Malaquías 3:5 - Qheshwa Biblia DC

⁵ Tukuy Atiyniyoj Señorqa nin: Noqa jamusaj qankunata juzganaypaj. Juchasniykichejta rikuychej. Chaypacha noqa testigo kasaj kay runakunaj contrampi, pikunachus layqanku, qhenchachakunku, llulla juramentota ruwanku, llank'ajkunaj pagonta engañanku, wajcha warmista, wajcha wawasta ima llakichinku. Waj llajtayojkunasta mana allinta jinachu qhawajkunata, noqaqa mana respetawajkunata, nispa.

DIOSPA QHELQACHISQAN DEUTEROCANONICAL

⁵ Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

DIOSPA QHELQACHISQ

⁵ Tukuy Atiyniyoj Tata Dios nin: Noqa qankunata juzgaj jamusaj. Chaypachataj noqamin testigo jina sayasaj kay jina kajkunaj contrankupi: Layqakuna, wasanchajkuna, llullakuspa tilojkuna, jornal pagota mana qopojkuna, pikunachus warmisapatawan ni piniyoj wajchakunatawan ñak'arichejkuna, waj llajtayojta ñak'arichejkuna, pikunachus mana jatun respetowan noqata qhawawanku ima, chaykunaj contrankupi sayaykusaj.

Malaquías 3:5 Referans Kwoze

Hebreos 13:4

Casarakoyqa tukuypaj allin; puñunankupis mana ch'ichiyojtaj kachun. Dios juchachanqa sajra purejkunata, qhenchachakojkunata ima.

Deuteronomio 5:11

Ama qhasimanta Señor Diosniykej sutinta oqharinkichu. Diosqa manapuni saqenqachu mana jasut'ispa pischus sutinta qhasimanta oqharejtaqa.

Santiago 5:4

Qankunataj mana pagarqankichejchu, chajraykichejpi llank'ajkunaman cosechata oqharispa, ch'aukiyasqas kasqankurayku. Chay cosechata oqharejkunataj qhaparishanku contraykichejpi; chaytaj atiyniyoj Señorpa ningrinman chayan.

Malaquías 2:14

Qankunarí tapunkichejraj: Imaraykutaj?, nispa. Imaraykuchus Señor rikun p'akisqaykita piwanchus wayna kashaspa casarakorqanki, chay warmiwan promesa ruwasqaykita. Payqa compañerayki karqa. Qan payman promesata ruwarqanki mana saqeranaykita.

Deuteronomio 27:19

Maldicisqa kachun juiciopi runaspaj mana cheqanta ruwajqa, karu llajtayojpaj, chayri warmi sapapaj, chayri wajcha wawaspaj ima. Tukuy israelitastaj nenqanku: Ajina kachun, nispa.

Apocalipsis 22:15

Jawapitaj qhepakonqanku alqos, layqas, qhenchas, runa wañuchis, lantista yupaychajkuna, jinallatataj llullakuyta munakojpis, llullata ruwaj ima.

Apocalipsis 21:8

Manchachikojkunarí, mana creejkuna, millay kajkuna, runa wañuchis, qhenchachakojkuna, layqakuna, lanti yupaychajkuna, tukuy llullakojkunapis, chayaqepaj jap'enqanku, ninawan azufrewan larwashan chay qochata. Chaymá iskay kaj wañoyqa.

Levítico 20:27

Sichus uj qhari, chayri uj warmi wañusqasta tapunman, chayri layqakunman chayqa, rumiswan ch'anqasqa wañonqa. Chay wañunampajtaj paylla juchayoj kanqa.

Levítico 20:6

Sichus pipis wañusqasta tapojkunaman, layqasmanwan rinman, chayta qhatispataj ch'ichichakunman chayqa, noqa sayarisaj paypa contranta, chinkachisajtaj ayllun chaupimanta.

Levítico 19:13

Ama runa masiykita maytapuni llakichinkichu, nitaj paypata kajtapis suwankichu. Ama peonniykej pagonta q'ayantinkama waqaychakunkichu.

Malaquías 2:17

Señorqa sayk'usqaña qankunata uyarispa, chaywampis qankuna tapunkichejraj: Imatapunitaj niyku sayk'unampajri noqaykumanta uyarispa? Qankuna ninkichej, mayqellampis sajra imasta ruwajqa Diosta kusichisqanta, paywantaj kusisqalla Dios kakusqanta. Qankuna mana creenkichejchu Diosqa cheqan kasqanta.

Proverbios 16:6

Juchataqa, munakuywan cheqa kaywantaj perdonana; Señorta manchachikuspataj runaqa juchamanta t'aqakun.

Proverbios 8:13

Señorta manchachikoyqa sajra kajta qhesachaymin. Jatunchakuyta, runaykachayta, sajra ñanta, llullastawan, noqaqa chejnini.

Salmos 98:9

Señorpa ñaupaqempi. Payqa jamushan kay pachata kamachej. Pay kamachenqa kay pachapi llajtasta, cheqan kaywan mana pantaspa.

Romanos 3:8

Imaraykutaj mana nisunmanchu; imaynatachus wakin tumpawanchej, noqanchej nisqanchejta, sajra kajkunata ruwana, allin kajkuna jamunampaj, nispa? Paykuna jasut'isqa kanankoqa cheqapuni.

Miqueas 1:2

Tukuy ayllumanta kajkuna uyariychej kayta; Señormin, yupaychana santo wasinmantapacha qankunaj contraykichejpi qhawamonqa.

Salmos 96:13

Kusikuchunku Señorpa ñaupaqempi, imaraykuchus pay jamushan. Pay jamushan ari kay jallp'ata kamachej. Kay pachapi tukuy runasta kamachenqa cheqan kajwan, cheqa kajwantaj.

Salmos 81:8

Uyariy, ayllúy, kay k'amisusqayta, Israel, allin kanman kasunawaykeqa.

Nehemías 5:15

Noqamanta aswan ñaupaj kaj kamachejkunaqa tukuy aylluta llakicherqanku. Paykunaqa tawa chunka qolqesta sapa día pagachikoj kanku mikhunankupaj jinataj vinopajpis. Paykunata, ayllumanta kajkuna yanapajkunasninkuta munasqankuman jina llakiyta ruwaj kanku. Noqarí mana chayta ruwarqanichu Diosta manchachikusqayrayku.

Deuteronomio 24:17

Ama karu llajtayojpajqa imachus mana cheqan kajtaqa ruwapunkichejchu, ni wajcha wawaspajpis, nitaj warmi sapasmantapis p'achasninkuta prendapaj jap'ikapunkichejchu.

Levítico 20:10

Sichus pipis runa masimpa warminwan puñuykapunman chayqa, chay qhenchachakoj qhari, jinallataj chay qhenchachakoj warmipis wañuchisqaspuni kanqanku.

Éxodo 18:21

Chantapis qan ajllay israelitas ukhumanta allin yuyayniyoj qharista, Diosta manchachikojkunata, imastapis cheqanta ruwajkunata, qolqellamanta mana wañojkunata. Paykunata churaray sapa t'aqapi kurajkunas kanankupaj; paykunataj kamachichunku wakenqa waranqa runasta, wakintaj pachaj runasta, wakintaj phishqa chunka runasta, wakintataj chunka runasta kamachinankupaj.

Éxodo 1:17

Onqochej warmistaj Diosta manchachikuspa Egipto reypa nisqanta mana kasorqankuchu, saqellarqanku qhari wawas kausajta.

Génesis 42:18

Chay kinsa diamantataj nerqa: Noqaqa Diosta manchachikuni. Qankunataj kayta ruwaychej, chacharipusqaykichajtaj.

Santiago 5:12

Hermanosníy, amapuni juraychejchu, ni janaj pacharayku, nitaj kay pacharaykupis, nitaj waj juramentowampis. Maypachachus arí, ninkichej, arí kachun; maypachachus, mana ninkichej, mana kachun, ama juchachasqa kanaykichejpaj.

1 Tesalonicenses 4:6

Ama pipis hermanompa kapuyninman yaykuchunchu, nitaj suwachunchu, imaraykuchus Señorqa jasut'enqa kay tukuy imasmanta, imaynatachus nerqaykuña.

San Lucas 23:40

Ujnin kajrí paytañataj k'amerqa: Manachu Diosta manchachikunki; qampis kikin wañuyllapitaj kashaspa?

Salmos 36:1

Sajraqa juchasapaj sonqon ukhuman parlan: Payqa ni jayk'ajpis yuyarinchu, Diosta manchachikuna kasqanta.

Génesis 20:11

Chanta Abraham kuticherqa: Noqa yuyarqani qankuna Diosta mana manchachikusqaykichejta, jinamanta warmiyrayku wañuchinawaykichejta.

Deuteronomio 18:10

Amapuni ni mayqenniykichej wawasniykichejta rikuchikuta jina qonkichejchu ninapi ruphachispa. Amapuni ni mayqenniykichej suerte watunata ruwankichejchu, ni qhepaman imachus kananmantapis yachaj tukunkichejchu, layqakuytapis ama yachankichejchu, ama mayqentapis t'ukuchinkichejchu, ama suerteta watojkunata tapukunkichejchu, ama almasta wajyachinkichejchu. Amallataj wañusqastapis tapuchinkichejchu.

Isaías 57:3

Qankuna layqa warmej wawasnin jamuychej kayman. Qankunaqa millay qhencha warmej miraynin.

Jeremías 5:2

Señorpa kausayninrayku jurajkunapis, llullakuspa juranku.

Jeremías 5:29

Manachu kay tukuymantaqa jasut'isaj? Manachu ajina runasmanqa chay ruwasqankuman jina qopusaj? Noqa Señormin chayta nini.

Jeremías 23:10

Kay nacionqa qhenchaswan junt'a kashan, juchata ruwaypi purejkunallawan, atiyninkuta mana cheqan kajta ruwanallankupaj churajkunawan ima. Chayraykumin Señorqa kay jallp'ata maldicerqa. Jallp'aqa ch'akiporqa, ch'in pampapi kaj pastospis ch'akiporqanku.

Jeremías 27:9

Chayrayku ama kasuta ruwaychejchu profetasniykichejta, adivinosniykichejta, mosqoykunasta sut'inchajkunata, nitaj chay p'ajpakus rikuni nejkunatapis, pischus umachasunkichej Babiloniamanta reyman ama rinaykichejta chaykunatapis.

Jeremías 27:10

Chay tukuy imasta nisqasuykichejqa llullaslla kanku. Chayta creespaqa qankuna jallp'aykichejmanta wijch'usqas kayllata tarikunkichej, jinallataj noqa ch'eqerachisunaykichejta wañunaykichejtataj.

Jeremías 42:5

Chaypacha paykuna Jeremiasman nerqanku: Señor Diosniyki noqaykoj contraykupi cheqan testigo kachun, sichus Señor Diosniykej noqaykuman nisusqanta mana junt'aykuman chayqa.

Habacuc 1:12

Señor, manachu qanqa mana jayk'aj wañoj wiñay wiñaypaj kausaj Santo Diosniy kankiri? Waqaychaj Señorníy, qanmin caldeosman kallpata qorqanki justiciaykita ruwanankupaj.

Zacarías 11:12

Chaypacha nerqani paykunata: Allinman rijch'asunkichej chayqa, jornalniyta pagapuwaychej, manachayqa saqellaychej. Jinamanta pagapuwarqanku kinsa chunka qolqesta.

Éxodo 20:7

Ama qhasimanta oqharinkichu Señor Diosniykej sutinta. Diosqa jasut'enqapuni pischus sutinta qhasimanta oqharejtaqa.

Éxodo 22:20

Pikunachus lantisman rikuchikusta jaywajkuna, Señorllaman jaywanankumanta nisqaqa, chaykunapis wañonqanku.

Deuteronomio 15:13

Chay kacharipushaspataj ama mana imayojtaqa kacharipunkichejchu.

Job 7:2

Uj wata runaqa llanthumanta khaykakun, uj llank'aj runaqa pagonta jap'iyta mayta suyan.

Job 31:12

Chayqa nina jap'ikuspa imatapis q'olarparin jina kanman, imay kajtapis tukuyninta tukuchipuwanman.

Malaquías 1:6

Tukuy Atiyniyoj Señorqa sacerdotesta nin: Wawasqa tatasninkuta honranku, uywasqaspis patronesninkuta honrallankutaj. Sichus noqa Tataykichej kani chayqa, sacerdotes, qankunaqa imaraykutaj mana honrawankichejchu? Sitajchus qankunajta Señorniykichej kani chayqa, imaraykutaj mana respetakuwankichejchu? Astawampis qankuna noqata qhesachaspa ninkichejraj: Imapi qanta qhesachasuyku?, nispa.