Malaquías 4:2 - Qheshwa Biblia DC

² Qankuna sutiyta honrankichej chaykunapajqa, cheqan kayniy inti jina lliphipirenqa, k'anchaynimpi salvacionta apamuspa. Qankunataj kusiywan phinkirinkichej imaynatachus uña wakas corralmanta llojsispa phinkiykacharinku ajinata.

DIOSPA QHELQACHISQAN DEUTEROCANONICAL

² 2 (3.20) Qankuna noqata kasuwajkunapajrí, justiciay inti jina lliphipipirenqa, chay k'anchaynintaj sumaj kawsayta apamonqa. Chantá qankuna kusiymanta phinkirinkichej, imaynatachus torillokuna corralmanta llojsispa sink'urinku, ajinata.

DIOSPA QHELQACHISQ

² 2 (3.20) Qankuna noqata kasuwajkunapajrí, justiciay inti jina lliphipipirenqa, chay k'anchaynintaj sumaj kawsayta apamonqa. Chantá qankuna kusiymanta phinkirinkichej, imaynatachus torillokuna corralmanta llojsispa sink'urinku, ajinata.

Malaquías 4:2 Referans Kwoze

Jeremías 33:6

Jinapis jampiykusaj, kausachisajtaj, sonqo tiyasqa kaypi waqaychasqa kaypi mayta kusikonqanku.

Salmos 84:11

Señor Diosqa k'anchawanchej, waqaychawanchejtaj. Señorqa munakun qhawantaj llimphu sonqo kausakojkunata tukuy ima allintataj paykunaman qollampuni.

Isaías 30:26

Chaypacha, killaj k'anchaynenqa intej k'anchaynin jina kanqa. Inteqa chay k'anchayninmanta qanchis kutitawan jina k'anchanqa, qanchis intispis ujllapi k'anchamushanman jina. Chaypacha Señorqa ayllumpa nanasqasninta jampenqa, mayqenkunatachus payllataj nanaykucherqa.

San Lucas 1:78

Diosninchejqa, khuyakoj sonqonrayku, patamantapacha k'anchamuspa watukuwarqanchej.

San Juan 8:12

Jesús uj kutitawan runasman parlallarqataj: Noqa kay pachaj k'anchaynin kani; pillapis noqata qhatikuwajqa, mana laqhapi purenqachu, astawanqa kausay k'anchayniyoj kanqa.

Isaías 53:5

Payqa nanachisqa karqa Diosta mana kasusqanchejrayku. Juchanchejrayku tukuy ukhun t'unasqa karqa. Pay jasut'ita jap'ikusqanrayku sonqo tiyakuyta apamuwarqanchej, chay jina k'irisqa kasqanwantaj jampisqas kanchej.

Malaquías 3:16

[Chaypacha Diosta honrajkuna parlanakorqanku, chaytataj Señorqa sumajta uyarerqa, imatachus nisqankuta. Señorpa ñaupaqempi uj libro qelqakorqa. Payta honrajkuna, paypa sutinta yuyarikojkunataj chay libroman jina yuyarisqas karqanku.]

Apocalipsis 22:16

Noqa Jesús, angelniyta kachamorqani kay imasmanta iglesiasman willanampaj. Noqa Davidpa saphin, miraynintaj kani, sut'iyaypi lliphipej ch'askataj.

San Juan 1:4

Kausayqa paypi kasharqa. Chay kausaytaj runaspaj k'anchay karqa.

Apocalipsis 22:2

Llajtaj plazan chaupipi, mayoj puraj chimpampitaj kausaj sach'a kasharqa chunka iskayniyoj poqoyta qoj, sapa killa ujta. Sach'aj laqhesnintaj nacionesta thañichinankupaj karqanku.

2 Pedro 1:19

Tiyapullawanchejtaj profetaspa mana chinkaj escribisqasninku. Chay palabrasta uyarispataj allinta ruwankichej; imaynatachus uj k'anchay laqhapi sut'iyanankama k'anchan, ajinata; paqariy ch'aska jinataj sonqoykichejpi k'ancharinankama.

Apocalipsis 2:28

Paymantaj paqarimuy ch'askata qosaj.

Salmos 147:3

Payqa sonqo p'akisqasta thañichin. Nanasqasnintataj jampin.

Salmos 103:3

Paypuni tukuy sajra ruwasqasninmanta perdonawan, onqoypipis pay thañichiwan.

San Mateo 11:5

Ciegos rikunku, cojos puririnku, lepra onqoyniyojkuna llimphuchasqas kanku, lojt'us uyarinku, wañusqas kausarinku, wajchasmampis evangelio willakun.

Isaías 35:6

Cojosqa tarukas jina phinkiykachanqanku, opapis parlarenqa. Chay jina ch'aki ch'in jallp'api ashkha correshaj yakus llojsimonqanku.

Hechos 13:47

Señorqa kay jinata kamachiwarqayku: Waj llajtayoj runaspa k'anchaynin kanaykipaj churayki, tukuy kay pachapi runasman salvacionmanta willanaykipaj.

San Juan 9:4

P'unchayraj kashajtin, kachamuwajniypa ruwanasninta ruwanaypuni tiyan; tutaqa chayamushanña, chaypachataj ni pi llank'ayta atenqachu.

Oseas 6:3

Atisqanchejta kallpachakunachej Señorta rejsinanchejpaj! Señor jamonqapuni noqanchejman, imaynatachus inteqa cheqamanta llojsimunampuni kashan ajinata, chayri imaynatachus paraqa jallp'ata qarpanampuni kashan tiempompeqa, ajinata.

Oseas 6:1

Tukuy jamuychej, Señorman kutirimpuychej. Pay phiriwarqanchej, jinapis payllataj jampiwasunchej. Nanachiwarqanchej, payllataj sanoyachiwasunchej.

Ezequiel 47:12

Frutasta poqoj tukuy laya sach'as chay mayuspa puraj ladosnimpi wiñanqanku. Chay sach'aspa laphisninku mana urmanqankuchu, poqoyninkutaj mana jayk'ajpis pisiyanqachu. Sapa killa poqoyta apanqanku, imaraykuchus Diosta yupaychana wasimanta llojsej yakuwan qarpasqas kanqanku. Poqoyninkoqa mikhunapaj allin kanqa, laphisnintaj jampipaj allin kanqa.

Isaías 50:10

Mayqellampis Señorta manchachikojkuna, kamachimpa parlasqasninta uyarejkuna. Pikunachus laqhayajpi purejkuna, Señorpa sutimpi atienekuychej. Diosniykichejpi atikuychej.

Isaías 9:2

Laqhapi purej runasqa, rikunku jatun k'anchayta; laqhayaypi tiyakoj runasmantaj k'anchaykamun.

Proverbios 4:18

Cheqan runaspa ñanninkoqa sut'iyamuyta inti llojsimushaj jina, astawan p'unchayyamusqanman jinari sumajta k'ancharimun.

Salmos 85:9

Cheqamanta Diosqa payllapipuni kashan, payta munakojkunata salvanampaj; paypa k'acha kaynintaj jallp'anchejpi kanqa.

Salmos 67:1

Diosníy, khuyakuy noqaykumanta, bendiciwaykutaj. Allin ñawiwan qhawawayku.

Apocalipsis 11:18

Jatun llajtakuna phiñarikorqanku. Qampa phiñakuyniykipis chayamunña, wañusqakunaj p'unchaynimpis juzgasqa kanampaj; kamachisniyki profetasman, ajllasqasman, sutiykita manchachikojkunaman, juch'uykunaman, jatunkunaman ima t'inkata qopunaykipaj; kay pachata tukuchejkunatapis tukuchinaykipaj.

1 Juan 2:8

Chaywampis, uj mosoj kamachisqayta escibimuykichej. Chaytaj cheqamin Jesucristopi, ajinallataj qankunapipis. Laqhaqa chinkaripun, cheqa k'anchaytaj lliphipimunña.

2 Pedro 3:18

Astawampis wiñaychej yanapaypi, Salvador Señorninchej Jesucristoj rejsiynimpiwan. Jatun kay paypaj kachun, kunanmantapacha wiñaypaj wiñaynintinkama. Amén.

2 Tesalonicenses 1:3

Qankunamanta hermanos, Diosman graciasta qonaykupuni tiyan, maychus cheqan kasqanman jina; imaraykuchus feniykichej ashkhata wiñashan, jinallatataj sapa ujniykichejpa munakuyniykichejpis, qankuna ukhupi mayta yapakushan, jinallatataj wajkuna ukhupipis.

San Juan 1:14

Chay Palabrataj aychallikorqa. Noqanchej ukhupitaj tiyakorqa. Jatun k'anchayninta rikorqanchej, Tata Diospa uj k'ata Churimpa k'anchayninta jina; payqa junt'a karqa munakuywan, cheqa kaywantaj.

San Juan 1:8

Mana Juanchu chay k'anchayqa karqa. Payqa k'anchaymanta willanampaj kachamusqa karqa.

San Lucas 2:32

Pay k'anchanqa gentilesman, israel aylluyki jatunyasqa kanampaj.

San Lucas 1:50

Diospa khuyakuynenqa miraymanta mirayman, payta manchachikojkunapaj.

San Mateo 23:37

Jerusalén, Jerusalén, profetasta wañuchej, qanman kachamusqastapis rumiswan ch'anqaj! Mashkha kutitachus wawasniykita tantayta munarqani, imaynatachus wallpa chillwisninta lijrasnin uraman tantaykun ajinata, qantaj mana munarqankichu.

Jeremías 17:14

Qan jampiway, Señor, jampisqataj kasaj. Qan salvaway, Señor, salvasqataj kasaj. Qanmin, Señor, yupaychanayqa kanki.

Isaías 49:6

Chanta payqa niwarqa: Kamachillay kanaykeqa mana allinchu, Jacobpa ayllusninta kutirichimunallaykipajqa, Israelmanta puchojkunata kutirichimunallaykipajqa. Astawampis nacionespa k'anchaynin kanaykipaj churayki, salvacionniyta apanaykipaj, karu jallp'aspi kajkunasnintinman.

Hechos 13:26

Hermanos, Abrahampa ayllunmanta kajkuna, qankuna ukhupi Diosta manchachikojkuna ima. Qankunaman Dios apachimusunkichej kay salvaj palabrata.

San Juan 12:40

Ñawisninkuta ciegoyacherqa, sonqonkutataj rumiyacherqa; ñawisninkuwan ama rikunankupaj, nitaj sonqonkuwan unanchaspa, noqaman kutirimunankupaj, noqataj paykunata thañichinaypaj.

Salmos 61:5

Qan, Diosníy, ruwasaj nisqasuyta uyariwanki, chayaqetataj qan qowanki, sutiykita yupaychajkunaj chayaqenta.

Jeremías 30:17

Kausayniykita kutichipusqayki, nanasqasniykitataj jampisqayki. Enemigosniykeqa nichunkupis: Sionqa saqerparisqaña kashan, mana pipis paymantaqa yuyarikunchu, nispa. Noqa Señor chayta nini.