Malaquías 3:7 - Qheshwa Biblia DC

⁷ Kamachiyniykunamanta qankuna karunchakorqankichej, ñaupa tatasniykichej jina, manataj kamachisqasniyta kasuyta munankichejchu. Noqa, Tukuy Atiyniyoj Señormin niykichej: Noqaman kutirimuychej, noqataj qankunaman kutirimusaj. Qankunatajrí ninkichej: Imarayku qanman kutirimusqaykuri?

DIOSPA QHELQACHISQAN DEUTEROCANONICAL

⁷ Qankunaqa ñawpa tataykichej jina kamachisqaymanta karunchakorqankichej, manataj kamachisqayta kasuyta munarqankichejchu. Kunanrí noqa Tukuy Atiyniyoj Tata Dios niykichej: Noqaman kutirikamuwaychej, noqapis qankunaman kutirimullasajtaj, nispa. Qankunatajrí ninkichej: Imaraykutaj ninki qanman kutirikunayku kasqantari? nispa.

DIOSPA QHELQACHISQ

⁷ Qankunaqa ñawpa tataykichej jina kamachisqaymanta karunchakorqankichej, manataj kamachisqayta kasuyta munarqankichejchu. Kunanrí noqa Tukuy Atiyniyoj Tata Dios niykichej: Noqaman kutirikamuwaychej, noqapis qankunaman kutirimullasajtaj, nispa. Qankunatajrí ninkichej: Imaraykutaj ninki qanman kutirikunayku kasqantari? nispa.

Malaquías 3:7 Referans Kwoze

Romanos 10:21

Israel ayllumanta nin: Sapa p'unchay wajyarqani mana kasukoj, churanakoj aylluta.

Romanos 10:3

Diospa cheqan kayninta mana rejsispa, paykunaj munaynillankuta ruwayta munarqanku. Diospa cheqan kayninta mana kasorqankuchu.

Santiago 4:8

Diosman qayllakuychej. Paypis qayllamusonqachej. Juchasapas, makisniykichejta llimphuchakuychej. Qankuna iskay yuyayniyojkunaqa, sonqosniykichejta llimphuchaychej.

Deuteronomio 31:20

Paykunataqa ima jallp'atachus ñaupa tatasniykichejman juraspa qonayta nerqani chayman pusaykusaj. Chay jallp'apeqa lechewan, misk'iwan yaku jina corrishan. Chaypi sumajta sajsaykuytawan, wirayaykuytawantaj, waj dioskunaj qhepanta rispa, chaykunata yupaychanqanku. Noqatataj qhesachawanqanku, ruwasqay tratotataj p'akenqanku.

Oseas 14:1

Israel, kutirikuy Señor Diosniykiman, imaraykuchus juchasniykirayku urmarqanki!

San Lucas 15:16

Chaypitaj sajsakuyta munaj khuchi mikhuna thaqoswan; manataj pillapis ni imata jaywarejchu.

Jeremías 3:22

Mana kasukoj wawas noqaman kutirimpuwaychej, noqataj jampisqaykichej chay mana kasukoj kayniykichejmanta. Kaypi kashayku, qanmantaj chimpakamuyku, imaraykuchus qanllamin Señor Diosniykoqa kanki.

San Mateo 23:27

Ay qankunamanta, leymanta yachachejkuna, fariseos puraj uyas! Qankunaqa yurajchasqas sepulturasman rijch'akunkichej. Chay sepulturasqa jawamanta k'achitus rikukunku. Ukhunkurí aya tullus, tukuy millay asnawan ima, junt'a kashanku.

Malaquías 1:6

Tukuy Atiyniyoj Señorqa sacerdotesta nin: Wawasqa tatasninkuta honranku, uywasqaspis patronesninkuta honrallankutaj. Sichus noqa Tataykichej kani chayqa, sacerdotes, qankunaqa imaraykutaj mana honrawankichejchu? Sitajchus qankunajta Señorniykichej kani chayqa, imaraykutaj mana respetakuwankichejchu? Astawampis qankuna noqata qhesachaspa ninkichejraj: Imapi qanta qhesachasuyku?, nispa.

Ezequiel 20:28

Makiyta oqharispa paykunaman uj jallp'ata qonaypaj jurarqani, chayman pusaykojtiytaj, tukuy lomasta, chayri tukuy thansa sach'asta rikuytawan, chaypi uywa wañuchisqasta ruphacherqanku, jinataj rikuchikusninkuta jaywarqanku. Chaykuna noqata mayta phiñachiwanku. Chaypi k'acha q'apaj inciensosta q'osñicherqanku, vinowantaj ch'ajchorqanku.

Ezequiel 20:21

Paykunaj wawasninkutaj contrayta jatarillarqankutaj. Mana kamachisqayman jinachu purerqanku. Yachachisqasniyta mana waqaycharqankuchu, nitaj junt'arqankuchu. Junt'ajqa kausayta tarenqa. Samakuna p'unchaykunasniyta mana kasorqankuchu. Chayrayku, noqa yuyarqani ch'in pampapi paykunaj patankuman k'ajaj phiñakuyniyta urmachimuyta, ajinamanta paykunapi phiñakuyniymanta samarinaypaj.

Ezequiel 20:13

Astawampis israelitasqa ch'in pampapi contrayta sayarerqanku. Mana leyesniyman jinachu purerqanku, kamachisqasniyta qhesacharqanku. Chaykunata junt'aj runaqa kausanqa. Samakunay p'unchaykunasniytaqa manapuni kasuta ruwarqankuchu. Chayrayku noqa nerqani ch'in pampapi paykunata phiñakuyniypi tukuyninkuta chinkachinayta.

Ezequiel 20:8

Paykunataj contraypi sayarerqanku, manataj uyariyta munawarqankuchu. Ñawisninkuta ch'aukiyaj millay juchasninkumanta ni pipis t'aqakorqankuchu, nitaj Egiptopi kaj lantistapis saqerqankuchu. Yuyarqani paykunaj patampi k'aj phiñakuyninmanta samariyta, Egipto jallp'api kikin phiñakuyniyta paykunapi junt'anaypaj.

Isaías 65:2

Sapa p'unchay chay mana kasukoj runasman makisniyta jaywani; paykunaqa mana cheqan ñantachu purishanku, sajra yuyayninkupi paykunaqa kasushanku.

Nehemías 9:26

Chaywampis mana kasukojkuna karqanku, contraykipi oqharikorqanku, leyniykitataj qhesacharqanku. Chantaqa profetasniykita wañucherqanku sut'inta ch'ataykuspa, qanman kutirikamunankuta willasqankurayku. May millaytataj contraykipi juchallerqanku.

Malaquías 3:13

Señorqa nin: Qankuna mayta rimankichej contrayta. Chantapis tapunkichejraj: Imata qampaj contraykita rimayku?, nispa.

Jeremías 7:26

Chaywampis, qankunaqa manapuni kasuwarqankichejchu, manachayqa chay ñaupa tatasniykichejmantapis astawanraj rumi sonqos karqankichej.

Romanos 7:9

Uj p'unchaypi kausarqani mana leyllawan; ley jamojtinrí, juchaqa kausarerqa, noqataj wañorqani.

Jeremías 7:25

Ñaupa tatasninku Egiptomanta llojsimusqankumantapacha kunankama, qankunaman kamachisniy profetasta kachamullarqaykichejpuni.

Jeremías 16:11

Qantaj paykunaman kutichinki: Señorqa nillantaj: Kay tukoyqa qhatirisunkichej ñaupa tatasniykichej saqerpayawarqanku, waj dioskunata, qhepantataj riporqanku yupaychaykunasta qonankupaj; noqata saqerpariwarqanku, manataj junt'arqankuchu chay noqaj yachachisqasniyta.

Jeremías 16:12

Qankunataj paykunamanta aswan mana allinta ruwajkuna kankichej, sapa ujniykichej mana kasukuspa sonqoykichejpa sajra munayninman jinalla ruwarqankichej, manataj noqaqa kasuwarqankichejchu.