku chayqa, Ajinallataj tukuynin masapis llimphu. Ajinallataj sichus sach'aj saphisnin llimphus kanku chayqa, tukuynin ramasnimpis llimphusllataj kanku.

Hechos 3:25

Qankunaqa profetaspa wawasnin kankichej, jap'erqankichejtaj tatasniykichejwan Dios tratota ruwasqanta. Maypachachus Abrahamman nerqa: Qampa mirayniykipi, tukuy runaj ayllusnin bendicisqa kanqa, nispa.

Hechos 2:39

Diosqa nerqa Santo Espirituta qankunaman qonanta, wawasniykichejman, tukuy karu llajtaspi kajkunamampis, pikunatachus Dios wajyan chaykunamanwan.

Marcos 8:33

Jesustaj yachachisqasninman kutirispa, Pedrota k'amerqa: Riy kaymanta, Satanás! Qanqa mana Diospa munaynintachu yuyanki, manachayqa runaspa munaynillanta.

Marcos 3:5

Chaymantá, Jesusqa muyuynimpi kajkunata phiñakuspa qhawarerqa, paykunamantataj llakikorqa rumi sonqos kasqankurayku; runamantaj nerqa: Aysariy makiykita. Paytaj makinta aysarerqa, thañikaporqataj.

Isaías 65:23

Paykunaqa mana qhasichu llank'anqanku, wawasninkutapis mana juchachasqas kanankupajchu nacechenqanku. Paykuna, chantá wawasninku imaqa Señorpa ajllasqasnin kanku.

Salmos 78:4

Mana pakaspa wawasninchejman willasunchej. Qhepa runa mitaswan Señorta yupaychasunchej. Parlasuntaj atiyninmanta, sumaj ruwasqasninmantawan.

Deuteronomio 4:37

Payqa ñaupa tatasniykichejta munakorqa, wawasninkutataj ajllarqa. Pay kikimpuni paykunata Egiptomanta jatun atiyninwan orqhomorqa.

Números 14:31

Juch'uy wawasniykichejta enmemigosniykichejpa makinman urmanankuta nerqankichej, chaykunallata chayachisaj qankunaj qhesachasqaykichej chay jallp'aman, paykuna chaypi tiyakonqanku.

Génesis 17:7

Kay tratota qanwan ruwasqayqa mirayniykej mirayninman ima chayanqa; noqa qampa Diosniykipuni kasaj, jinallataj paykunajtapis.

1 Samuel 1:22

Anataj mana rerqachu, qosanmantaj kay jinata nerqa: Mana riymanrajchu kay wawata januk'anaykama. Chaymantaraj risaj Señorman jaywamoj, chaypi wiñaypaj qhepakapunam paj.

1 Samuel 1:11

Señorman kayta nerqa: Tukuy Atiyniyoj Señor: Sichus qan qhawariwaj kay kamachiykej llakiyninta chayqa, noqamanta yuyarikuspa uj wawata qowankiman chayqa, noqa qopusqayki tukuy kausaynimpi qampa kamachiyki kanampaj, manataj jayk'ajpis chujchasnin k'utusqaschu kanqanku.

San Mateo 5:3

Kusikuyniyoj kanku wajcha sonqoyojkunaqa, imaraykuchus paykunajta janaj pacha reinoqa.

San Mateo 5:10

Kusikuyniyoj kanku cheqan kausayrayku ñak'arejkunaqa imaraykuchus janaj pacha reinoqa paykunajta kanqa.

San Juan 3:3

Jesustaj kutichispa nerqa: Cheqamanta, cheqamanta niyki, pichus watejmanta mana nacinmanchu chayqa, Diospa reinonta mana rikuyta atinchu.

San Juan 3:5

Jesús kutichillarqataj: Cheqamanta, cheqamanta niyki, pillapis mana yakumanta, Espiritumantawan nacinmanchu chayqa, Diospa reinonman mana yaykuyta atinchu.

Josué 8:35

Moisespa kamachisqasninmanta tukuy palabrasta Josueqa tukuy tantasqa israelitasman warmisman, wawasman, chanta karu llajtayojkuna paykunawan tiyakorqanku chaykunamanwan.