Malaquías 2:8 - Qheshwa Biblia DC

⁸ Sacerdotes, qankunaqa sumaj ñanmanta karunchakorqankichej, ashkhastataj urmacherqankichej qankunaj yachachisqasniykichejwan. Ajinapi qankuna pierdechinkichej Leviwan trato ruwasqaytaqa, nin Tukuy Atiyniyoj Señorqa.

DIOSPA QHELQACHISQAN DEUTEROCANONICAL

⁸ Qankunarí, cheqan ñanmanta karunchakorqankichej, yachachisqaykichejwantaj ashkha runata pantacherqankichej. Ajinapi qankunaqa Leví jatun aylluwan trato ruwasqayta p'akinkichej. Noqa Tukuy Atiyniyoj Tata Dios ajinata nini.

DIOSPA QHELQACHISQ

⁸ Qankunarí, cheqan ñanmanta karunchakorqankichej, yachachisqaykichejwantaj ashkha runata pantacherqankichej. Ajinapi qankunaqa Leví jatun aylluwan trato ruwasqayta p'akinkichej. Noqa Tukuy Atiyniyoj Tata Dios ajinata nini.

Malaquías 2:8 Referans Kwoze

Nehemías 13:29

Diosníy, yuyarikuy ari sacerdote kayta ch'ichichasqankuta, jinallataj sacerdoteswan levitaswan trato ruwasqaykita ch'ichichasqankutapis.

Jeremías 18:15

Aylloyqa qonqarparipuwan, chay qhasi dioskunasninmantaj inciensosta jaywakapun. Chay ñaupa cheqan ñanmanta chinkarparin, waj mana rejsisqa ñankunasta qhatiykuspa.

Malaquías 2:5

Tratoy karqa Levipajqa kausay, sonqo tiyakuytaj. Chaykunata qorqani noqata respetanawampaj, manchachikunawampajtaj. Paytaj manchachikuwarqa, sutiymantaj k'umuykukorqa.

Ezequiel 44:10

Israel ayllu noqamanta karunchakuspa llulla diosninkuta yupaychajtinku chay levitas juchallikojkunaqa juchasninkumanta paganqanku.

Jeremías 17:5

Señorqa nin: Ñak'achun pichus runasllapi atienekojqa; runaj yanapayninta mask'ajqa, sonqompitaj Diosmanta karunchakojqa.

Isaías 30:11

Ñanmanta pantakuychej, cheqan chaki ñanta saqeychej. Israelpa Santo Diosninmantataj amaña uyarichiwaykuchu.

1 Samuel 2:17

Ajina chay waynaspa juchallikusqasninkoqa, Señorpa ñaupaqempi sinch'i juchapuni karqa, imaraykuchus Señorman qosqa rikuchikusta mana allintachu qhawaj kanku.

Hebreos 3:12

Hermanos, ama qankunamanta pipis mana creej, sajra sonqoyoj kachunchu, kausaj Diosmanta ama t'aqasqa kanampaj.

Romanos 14:21

Allinmin aychata mana mikhunaqa, nitaj vinota ujyanapis; nillataj allinchu imachus wauqeykita misk'achin chayta ruwanapis. Chayrí, imachus juchaman urmachin, fenintataj pisiyachin chaytapis.

Isaías 59:13

Chaykunaqa kashan: Oqharikuy, Señorpa contranta llullakuy, Diosninchejmanta t'aqakuy, waj runaj contranta rimay, churanakuy, sonqonchejpi qhasi palabrasta jap'iy. Llulla palabrasta ima sonqonchejpi jap'erqanchej.

Isaías 9:16

Chay llajtata kamachejkunaqa ch'aukiyajkuna kanku, kasojkunataj chinkapunku.

Salmos 119:102

Kamachisqasniykimanta mana karunchakunichu, imaraykuchus qanmin yachachiwanki.

Salmos 18:21

Noqaqa Señorpa ñanninta qhaterqani. Ni jayk'aj Diosniymantaqa karuncharqanichu.

1 Samuel 2:30

Chayrayku Señorqa Israelpa Diosnin nerqa: Qanwan aylluykiwan ima paypa nisqanta ruwanaykichejtapuni. Kunanqa nisunkichej: Mana ni jayk'aj chayta saqesajchu, manachayqa jatunchawajkunata jatunchallasajtaj; qhesachawajkuna tapis p'enqaypi rikhurichisaj. Noqa Señor chayta nini.

1 Samuel 2:24

Wawasníy, manapuni walejchu Señorpa ayllun ukhupi chay jinata qankunamanta parlasqankoqa.

Jeremías 17:13

Señor, qanmin Israelpa suyaynenqa kanki. Pichus saqekojqa p'enqachisqa rikhurenqa. Qanmanta tukuy karunchakojqa chinkarenqanku, ñut'u jallp'api uj suti qelqasqa jina, chayqa kashan saqerparisusqankurayku, uj ch'uwa yaku juturi jina qan kashajtiyki.

Números 25:12

Niy kunanqa, noqa ruwasqayta uj allinyakuy tratota paywan.

Números 25:13

Chayrayku payman qoni sacerdotej ruwanasninta wiñaypaj ruwanampaj, pay, jinallataj miraynimpis; imaraykuchus pay Diosninrayku chayta ruwan, jinallataj israelitaspaj perdonta tarinampaj.

Jeremías 2:8

Sacerdotesqa nerqanku: Maypitaj Señor kashanri?, nispa. Leyniymanta yachachejkunapis mana rejsikapuwarqankuchu. Kurajkunarí contraypi oqharikorqanku. Profetasqa Baalpa sutillampi parlarqanku, chay qhasi manakaj lantispa qhepantataj riporqanku.

Oseas 4:6

Aylloyqa mana yuyayniyoj, chayrayku chinkachisqa karqa. Qantajrí, sacerdote, yachayta qhesacharqanki, noqapis qhesachasqayki sacerdoteypaj kanaykita. Qan qonqaporqanki Diosniykimanta yachachiykunasta, jinata noqapis qonqapusaj mirayniykimanta.

Sofonías 3:4

Profetasninkoqa sajra parlayniyoj kanku, Diospa contrampi sayarinkutaj, sacerdotesninkutaj llimphu kaj wasita ch'ichichanku, Señorpa kamachiyninkutapis p'akinku.

2 Reyes 16:11

Sacerdote Uriastaj kikin altarta ruwarqa; imaraykuchus rey Acazqa Damascomanta kikisitunta apachimorqa, Israelpa reynin Damascomanta kutimunankama.

Proverbios 12:8

Uj runaqa yachayniyoj kasqanman jina munachikun; uj wampu runarí chejnichikuyllata tarin.

Ezequiel 22:26

Kay llajtaj sacerdotesnenqa yachachiykunasniyta p'akinku. Ajllakusqasniy cheqasta ch'ichichanku. Imachus llimphu kajta, imachus ch'ichi kajtapis mana reparankuchu. Manataj wajkunaman yachachinkuchu imachus allin kajta, nillataj mana allin kajtapis. Samakuna p'unchaykunasniymanta mana dakunkuchu, nitaj jatunchawankuchu.

Ezequiel 44:7

Qankuna Diosta yupaychana wasiyta ch'ichichankichej, sonqompi, aychampipis mana circuncidasqa waj llajtayoj runasta wasiyman pusaykuspa paykuna chaypi kanankupaj, t'antayta, wirasta yawartawan jaywanawankupaj. Tukuy chay millay imasta ruwaspa tratoyta pampachankichej.

Ezequiel 44:12

Paykunaqa israelitaspa nisqankuta ruwasharqanku juchallichinankupaj, qhasi dioskunasninkuta yupaychaspa. Chayrayku chay juchankumanta paganqanku. Noqa Señormin kaytaqa nini.

Malaquías 1:6

Tukuy Atiyniyoj Señorqa sacerdotesta nin: Wawasqa tatasninkuta honranku, uywasqaspis patronesninkuta honrallankutaj. Sichus noqa Tataykichej kani chayqa, sacerdotes, qankunaqa imaraykutaj mana honrawankichejchu? Sitajchus qankunajta Señorniykichej kani chayqa, imaraykutaj mana respetakuwankichejchu? Astawampis qankuna noqata qhesachaspa ninkichejraj: Imapi qanta qhesachasuyku?, nispa.