Malaquías 4:6 - Qheshwa Biblia DC

⁶ Paytaj tataspa sonqonta wawasninwan allinyachenqa, wawaspa sonqontapis tatasninkuwan. Mana jinata ruwajtinkoqa, noqa jamusaj, llajtantinta jasut'isaj, tukuyninta t'unaykuspa.

DIOSPA QHELQACHISQAN DEUTEROCANONICAL

⁶ 6 (3.24) Eliastaj tatakunaj sonqonkuta wawankukunawan allinyachenqa, jinallataj wawakunaj sonqonkutapis tatankukunawan. Mana jina kajtenqa, noqa jamuspa, tukuy suyuta jasut'isaj chinkachinaykama, nispa.

DIOSPA QHELQACHISQ

⁶ 6 (3.24) Eliastaj tatakunaj sonqonkuta wawankukunawan allinyachenqa, jinallataj wawakunaj sonqonkutapis tatankukunawan. Mana jina kajtenqa, noqa jamuspa, tukuy suyuta jasut'isaj chinkachinaykama, nispa.

Malaquías 4:6 Referans Kwoze

Isaías 11:4

Manachayqa, cheqanta ruwaspa wajchasta cheqanchanqa, kay jallp'api llamp'u sonqoyojkunapaj cheqanta ruwanqa. Sajra runataqa palabrallanwan nanachenqa; siminmanta samaynillanwan juchasapataqa wañuchenqa.

Daniel (hebreo) 9:11

Israelita runakunaqa, yachachisqasniykita tukuyninku mana kasorqankuchu. Kamachiyniykita kasunankuta qonqakaporqanku. Chayrayku kunanqa, kamachiyki Moisespa leynimpi juramentowan qelqasqa kashan chay maldicionqa pataykuman urmamuwayku, imaraykuchus contraykipi juchalliyku.

Apocalipsis 19:15

Paypa siminmanta uj filo espada llojsimushan, chaywan runakunata t'ojsinampaj. Payllataj fierro varawan kamachenqa; paytaj saronqa uvas sarunata, Tukuy Atiyniyoj Diospa k'ajaj phiñakuyninwan.

San Lucas 1:76

Qanri wawáy, jatun Diospa profetan sutichasqa kanki. Señorpa ñaupaqenta rinki, purinasninta wakichispa.

Isaías 65:15

Sutisniykichejta ajllasqasniyman saqenkichej chay sutista sajrapaj qhawanankupaj. Señorqa qankunata wañurachisonqachej, kamachisniytataj waj mosoj sutiwan sutichasaj.

Isaías 61:2

Señorpa allin watanta willanaypaj, Señor Diosninchej enemigosninman aynita kutichinanta, tukuy llakisqasta sonqochanaypajtaj.

Apocalipsis 22:3

Manañataj astawan ima maldiciompis kanqañachu; Diospa tronontaj Corderojpatawan chaypi kanqa; kamachisnintaj payta kasonqanku.

Zacarías 14:12

Chay llajtakuna, piskunachus Jerusalempa contranta maqanakorqanku, chaykunataqa Señor sinch'ita jasut'enqa. Chay runaspataqa sayashajtillanku aychanku ismuponqa, ñawisninkupis, ñawi t'oqosnillankupi ismuykaponqa, qallusninkupis simisninku ukhullapi ismuykaponqa.

Zacarías 14:2

Chay p'unchaypi Señor tantaykamonqa tukuy nacionesta Jerusalenwan maqanakunankupaj, wasisninkumanta orqhoraspa llajtantinta jap'ikaponqanku, warmisninkutapis mana munashajta qhenchachanqanku, chaypi tiyakojkunamanta khuskantapuni orqhospa waj llajtasman aparanqanku presosta jina. Chay puchojkunalla chaypi qhepakonqanku.

Zacarías 13:8

Chay jallp'api tiyakojkunamantaqa, kinsaman t'aqasqamanta uj iskay t'aqan jina wañonqa. Kinsa kaj t'aqalla kausayniyoj qhepakonqanku, chay qhepakojkunataj ninanejta apasqas kanqanku; imaynatachus qolqeta ninapi ch'uwachanku chayri qorita ch'uwachanku ajinata. Chaypacha paykunaqa noqaman wajyakamuwanqanku, noqataj uyarisaj paykunata. Paykunata sutichasaj: Aylluymin. Paykunatajrí kutichiwanqanku: Señorninchejqa Diosninchejpuni, nispa. Noqa Señor chayta nini.

Zacarías 5:3

Paytaj niwarqa: Chaypi tukuy jallp'aj maldicionninmanta qelqasqa kashan. Puraj ladopi escribisqa kasqanman jinaqa, pipis suwajqa chayri pipis qhasimanta jurajqa, mana jasut'isqapunichu kanqa.

Isaías 43:28

Kamachejkunasniykichejqa santo wasiyta ch'ichicharqanku. Chayrayku noqaqa Jacobpa ayllun Israelta saqerqani, chinkachisqa, p'enqachisqataj kananta.

Isaías 24:6

Chayrayku maldicionqa jallp'ata tukuchin, chaypi tiyakojkunapis jasut'ichikunku. Chaynejta jallp'a patapi tiyakojkunapis pisiyachisqas kanqanku. Jinamanta pisillaña qhepakonqanku.

Marcos 11:21

Pedrotaj Jesuspa nisqanta yuyarikuspa nerqa: Maestro, qhawariy, maldicisqayki higo sach'a ch'akipusqa.

San Mateo 22:7

Reytaj chayta uyarispa phiñakorqa, uj tropa soldadosnintataj kacharqa, chay runa wañuchista tukuchinankupaj; llajtankutataj ruphaykuchinankupaj.

Zacarías 11:6

Ajinallatataj, noqapis kay llajtapi tiyakojkunamantaqa manallataj khuyakusajchu. Manachayqa runa masinkoj makinman, jinataj reyninkoj makinman jaywaykusaj. Kaykunataj jallp'api tukuy kajta chinkachenqanku, ni pitapis makinkumanta salvasajchu. Noqa Señor chayta nini.

Hebreos 6:8

Ima jallp'achus khishkasta, qhasi qhorasta poqojqa, qhesachasqaña, maldicisqa kanampajtaj qayllapiña, tukukuynimpitaj ruphachisqa kanqa.

Isaías 40:3

Uj runaj qhaparisqan uyarikun: Señorpaj uj ñanta pichapuychej ch'in pampapi. Diosninchejpaj ch'in pampapi jatun ñanta cheqanta ruwapuychej.