Malaquías 3:2 - Qheshwa Biblia DC

² Chanta, Señor jamonqa chay p'unchaypi, pitaj aguantayta atenqarí? Pitaj ñaupaqempi sayariyta atenqa Pay rikhurimojtinrí? Imaraykuchus chayamonqa nina kikin, ch'uwachanawanchejpaj, jabón jinataj jucha ch'ichinchejta pichanawanchejpaj.

DIOSPA QHELQACHISQAN DEUTEROCANONICAL

² Pitaj Tata Diospa jamunan p'unchayta awantayta atinmanri? Pay rikhurimojtin, pitaj sayayta atinmanri? Ni pi, imaraykuchus payqa qorita ch'uyachej lawrashaj nina jina kanqa, chayrí p'achata t'ajsajpa jabonnin jina.

DIOSPA QHELQACHISQ

² Pitaj Tata Diospa jamunan p'unchayta awantayta atinmanri? Pay rikhurimojtin, pitaj sayayta atinmanri? Ni pi, imaraykuchus payqa qorita ch'uyachej lawrashaj nina jina kanqa, chayrí p'achata t'ajsajpa jabonnin jina.

Malaquías 3:2 Referans Kwoze

Isaías 4:4

Chayqa kanqa maypachachus Señor Siompi kaj warmispa ch'ichi kayninkuta mayllajtin, jinallataj Jerusalempi yawar jich'asqankuta pichajtin, Señor tukuy atiyninwan cheqanchajtin, jasut'ejtintaj.

Apocalipsis 6:17

Paypa k'ajaj phiñakuynimpa jatun p'unchaynin chayamunña. Pitaj atenqa sayaytari?

San Lucas 21:36

Qhawarikuychej ari, Diosmanta mañarikuspa tukuy tiempopi, kay tukuy ima jamojmanta ayqenaykichejpaj; allimpi rikhurinaykichejpajtaj Runaj Churimpa ñaupaqempi.

Salmos 2:7

Tukuymantaj willasaj Señorpaj kamachisqanta. Payqa niwan: Qanqa waway kanki, kunan noqa kausayta qoyki.

San Lucas 3:17

Jorcapis makimpiña kashan, erapi trigota wayrachispa pirwaman jallch'anampaj; pajantataj ruphachinampaj mana thasnukoj ninapi.

San Lucas 3:9

Hachaqa ñapis wakisqaña kashan sach'asta saphinmanta urmachinapaj. Chayrayku, tukuy sach'a mana allinta poqojqa, urmachisqa, ninapitaj lauranqa.

Malaquías 4:1

Tukuy Atiyniyoj Señorqa nin: Horno jina lauraj p'unchay qayllamushan, mayqempichus tukuy jatunchakojkuna, tukuynin sajra runastaj ichhu jina ruphanqanku. Chay jamoj p'unchaypi paykunata tukuyninkuta q'olanqa, nitaj imapis chaypacha paykunamanta puchonqachu.

Apocalipsis 2:23

Wawasnintataj mana khuyakuspa wañurachisaj; ajinamanta tukuynin iglesias yachanqanku noqa rejsisqayta runaj yuyayninta, sonqontawan. Qankunamantaj, sapa ujman, ruwasqaykichejman jina qopusqaykichej.

Hebreos 12:25

Qhawakuychej, ama qhesachaspa parlamojta, imaraykuchus jaqaykunaqa kay pachapi parlajta qhesacharqanku, chayraykutaj jasut'imanta mana ayqerqankuchu. Noqanchejtaj janaj pachamanta parlamojta qhesachasun chayqa, manallataj ayqesunchu.

San Juan 8:55

Qankunaqa mana payta rejsinkichejchu, noqataj rejsini. Noqachus mana rejsinichu niyman chayqa, qankuna jina llulla kayman. Noqa payta rejsini, palabrantataj waqaychani.

San Lucas 2:34

Chantá Simeón paykunata bendicerqa. Wawaj maman Mariamantaj nerqa: Kay wawataqa Dios churan Israelpi ashkhas urmanankupaj jatarinankupajtaj. Señal churasqa payta ashkhas qhesachanankupaj.

Jeremías 2:22

Ushpha yakuwampis, chayri may chhika jabonwampis mayllakuwaj chaypis, ch'ichi juchasniykeqa ñaupaqeypi kikillampuni kanqa.

Isaías 1:18

Señortaj nin: Jamuychej parlasunchej. Juchasniykichejqa may jina pukapis kachunku, rit'i jina yuraj kanqanku; may jina kullipis kachunku, yuraj millma jina kanqanku.

San Mateo 25:10

Paykuna aceiteta rantej rinankukamataj, casarakoj runa chayamorqa, wakichikoj sipaskunataj, paywan khuska casamiento wasiman yaykorqanku, punkutaj wisq'akaporqa.

Marcos 9:3

P'achasnintaj k'ancharispa yuraj rit'iman tukorqa; manataj pipis kay mundopi chay jina yurajta t'ajsayta atinmanchu.

Ezequiel 22:14

Noqa contraykita jatarisaj chaypachaqa, sonqoyki wapuchakuwanqachu? Makisniykipis kallpayojllapunichu kanqanku? Noqa Señormin chayta nini, junt'asajpunitaj.

Apocalipsis 19:8

Chay warmimantaj Dios atiyta qorqa, sumaj awasqa ch'uwa lliphipej linowan p'achallikunampaj. Sumaj awasqa linoqa niyta munan ajllasqaspa allin ruwasqasninku.

Apocalipsis 7:14

Noqataj payman kuticherqani: Wiraqochi, chaytaqa qan yachanki, nispa. Paytaj niwarqa: Kaykunaqa jatun llakiymanta jamojkuna kanku. P'achasninkuta t'ajsarqanku, Corderoj yawarnimpitaj yurajyacherqanku.

San Lucas 7:23

Kusikuyniyojtaj kanqa pichus noqarayku mana misk'ajqa.

1 Samuel 6:20

Bet-semespi tiyakojkunataj nerqanku: Pitaj Santo Señor Diospa ñaupaqempi sayaykuyta atinmanri? Noqanchejmanta ithirikuspaqa pejpa contrampiñataj renqari?

Salmos 76:7

Qanqa manchachikunamin kanki. Pitaj ñaupaqeykipi sayayta atinmanri? K'araj phiñasqa kashajtiykiri?

Salmos 130:3

Señor, Señor, juchasniykuta qhawawaj chayqa, pitaj ñaupaqeykipi sayayta atinmanri?

Proverbios 25:4

Qolqemanta ch'ichi imasninta t'aqay, pichus unuyachispa ruwajtaj uj copata ruwanqa.

Isaías 33:14

Juchasapasqa Siompi mayta kharkatiterqanku, puraj uyastapis t'ukuylla jap'erqa. Pitaj noqanchejmanta kay jina nina ukhupi kausanmanri, pitaj kay jinata wiñaypaj nina k'ajaj ukhupi tiyakunmanri?

Daniel (hebreo) 11:35

Yachayniyojkunamanta wakin qhatiykachisqasllataj kanqanku. Ajina ñak'ariywan, paykunaqa llimphuchasqas, sumajyachisqas, yurajyachisqastaj kanankupaj, tukukuypaj wakichisqa rato chayamunankama.

Joel 2:11

Señorqa ejercitompa ñaupaqempi kashan. Jatun qhapariynintataj uyarichin. Soldadosnenqa may ashkhapuni kanku. Kamachisqasninta junt'ajkunataj mana yupay atinas kanku. May jatun, manchachikunataj Señorpa p'unchaynenqa! Mana kanchu pipis ñaupaqempi sayarejqa.

Nahúm 1:6

Phiñakuynimpiri, pitaj sayasqallapipuni kanmanri? Pitaj chay phiñakuyninta ñak'ariyta atinmanri? Sinch'i phiñakuynenqa nina jinapuni t'akarikamun, ñaupaqempeqa qaqaspis iskayman lajrarikunku.

Génesis 19:28

Chaymanta qhawarerqa Sodomata Gomorratawan, chay tukuynin valletawan. Rikorqataj chay tukuyninmanta manchay q'osñilla llojsimushajta hornomanta jina.

Job 28:1

Cheqamanta qolqeta qhoyamanta llojsin, qoripis uj cheqapi ch'uwachakun.