Malaquías 3:1 - Qheshwa Biblia DC

¹ Tukuy Atiyniyoj Señorqa nin: Willarajniyta kachamusaj, ñanta wakichipunawampaj. Mask'ashankichej chay Señorqa ujllata temploman yaykonqa. Chay munasqaykichej tratomanta willarajqa chayamushanña.

DIOSPA QHELQACHISQAN DEUTEROCANONICAL

¹ Tukuy Atiyniyoj Tata Dios nin: Willarajniyta kachamusaj, ñanta wakichipunawanpaj. Chantá pitachus mask'ashankichej, chay Kamachejqa ujllata Templonman chayarparimonqa. Tratomanta willarajqa, pitachus imata jina suyashankichej, chay chayamonqaña, nispa.

DIOSPA QHELQACHISQ

¹ Tukuy Atiyniyoj Tata Dios nin: Willarajniyta kachamusaj, ñanta wakichipunawanpaj. Chantá pitachus mask'ashankichej, chay Kamachejqa ujllata Templonman chayarparimonqa. Tratomanta willarajqa, pitachus imata jina suyashankichej, chay chayamonqaña, nispa.

Malaquías 3:1 Referans Kwoze

Malaquías 4:5

Elías profetata kachamusqaykichej, Señorpa p'unchaynin manaraj chayamushajtin, mayqenchus uj jatun p'unchay kanqa, ancha manchachikunataj.

San Lucas 1:76

Qanri wawáy, jatun Diospa profetan sutichasqa kanki. Señorpa ñaupaqenta rinki, purinasninta wakichispa.

Isaías 63:9

Israelitas llakisqa kashajtinku, paypis llakisqallataj karqa, angelnintaj paykunataqa orqhomorqa. Munakuyninwan khuyakuyninwantaj paykunataqa librarqa, unaymantapacha sapa p'unchay waqaychaspa pusamorqataj.

Hechos 19:4

Chaymantataj Pablo nerqa: Juanqa bautizarqa juchamanta kutirikuy bautismowan. Chay runasmantaj yachacherqa paypa qhepanta jamoj Jesuspi creenankuta.

Malaquías 2:7

Sacerdotesqa runasman yachachinanku tiyan noqata rejsinawankuta; tukuy runastaj sacerdotesman rinanku, sumaj yachachiyta yachaqanankupaj, imaraykuchus sacerdotes kanku Tukuy Atiyniyoj Señorpa kachasqasnin.

Éxodo 23:20

Noqa angelniyta kachamusaj qampa ñaupaqeykita rispa pusasunampaj, ñampitaj waqaychasunampaj, chayachisunampajtaj, ima jallp'atachus qampaj wakicherqani chayman.

San Lucas 19:47

Sapa p'unchaytaj Jesusqa templopi yachachej. Jatun sacerdotes, leymanta yachachejkuna, llajtamanta kurajkuna imatajri, imaynallamantapis payta wañuchiyta munasharqanku.

Salmos 110:1

Señorqa señorniyman nerqa: Pañaynejpi tiyakuy, enemigosniykita chakisniyki uraman churanaykama.

Hechos 7:38

Kay Moisesqa israelitaswan tatasqa ch'in pampapi karqa. Paytaj Sinaí orqopi parlarqa angelwan, tatasninchejwan ima. Kay Moisesllataj Diosmanta jap'erqa kausay palabrasta, noqanchejman qonawanchejpaj.

Isaías 9:6

Uj wawa nacepuwanchejña, Dios uj wawata qowanchej. Chayman qosqa kashan jatun atiy kamachinampaj. Sutisnintaj kaykuna kanqa: Mayta T'ukuna Yuyaychaj, Atiyniyoj Dios, Wiñaypaj Tata, Sonqo tiyachej Rey ima.

Isaías 7:14

Kikin Señormin señalta qosonqachej. Qhawariychej, manaraj qharita rejsej sipas wijsallikun, nacechikuspataj, wawanta Emanuelta sutichanqa.

San Lucas 2:46

Kinsa diamanta tarerqanku templopi doctoreswan tiyashajta, parlasqankuta uyarispataj tapushajta.

San Lucas 2:38

Chay kikimpacha jamuspataj Diosta yupaycharqa; wawa Jesusmantataj willarqa Jerusalempa salvacionninta tukuy suyajkunaman.

San Lucas 2:11

Kunan qankunapaj nacikun Davidpa llajtampi uj Salvador. Chayqa Cristo Señor.

San Mateo 11:14

Sichus qankuna Juampa nisqanta creeyta munankichej chayqa, paymin jamunan karqa chay Eliasqa.

Hageo 1:13

Chaypachataj Señorpa kachasqan Hageoqa, paykunaman parlarqa Diospa sutimpi kay jinata: Señorqa nin: Noqa kaspa cheqamanta niykichej: Noqa qankunawan kashani.

Malaquías 2:4

Chay jinamanta yachankichej noqa kay kamachiyta qankunaman qosqayta, Leviman trato ruwasqay ama p'akisqa kanampaj, nin Tukuy Atiyniyoj Señorqa.

Éxodo 23:21

Ama paypa ñaupaqenmanta t'aqakunkichu, paypa nisusqantataj uyarinki. Ama paywanqa mana kasukoj jina purinkichu; imaraykuchus payqa chay imasta noqaj sutiypi ruwanqa. Mana jinata ruwankichejchu chayqa, juchasniykichejtapis mana perdonasonqachejchu.

Isaías 40:10

Señor Diosniykichejqa jatun atiyninwan jamushan, makinwan tukuyta atipaspa. Payqa t'inkanwan jamushan, pagontapis apamushan.